Ampicillin sodium + Sulbactam

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺរលាកសួត ជំងឺខ្ទុះក្នុងសួត ជំងឺរលាកប្លោកនោម ជំងឺរលាកស្រោមពោះ។

ថ្នាំចាក់：

- ក្នុងឱសថ0.75g រួមមាន៖ ‎Ampicillin sodium 0.5g, Sulbactam sodium 0.25g

- ក្នុងឱសថ1.5g រួមមាន៖ ‎Ampicillin sodium 1g, Sulbactam sodium 0.5g

- ក្នុងឱសថ3g រួមមាន៖ ‎Ampicillin sodium 2g, Sulbactam sodium 1g

・ជំងឺរលាកសួត ខ្ទុះក្នុងសួត រលាកស្រោមពោះ：ប្រើ1ថ្ងៃ6g បែងចែកជា2ដងក្នុង1ថ្ងៃ ដោយចាក់តាមសរសៃវ៉ែនឬព្យួរសេរ៉ូមតាមសរសៃវ៉ែន។ អាចបង្កើនកម្រិតប្រើប្រាស់ក្នុងករណីជាជំងឺឆ្លងធ្ងន់ធ្ងរ ប៉ុន្តែ កម្រិតអតិបរមាគឺ1ដង3g 1ថ្ងៃ4ដង(12g)។

・ជំងឺរលាកប្លោកនោម：ប្រើ1ថ្ងៃ3g បែងចែកជា2ដងក្នុង1ថ្ងៃ ចាក់តាមសរសៃវ៉ែនឬព្យួរសេរ៉ូមតាមសរសៃវ៉ែន។

ចំពោះកុមារ ប្រើ1ថ្ងៃ60～150mg/kg បែងចែកជា3～4ដងក្នុង1ថ្ងៃ ដោយចាក់តាមសរសៃវ៉ែនឬព្យួរសេរ៉ូមតាមសរសៃវ៉ែន។

・អ្នកដែលធ្លាប់កើតមានអាការៈប្រតិកម្មធ្ងន់ធ្ងរ(Shock)ជាមួយនឹងសារធាតុនៅក្នុងឱសថនេះ។

・អ្នកដែលកំពុងមានជំងឺ Infectious mononucleosis ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រឆាំងបាក់តេរីប្រភេទពេនីស៊ីលីន។

ផលរំខានរួមមាន រាករូស ស្នាមក្រហមលើស្បែក ហើមមុខឬបំពង់ក ឡើងកន្ទួលក្រហម រមាស់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ក្តៅមុខមាត់និងតាមរាងកាយ រមាស់ (រោគប្រតិកម្មធ្ងន់ធ្ងរ)

- ក្តៅខ្លួនខ្លាំង ស្បែកឡើងក្រហម ដំបៅក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome))

- ងាយហូរឈាម ឈាមក្រកក មានស្នាមជាំ អស់កម្លាំង (ជំងឺទាក់ទងនឹងមុខងារឈាម)

- ឈឺពោះ រាករូសមានលាយឈាម (ជំងឺរលាកពោះវៀនធំមានហូរឈាម)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំបញ្ចុះជាតិអាស៊ីតAllopurinol - អាចធ្វើអោយហានិភ័យនៃការកើតមានផលរំខានកើនឡើង

・ថ្នាំប្រឆាំងកំណកឈាម - អាចធ្វើអោយហានិភ័យនៃការហូរឈាមកើនឡើង

・ថ្នាំពន្យារកំណើត - អាចធ្វើអោយប្រសិទ្ធិភាពថ្នាំពន្យារកំណើតថយចុះ

・ថ្នាំព្យាបាលជំងឺរលាកសន្លាក់Rheumatism (ថ្នាំMethotrexate) - អាចកាត់បន្ថយការបញ្ចេញចោលនៃថ្នាំMethotrexate ធ្វើអោយកម្រិតនៃសារធាតុថ្នាំនៅក្នុងឈាមកើនឡើង

・ថ្នាំបញ្ចុះជាតិអាស៊ីតProbenecid - អាចធ្វើអោយហានិភ័យនៃការកើតមានផលរំខានកើនឡើង

・ស្ត្រីមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅពេលលាយថ្នាំចាក់ - ត្រូវប្រើភ្លាមៗបន្ទាប់ពីការរលាយ

・នៅពេលចាក់បញ្ចូលថ្នាំ - អាចបង្កអាការៈឈឺចាប់ឬរលាកនៅសរសៃឈាម ឬបង្កជាកំណកឈាម ដូច្នេះ ត្រូវប្រុងប្រយ័ត្នអំពីផ្នែកនៃរាងកាយដែលត្រូវចាក់ របៀបចាក់ និង ត្រូវចាក់បញ្ចូលដោយយឺតៗតាមដែលអាចធ្វើទៅបាន

・Ampicillin និង ឱសថប្រឆាំងបាក់តេរីប្រភេទAminoglycoside អាចមានប្រតិកម្មនឹងគ្នា ដូច្នេះមិនត្រូវលាយបញ្ចូលគ្នាទេ។ ប្រសិនបើត្រូវប្រើរួមគ្នា គួរចាក់បញ្ចូលផ្សេងពីគ្នានិងនៅកន្លែងខុសគ្នា ឬ ចាក់ខុសពេលវេលាគ្នារយៈពេលប្រហែល 1 ម៉ោង។

Ampicillin sodium ជាឱសថប្រឆាំងបាក់តេរីប្រភេទពេនីស៊ីលីន ដោយបង្អាក់សកម្មភាពបង្កើតភ្នាសកោសិការបស់បាក់តេរី ធ្វើអោយបាក់តេរីមិនអាចកើនចំនួនបាន។

Sulbactam ជាសារធាតុដែលមានប្រសិទ្ធិភាពបង្អាក់សកម្មភាពរបស់អង់ស៊ីមβ-lactamase ធ្វើអោយប្រសិទ្ធិភាពប្រឆាំងមេរោគមានលំនឹង មិនងាយបាត់បង់ប្រសិទ្ធិភាព។