Amiodarone hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម ដែលមានលក្ខណៈធ្ងន់ធ្ងរហើយការប្រើឱសថផ្សេងទៀតមិនមានប្រសិទ្ធិភាព៖

- អាការៈញ័រថតក្រោមនៃបេះដូង (Ventricular fibrillation)

- អាការៈកន្ត្រាក់ញាប់នៃបេះដូងដោយសារមានបញ្ហាថតក្រោមនៃបេះដូង (Ventricular tachycardia)

- អាការៈញ័រថតលើនៃបេះដូង(Atrial fibrillation)ដែលកើតមាននៅក្នុងជំងឺខ្សោយបេះដូង(Heart failure)ឬជំងឺបេះដូងរីក។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចតទៅ៖

- ជំងឺទាក់ទងនឹងចង្វាក់បេះដូងដូចខាងក្រោម ដែលមានគ្រោះថ្នាក់ដល់ជីវិតនិងមានលក្ខណៈពិបាកព្យាបាលហើយបន្ទាន់ : អាការៈញ័រថតក្រោមនៃបេះដូង (Ventricular fibrillation) និង អាការៈនៃចង្វាក់បេះដូងដើរលឿនដោយសារមានបញ្ហាថតក្រោមនៃបេះដូង (Ventricular tachycardia)ហើយចរន្តឈាមមានលក្ខណៈមិននឹងនរ។

- អាការៈគាំងបេះដូងដោយសារអាការៈញ័រថតក្រោមនៃបេះដូង(Ventricular fibrillation)ឬដោយសារអាការៈបេះដូងកន្ត្រាក់ញាប់លក្ខណៈមិនមានជីពចរមកពីបញ្ហាថតក្រោមនៃបេះដូង (Pulseless ventricular tachycardia) ហើយការឆក់អគ្គិសនីក្នុងការបំបាត់ការញ័របេះដូងមិនមានប្រសិទ្ធិភាព។

ករណីថ្នាំលេប：

・នៅដំណាក់កាលចាប់ផ្ដើម：

មនុស្សពេញវ័យ：លេប1ថ្ងៃ400mg បែងចែកជា1～2ដងក្នុង1ថ្ងៃ រយៈពេល1～2សប្ដាហ៍។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・នៅដំណាក់កាលរក្សាស្ថានភាព(ប្រើជាប្រចាំ)：

មនុស្សពេញវ័យ：លេប1ថ្ងៃ200mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：
・ករណីប្រើចំពោះអាការៈញ័រថតក្រោមនៃបេះដូង (Ventricular fibrillation) អាការៈនៃចង្វាក់បេះដូងដើរលឿនដោយសារមានបញ្ហាថតក្រោមនៃបេះដូង (Ventricular tachycardia)ហើយចរន្តឈាមមានលក្ខណៈមិននឹងនរ:
ជាទូទៅ មនុស្សពេញវ័យប្រើក្នុងកម្រិតដូចខាងក្រោមតាមការព្យួរសេរ៉ូន។ អាចបង្កើនឬបន្ថយកម្រិតប្រើប្រាស់ឬបន្ថែមចំនួនដងនៃការប្រើឱសថទៅតាមរោគសញ្ញារបស់អ្នកជំងឺ។ ប៉ុន្តែ មិនត្រូវប្រើលើសពីកម្រិត1250mgក្នុង1ថ្ងៃឬបញ្ចូលឱសថលើសពីកំហាប់2.5mg/mLនោះទេ។
1.របៀបបញ្ចូលឱសថ (មកត្រឹម48ម៉ោង)
(1) ការបញ្ចូលឱសថក្នុងល្បឿនលឿននៅដំណាក់កាលដំបូង: ប្រើក្នុងកម្រិត 125mg (2.5mL) លាយជាមួយសេរ៉ូមគ្លុយកូស5%បរិមាណ100mL រួចប្រើឧបករណ៍បញ្ចូលឱសថលក្ខណៈជាប់ឥតដាច់ក្នុងល្បឿន 600mL/ម៉ោង(10mL/នាទី) រយៈពេល10នាទី។
(2) ការបន្ថែមកម្រិតឱសថ: ប្រើក្នុងកម្រិត 750mg (15mL) លាយជាមួយសេរ៉ូមគ្លុយកូស5%បរិមាណ500mL រួចប្រើឧបករណ៍បញ្ចូលឱសថលក្ខណៈជាប់ឥតដាច់ក្នុងល្បឿន 33mL/ម៉ោង រយៈពេល6ម៉ោង។
(3) ការបញ្ចូលឱសថដើម្បីរក្សាស្ថានភាព: បញ្ចូលឱសថក្នុងល្បឿន 17mL/ម៉ោង រយៈពេល42ម៉ោង។ ដោយតាមលំដាប់លំ 1) នៅ6ម៉ោងក្រោយបន្ថែមកម្រិតឱសថខាងលើ ត្រូវផ្លាស់ប្ដូរល្បឿនបញ្ចូលឱសថពី33mL/ម៉ោងទៅ17mL/ម៉ោង រួចបន្តបញ្ចូលក្នុងល្បឿននេះរយៈពេល18ម៉ោង។ 2) ប្រើក្នុងកម្រិត 750mg (15mL) លាយជាមួយសេរ៉ូមគ្លុយកូស5%បរិមាណ500mL រួចប្រើឧបករណ៍បញ្ចូលឱសថលក្ខណៈជាប់ឥតដាច់ក្នុងល្បឿន 17mL/ម៉ោង រយៈពេល24ម៉ោង (បរិមាណឱសថគឺ600mg)។
2. ការបន្ថែមការបញ្ចូលឱសថ: ប្រសិនបើអាការៈចង្វាក់បេះដូងដើរលឿនដោយសារចរន្តឈាមមិននឹងនរ ឬ អាការៈញ័រថតក្រោមនៃបេះដូង (Ventricular fibrillation) កើតឡើងម្ដងទៀត អាចបន្ថែមការប្រើឱសថនេះទៅតាមការចាំបាច់។ ប្រើក្នុងកម្រិត1ដង 125mg (2.5mL) លាយជាមួយសេរ៉ូមគ្លុយកូស5%បរិមាណ100mL រួចប្រើឧបករណ៍បញ្ចូលឱសថលក្ខណៈជាប់ឥតដាច់ក្នុងល្បឿន 600mL/ម៉ោង(10mL/នាទី) រយៈពេល10នាទី។
3. ការបន្តការប្រើឱសថ (ចាប់ពីថ្ងៃទី3ទៅ): ក្រោយប្រើឱសថនេះរយៈពេល48ម៉ោងរួច ប្រសិនបើចាំបាច់ អាចបន្តប្រើឱសថនេះបន្ទាប់ពីនោះទៀត។ ប្រើក្នុងកម្រិត 750mg (15mL) លាយជាមួយសេរ៉ូមគ្លុយកូស5%បរិមាណ500mL រួចប្រើឧបករណ៍បញ្ចូលឱសថលក្ខណៈជាប់ឥតដាច់ក្នុងល្បឿន 17mL/ម៉ោង (បរិមាណឱសថគឺ600mg/24ម៉ោង)។
・ករណីប្រើចំពោះអាការៈគាំងបេះដូងដោយសារអាការៈញ័រថតក្រោមនៃបេះដូង(Ventricular fibrillation)ឬដោយសារអាការៈបេះដូងកន្ត្រាក់ញាប់លក្ខណៈមិនមានជីពចរមកពីបញ្ហាថតក្រោមនៃបេះដូង (Pulseless ventricular tachycardia) ហើយការឆក់អគ្គិសនីក្នុងការបំបាត់ការញ័របេះដូងមិនមានប្រសិទ្ធិភាព:
ប្រើក្នុងកម្រិត 300mg (6mL) ឬ 5mg/kg(ទម្ងន់រាងកាយ) ដោយលាយជាមួយសេរ៉ូមគ្លុយកូស5%បរិមាណ20mL រួចចាក់បញ្ចូលក្នុងសរសៃវ៉ែន។ ប្រសិនបើអាការៈនៅតែបន្តទៀត អាចបន្ថែមការចាក់ ដោយប្រើក្នុងកម្រិត 150mg (3mL) ឬ 2.5mg/kg(ទម្ងន់រាងកាយ) ដោយលាយជាមួយសេរ៉ូមគ្លុយកូស5%បរិមាណ10mL។

ករណីថ្នាំលេប：

・អ្នកដែលមានជំងឺប្រភពបង្កើតសញ្ញាបេះដូងចុះខ្សោយ(Sick sinus syndrome, SSS ឬ Sinus node dysfunction)កម្រិតធ្ងន់ធ្ងរ។

・អ្នកដែលមានជំងឺស្ទះការបញ្ជូនសញ្ញរវាងថតលើនិងថតក្រោមនៃបេះដូង(Atrioventricular block)ចាប់ពីកម្រិត2ឡើងទៅ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬសារធាតុអ៊ីយ៉ូត។

・អ្នកដែលកំពុងប្រើប្រាស់ឱសថRitonavir, Saquinavir, Saquinavir mesilate, Indinavir sulfate ethonolate, Nelfinavir mesilate, Sparfloxacin, Moxifloxacin hydrochloride, Vardenafil hydrochloride hydrate, Sildenafil citrate, Toremifene citrate, Telaprevir, Fingolimod hydrochloride, Eliglustat tartrate។

ករណីថ្នាំចាក់：

・អ្នកដែលមានជំងឺប្រភពបង្កើតសញ្ញាបេះដូងចុះខ្សោយ(Sick sinus syndrome, SSS ឬ Sinus node dysfunction) ឬមានបញ្ហាផ្នែកបញ្ជូនសញ្ញាបេះដូងកម្រិតធ្ងន់ធ្ងរ(ជំងឺស្ទះការបញ្ជូនសញ្ញរវាងថតលើនិងថតក្រោមនៃបេះដូង(Atrioventricular block)កម្រិតធ្ងន់ធ្ងរ ជាដើម)។

・អ្នកដែលមានបញ្ហាទាក់ទងនឹងចរន្តឈាមឬអ្នកដែលមានសម្ពាធឈាមចុះទាបខ្លាំងកម្រិតធ្ងន់ធ្ងរ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬសារធាតុអ៊ីយ៉ូត។

・អ្នកដែលកំពុងប្រើប្រាស់ឱសថRitonavir, Saquinavir, Saquinavir mesilate, Indinavir sulfate ethonolate, Nelfinavir mesilate, ឱសថព្យាបាលជំងឺទាក់ទងនឹងចង្វាក់បេះដូងក្រុមIa(Procainamide, Quinidine ជាដើម)និងក្រុមIII (Sotalol, Nifekalant), Bepridil hydrochloride hydrate, Sparfloxacin, Moxifloxacin hydrochloride, Erythromycin (ថ្នាំចាក់), Pentamidine isethionate, Toremifene citrate, Telaprevir, Fingolimod hydrochloride, Eliglustat tartrate។

・អ្នកដែលកំពុងមានអាការៈដកដង្ហើមខ្សោយលក្ខណៈធ្ងន់ធ្ងរ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងឬធ្លាប់មានបញ្ហាទាក់ទងនឹងមុខងារក្រពេញទីរ៉ូអ៊ីត។

ករណីថ្នាំលេប：

ផលរំខានរួមមាន ប៉ះពាល់មុខងារសួត មុខងារក្រពេញទីរ៉ូអ៊ីតចុះខ្សោយ ប៉ះពាល់ចក្ខុវិញាណ ឡើងកន្ទួលក្រហម ស្បែកងាយប្រតិកម្មទៅនឹងពន្លឺព្រះអាទិត្យ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ដង្ហក់ ពិបាកដកដង្ហើម ក្អក (រលាកសួតប្រភេទInterstitial pneumonia ក្រិនសួត រលាកថង់សួត)

- ចុកទ្រូង បេះដូងលោតញាប់ (បញ្ហាចង្វាក់បេះដូងកាន់តែធ្ងន់ធ្ងរ)

- អស់កម្លាំង បាត់បង់ចំណង់អាហារ ស្បែកនិងភ្នែកប្រែពណ៌លឿង (រលាកថ្លើម ក្រិនថ្លើម ជាដើម)

- កន្ត្រាក់សាច់ដុំ បាត់បង់ស្មារតី (បណ្ដុំរោគសញ្ញាSIADH)។

ករណីថ្នាំចាក់：

ផលរំខានរួមមាន សម្ពាធឈាមចុះទាប អរម៉ូនក្រពេញទីរ៉ូអ៊ីតកើនឡើង គេងមិនលក់ ជីពចរខ្សោយ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ដង្ហក់ ពិបាកដកដង្ហើម ក្អក (រលាកសួតប្រភេទInterstitial pneumonia)

- អស់កម្លាំង បាត់បង់ចំណង់អាហារ ស្បែកនិងភ្នែកប្រែពណ៌លឿង (រលាកថ្លើម ក្រិនថ្លើម ជាដើម)

- ចុកទ្រូង បេះដូងលោតញាប់ (បញ្ហាចង្វាក់បេះដូងកាន់តែធ្ងន់ធ្ងរ)

- ឆាប់ហត់ បេះដូងលោតញាប់ បែកញើសច្រើន ញ័រដៃជើង ថយទម្ងន់ (រោគសញ្ញានៃមុខងារក្រពេញទីរ៉ូអ៊ីតកើនឡើង)

- ក្ដៅខ្លួន ឈឺបំពង់ក ឈឺសាច់ដុំ អស់កម្លាំង (រោគសញ្ញានៃការថយចុះគ្រាប់ឈាមស ជំងឺAgranulocytosis)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ជាពិសេស ករណីថ្នាំចាក់：គឺស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខានធ្ងន់ធ្ងរដូចជា រលាកសួតប្រភេទInterstitial pneumonia ក្រិនសួត បញ្ហាថ្លើម រលាកក្រពេញទីរ៉ូអ៊ីត ជាដើម ព្រោះផលប៉ះពាល់ទាំងនេះអាចមានគ្រោះថ្នាក់ដល់ជីវិតរបស់អ្នកជំងឺ។

ឱសថនេះមានសកម្មភាពទប់ស្កាត់គ្រឿងចម្លងអ៊ីយ៉ុងប៉ូតាស្យូម(K+ Channel) ជាលទ្ធផល ធ្វើអោយរយៈពេលនៃប៉ូតង់ស្យែលសកម្ម(Action potential)អូសបន្លាយ។ ក្រៅពីនេះ ឱសថនេះក៏មានសកម្មភាពទប់ស្កាត់គ្រឿងចម្លងអ៊ីយ៉ុងសូដ្យូម(Na+ Channel) គ្រឿងចម្លងអ៊ីយ៉ុងកាល់ស្យូម(Ca2+ Channel) និងប្រឆាំងនឹងសកម្មភាពនៃសារធាតុអាដ្រេណាលីន(Adrenalin)ក្នុងរាងកាយផងដែរ។