Amikacin sulfate

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺឆ្លងបណ្តាលមកពីរបួសឬការរលាកឬការវះកាត់ ជំងឺរលាកសួត ជំងឺដំបៅខ្ទុះក្នុងសួត ជំងឺឆ្លងបណ្តាលមកពីជំងឺផ្លូវដង្ហើមរ៉ាំរ៉ៃ រលាកប្លោកនោម រលាកតម្រងនោមប្រភេទPyelonephritis ជំងឺរលាកស្រោមពោះ។

ថ្នាំចាក់：

・ករណីចាក់តាមសាច់ដុំ：

- មនុស្សពេញវ័យ：ប្រើ1ដង100～200mg 1ថ្ងៃ1～2ដង ចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：ប្រើ1ថ្ងៃ4～8mg/kg ដោយបែងចែកជា1～2ដងក្នុង1ថ្ងៃ ចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីព្យួរសេរ៉ូមតាមសរសៃវ៉ែន：

- មនុស្សពេញវ័យ：ប្រើ1ដង100～200mg 1ថ្ងៃ1～2ដង ដោយព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុ ទម្ងន់ និងរោគសញ្ញា។

- កុមារ：ប្រើ1ថ្ងៃ4～8mg/kg ដោយបែងចែកជា1～2ដងក្នុង1ថ្ងៃ ដោយព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុ ទម្ងន់ និងរោគសញ្ញា។

- ទារកទើបកើត រួមទាំងទារកកើតមិនគ្រប់ខែ：ប្រើ1ដង6mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុ ទម្ងន់ និងរោគសញ្ញា។

ករណីព្យួរសេរ៉ូមតាមសរសៃវ៉ែន លាយឱសថ100～200mgជាមួយសូលុយស្យុងសេរ៉ូម100～500mL រួចព្យួរសេរ៉ូមនោះតាមសរសៃវ៉ែនរយៈពេល30នាទី～1ម៉ោង។

・អ្នកដែលមានរោគប្រតិកម្មជាមួយនឹងសារធាតុនៅក្នុងឱសថនេះ ឬឱសថប្រឆាំងបាក់តេរីប្រភេទAminoglycosideឬឱសថប្រឆាំងមេរោគBacitracin។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・សាម៉ីខ្លួនឬអ្នកដែលគ្រួសារធ្លាប់មានបញ្ហាត្រចៀកធ្ងន់ដោយសារការប្រើប្រាស់ឱសថប្រឆាំងបាក់តេរីប្រភេទAminoglycosideឬដោយសារមូលហេតុផ្សេងទៀត។

ផលរំខានរួមមាន ឡើងកន្តួលក្រហម រមាស់ ក្តៅខ្លួន ឈឺនៅកន្លែងចាក់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម មានអារម្មណ៍ខុសប្រក្រតីនៅក្នុងមាត់ (រោគប្រតិកម្មធ្ងន់ធ្ងរ)

- បរិមាណទឹកនោមថយចុះ អស់កម្លាំង ហើមដៃជើងនិងមុខ (បញ្ហាតម្រងនោម)

- វិលមុខ ហ៊ឹងត្រចៀក ឈឺត្រចៀក ត្រចៀកធ្ងន់ (ប្រព័ន្ធប្រសាទទី8មានបញ្ហា)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំប្រើជំនួសឈាមដែលមានផលរំខានប៉ះពាល់ដល់តម្រងនោម：

Dextran, Hydroxyethyl starch ជាដើម - អាចធ្វើអោយបញ្ហាតម្រងនោមកើតឡើងនិងកាន់តែធ្ងន់ធ្ងរ

・ថ្នាំបញ្ចុះទឹកនោមប្រភេទLoop (Loop diuretic)：

Ethacrynic acid, Furosemide, Azosemide ជាដើម - អាចធ្វើអោយបញ្ហាតម្រងនោមនិងត្រចៀកកើតឡើងឬកាន់តែធ្ងន់ធ្ងរ

・ថ្នាំដែលមានផលប៉ះពាល់ខ្លាំងដល់តម្រងនោមឬប្រព័ន្ធត្រចៀក： Vancomycin hydrochloride, Enviomycin sulfate ថ្នាំប្រឆាំងជំងឺមហារីកដែលមានផ្ទុកជាតិប្លាទីនរួមមានCisplatin, Nedaplatin, Carboplatin ជាដើម - អាចធ្វើអោយបញ្ហាតម្រងនោមនិងត្រចៀកកើតឡើងឬកាន់តែធ្ងន់ធ្ងរ

・ថ្នាំស្ពឹកឬសណ្តំ ថ្នាំបន្ធូរការកន្ត្រាក់របស់សាច់ដុំ：

Tubocurarine, Pancuronium bromide, Vecuronium bromide, Tolperisone hydrochloride, Botulinum toxin A - អាចប៉ះពាល់ប្រព័ន្ធគ្រប់គ្រងដំណកដង្ហើម(នៅពេលកើតឡើង គួរបន្សាបការពុលដោយប្រើ：Cholinesterase inhibitor, Calcium)

・ឱសថAmphotericin B, Cyclosporin ជាដើម - អាចធ្វើអោយបញ្ហាតម្រងនោមកើតឡើងឬកាន់តែធ្ងន់ធ្ងរ

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។(មានការស្រាវជ្រាវបង្ហាញថាការប្រើឱសថនេះធ្វើអោយទារកកើតមកមានបញ្ហាប្រព័ន្ធប្រសាទទី8)

・មិនត្រូវលាយជាមួយឱសថប្រឆាំងបាក់តេរីប្រភេទ

β-lactam (Carbenicillin, Sulbenicillin)នោះទេ ព្រោះអាចកើតមានការប្រែប្រួលប្រសិទ្ធិភាព គឺគួរចាក់បញ្ចូលតាមផ្លូវផ្សេងគ្នា

・ឱសថប្រឆាំងបាក់តេរីប្រភេទអាមីណូគ្លីកូស៊ីដ(Aminoglycoside antibiotic)នឹងបង្កផលប៉ះពាល់ខ្លាំងផ្នែកប្រព័ន្ធដង្ហើមរបស់អ្នកជំងឺដែលទទួលការបញ្ចូលឈាមច្រើនពីឈាមដែលប្រើCitric acid hydrateក្នុងការប្រឆាំងកំណកឈាម

ជាឱសថប្រឆាំងបាក់តេរីប្រភេទអាមីណូគ្លីកូស៊ីដ(Aminoglycoside antibiotic) ដោយមានប្រសិទ្ធិភាពបង្អាក់សកម្មភាពបង្កើតប្រូតេអ៊ីនរបស់បាក់តេរី ធ្វើអោយបាក់តេរីមិនអាចរស់ឬកើនចំនួនបាន។