Alteplase

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      ・កាត់បន្ថយផលប៉ះពាល់មុខងាររាងកាយនៅក្នុងដំណាក់កាលស្រួចស្រាវនៃជំងឺត្បៀតឬស្ទះសរសៃឈាមក្នុងខួរក្បាល (ករណីស្ថិតក្នុងអំឡុងពេល4.5ម៉ោងបន្ទាប់ពីកើតរោគសញ្ញា)

      ・រំលាយកំណកឈាមនៅសរសៃឈាមបេះដូងដែលកើតមាននៅក្នុងជំងឺស្ទះសរសៃឈាមបេះដូងស្រួចស្រាវ (ករណីស្ថិតក្នុងអំឡុងពេល6ម៉ោងបន្ទាប់ពីកើតរោគសញ្ញា)។

    • កម្រិតប្រើប្រាស់

      ថ្នាំចាក់:

      ・ករណីកាតបន្ថយផលប៉ះពាល់មុខងាររាងកាយនៅក្នុងដំណាក់កាលស្រួចស្រាវនៃជំងឺត្បៀតឬស្ទះសរសៃឈាមក្នុងខួរក្បាល (ករណីស្ថិតក្នុងអំឡុងពេល4.5ម៉ោងបន្ទាប់ពីកើតរោគសញ្ញា):

      មនុស្សពេញវ័យ:ប្រើ34.8 0000 IU/kg (0.6mg/kg) ចាក់តាមសរសៃវ៉ែន។ កម្រិតអតិបរមាក្នុងការប្រើគឺ3480 0000(60mg)។ សម្រាប់10%នៃបរិមាណសរុប ចាក់បញ្ចូលដោយល្បឿនលឿនក្នុងរយៈពេល1~2នាទី រួចចាក់បញ្ចូលបរិមាណដែលនៅសល់ដោយប្រើរយៈពេល1ម៉ោង។

      ・ករណីរំលាយកំណកឈាមនៅសរសៃឈាមបេះដូងដែលកើតមាននៅក្នុងជំងឺស្ទះសរសៃឈាមបេះដូងស្រួចស្រាវ (ករណីស្ថិតក្នុងអំឡុងពេល6ម៉ោងបន្ទាប់ពីកើតរោគសញ្ញា):

      មនុស្សពេញវ័យ:ប្រើ29~43.5 0000 IU/kg (0.5mg/kg~0.75mg/kg) ចាក់តាមសរសៃវ៉ែន។ សម្រាប់10%នៃបរិមាណសរុប ចាក់បញ្ចូលដោយល្បឿនលឿនក្នុងរយៈពេល1~2នាទី រួចចាក់បញ្ចូលបរិមាណដែលនៅសល់ដោយប្រើរយៈពេល1ម៉ោង។

    • ហាមប្រើ

      ・អ្នកដែលកំពុងប្រើប្រាស់ឱសថDefibrotide sodium។

      ករណីប្រើចំពោះដំណាក់កាលស្រួចស្រាវនៃជំងឺត្បៀតឬស្ទះសរសៃឈាមក្នុងខួរក្បាល:

      ・អ្នកដែលកំពុងមានអាការៈហូរឈាម (ហូរឈាមក្នុងក្បាល ហូរឈាមក្នុងក្រពះឬពោះវៀន ហូរឈាមនៅផ្លូវនោម កំហាកមានឈាម រោគសញ្ញាRetroperitoneal hemorrhage)។

      ・អ្នកដែលសង្ស័យថាមានជំងឹSubarachnoid hemorrhage។

      ・អ្នកដែលមានហានិភ័យខ្ពស់ក្នុងការកើតមានអាការៈហូរឈាមក្នុងខួរក្បាល ដូចជា:

      (1) ទោះជាអនុវត្តការបញ្ចុះសម្ពាធឈាមនៅមុនពេលប្រើឱសថនេះក៏ដោយ ក៏អ្នកជំងឺមានសម្ពាធឈាមលើចាប់ពី185mmHgឡើងទៅឬសម្ពាធឈាមក្រោមចាប់ពី110mmHgឡើងទៅ។

      (2) អ្នកដែលមានកម្រិតជាតិស្ករក្នុងឈាមលើសពី400mg/dL នៅមុនពេលប្រើឱសថនេះ។

      (3) អ្នកដែលមានភាពប្រែប្រួលក្នុងខួរក្បាលដំណាក់កាលដំបូងដោយសារកង្វះឈាមផ្គត់ផ្គង់ក្នុងទំហំធំ ដែលពិនិត្យដឹងតាមរយៈការថតCT នៅមុនពេលប្រើឱសថនេះ។

      (4) អ្នកដែលរកឃើញ Mdline shift ជាដើម តាមរយៈការថតCT(ឬMRI) នៅមុនពេលប្រើឱសថនេះ។

      (5) អ្នកដែលងាយកើតអាការៈហូរឈាម ដូចជា អ្នកដែលធ្លាប់កើតមានអាការៈហូរឈាមក្នុងក្បាល ឬ ជំងឺមហារីកក្នុងក្បាល ឬ ជំងឺសរសៃវ៉ែននិងអាកទែប្រែខុសទ្រង់ទ្រាយ ជំងឺប៉ោងសរសៃអាកទែ ជាដើម។

      (6) អ្នកដែលធ្លាប់កើតមានជំងឺស្ទះសរសៃឈាមក្នុងខួរក្បាល (ក្នុងអំឡុងពេល3ខែ)។

      (7) អ្នកដែលបានទទួលការវះកាត់ឬរងរបួសនៅក្នុងក្បាលឬខួរឆ្អឹងខ្នង (ក្នុងអំឡុងពេល3ខែ)។

      ・អ្នកដែលមានហានិភ័យខ្ពស់ក្នុងការកើតមានអាការៈហូរឈាម ដូចជា:

      (1) អ្នកដែលធ្លាប់មានអាការៈហូរឈាមក្នុងក្រពះពោះវៀន ឬ ហូរឈាមនៅផ្លូវនោម (ក្នុងអំឡុងពេល21ថ្ងៃ)។

      (2) អ្នកដែលទើបទទួលការវះកាត់ខ្នាតធំថ្មីៗ (ក្នុងអំឡុងពេល14ថ្ងៃ)។

      (3) អ្នកដែលមានចំនួនប្លាកែតចាប់ពី 100,000/mm3 ចុះក្រោម នៅមុនពេលប្រើឱសថនេះ។

      ・ចំពោះអ្នកដែលកំពុងប្រើប្រាស់ឱសថលេបប្រឆាំងកំណកឈាមឬឱសថHeparin ហាមប្រើឱសថនេះទៅលើអ្នកដែលមានកម្រិតPT−INRលើសពី1.7ឬមានការអូសបន្លាយនៃaPTT។

      ・អ្នកដែលមានបញ្ហាថ្លើមធ្ងន់ធ្ងរ។

      ・អ្នកដែលមានជំងឺរលាកលំពែងស្រួចស្រាវ។

      ・អ្នកដែលមានកម្រិតជាតិស្ករក្នុងឈាមក្រោម50mg/dL នៅមុនពេលប្រើឱសថនេះ។

      ・អ្នកដែលមានរោគសញ្ញាកន្ត្រាក់សាច់ដុំនៅពេលកើតមានអាការៈស្ទះឬត្បៀតសរសៃឈាម។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ករណីប្រើចំពោះជំងឺស្ទះសរសៃឈាមបេះដូងស្រួចស្រាវ:

      ・អ្នកដែលកំពុងមានអាការៈហូរឈាម (ហូរឈាមក្នុងក្បាល ហូរឈាមក្នុងក្រពះឬពោះវៀន ហូរឈាមនៅផ្លូវនោម កំហាកមានឈាម រោគសញ្ញាRetroperitoneal hemorrhage)។

      ・អ្នកដែលមានហានិភ័យខ្ពស់ក្នុងការកើតមានអាការៈហូរឈាម ដូចជា:

      (1) អ្នកដែលងាយកើតអាការៈហូរឈាម ដូចជា អ្នកដែលធ្លាប់កើតមានអាការៈហូរឈាមក្នុងក្បាល ឬ ជំងឺមហារីកក្នុងក្បាល ឬ ជំងឺសរសៃវ៉ែននិងអាកទែប្រែខុសទ្រង់ទ្រាយ ជំងឺប៉ោងសរសៃអាកទែ ជាដើម។

      (2) អ្នកដែលធ្លាប់កើតមានជំងឺស្ទះសរសៃឈាមក្នុងខួរក្បាល (ក្នុងអំឡុងពេល3ខែ)។

      (3) អ្នកដែលបានទទួលការវះកាត់ឬរងរបួសនៅក្នុងក្បាលឬខួរឆ្អឹងខ្នង (ក្នុងអំឡុងពេល3ខែ)។

      (4) អ្នកដែលធ្លាប់មានអាការៈហូរឈាមក្នុងក្រពះពោះវៀន ឬ ហូរឈាមនៅផ្លូវនោម (ក្នុងអំឡុងពេល21ថ្ងៃ)។

      (5) អ្នកដែលទើបទទួលការវះកាត់ខ្នាតធំថ្មីៗ (ក្នុងអំឡុងពេល14ថ្ងៃ)។

      ・អ្នកដែលមានជំងឺលើសសម្ពាធឈាមធ្ងន់ធ្ងរ។

      ・អ្នកដែលមានបញ្ហាថ្លើមធ្ងន់ធ្ងរ។

      ・អ្នកដែលមានជំងឺរលាកលំពែងស្រួចស្រាវ។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      សម្ពាធឈាមធ្លាក់ចុះ ហូរឈាម ជីពចរចុះខ្សោយ ចង្វាក់បេះដូងខុសប្រក្រតី ។ល។

    • ការប្រុងប្រយ័ត្នជាពិសេស

      ・ប្រើក្នុងគោលដៅដូចទៅនឹងUrokinaseដែរ ប៉ុន្តែមានប្រសិទ្ធិភាពខ្ពស់ជាងUrokinase (2~3ដង)។

      ・ឱសថមានប្រសិទ្ធិភាពនៅក្នុងការរំលាយកំណកឈាមនៅក្នុងសរសៃអាកទែរបេះដូង ដែលកើតមាននៅក្នុងអាការៈស្ទះសរសៃឈាមបេះដូងក្នុងអំឡុងពេល6ម៉ោង។ ប្រើក្នុងរយៈពេល4.5ម៉ោងចំពោះអាការៈស្ទះកំណកឈាមក្នុងសួតឬក្នុងខួរក្បាល។

      ・នៅពេលសរសៃអាកទែរបេះដូងចាប់ផ្ដើមអាចឆ្លងកាត់បាន អាចធ្វើអោយកើតមានអាការៈចង្វាក់បេះដូងខុសប្រក្រតី។

      ・ត្រូវប្រុងប្រយ័ត្នជាពិសេសចំពោះផលរំខានធ្វើអោយមានការហូរឈាមក្នុងខួរក្បាល ដែលអាចបង្កគ្រោះថ្នាក់ដល់ជីវិតរបស់អ្នកជំងឺ។

      ・ការប្រើឱសថនេះចំពោះអ្នកដែលមានជំងឺត្បៀតឬស្ទះសរសៃឈាមក្នុងខួរក្បាលក្នុងដំណាក់កាលស្រួចស្រាវ អាចបង្កអោយមានគ្រោះថ្នាក់ដូចជា អាការៈហូរឈាមក្នុងក្បាលធ្ងន់ធ្ងរ ឬ បែកសរសៃអាកទែធំនៅទ្រូងដែលប៉ោងឡើង។

    • សកម្មភាពឱសថ

      មានសកម្មភាពទៅលើសារធាតុផ្លាស្មីនណូជេន(Plasminogen)ដែលភ្ជាប់ទៅនឹងសារធាតុបង្កកំណកឈាមហ្វីប្រ៊ីន(Fibrin) ដើម្បីផលិតសារធាតុផ្លាស្មីន(Plasmin)។ ផ្លាស្មីនជាសារធាតុដែលមានសកម្មភាពរំលាយកំណកឈាម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp