Alprostadil alfadex

ករណីថ្នាំចាក់ ប្រើក្នុងកម្រិតទាប(20μg)：

・ករណីចាក់ក្នុងសរសៃអាកទែ：

ជាទូទៅ ឱសថនេះប្រើនៅក្នុងការកាត់បន្ថយអាការៈដំបៅនៅដៃជើងនិងអាការៈឈឺចាប់នៅពេលសម្រាកស្ងៀម ដែលកើតមាននៅក្នុងជំងឺស្ទះសរសៃអាកទែរ៉ាំរ៉ៃ (រួមមាន ជំងឺBurger disease ជំងឺរឹងសរសៃអាកទែបង្កជាការស្ទះ(Atherosclerosis obliterans))។

・ករណីចាក់ក្នុងសរសៃវ៉ែន：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

(1) កាត់បន្ថយរោគសញ្ញា និង ព្យាបាលបញ្ហាប៉ះពាល់ចរន្តឈាមតាមអវៈយវៈ សរសៃប្រសាទនិងមុខងារចលនារាងកាយ ដែលកើតមាននៅក្នុងជំងឺVibration white finger

(2) រក្សាចរន្តឈាមនៅក្នុងការអនុវត្តRevascularization

(3) កាត់បន្ថយអាការៈដំបៅនៅដៃជើងនិងអាការៈឈឺចាប់នៅពេលសម្រាកស្ងៀម ដែលកើតមាននៅក្នុងជំងឺស្ទះសរសៃអាកទែរ៉ាំរ៉ៃ (រួមមាន ជំងឺBurger disease ជំងឺរឹងសរសៃអាកទែបង្កជាការស្ទះ(Atherosclerosis obliterans)) ករណីមិនអាចអនុវត្តការចាក់បញ្ចូលឱសថតាមសរសៃអាកទែបាន

(4) ជំងឺDuctus Arteriosus-dependent congenital heart diseases

・ករណីចាក់ក្នុងផ្នែកCavernous bodyនៃប្រដាប់ភេទបុរស(Penis)：

ជាទូទៅ ឱសថនេះប្រើនៅក្នុងការធ្វើរោគវិនិច្ឆ័យទៅលើបញ្ហារឹងប្រដាប់ភេទ។

ករណីថ្នាំចាក់ ប្រើក្នុងកម្រិតខ្ពស់(500μg)：

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម:

- រក្សាសម្ពាធឈាមអោយនៅទាបនៅក្នុងពេលវះកាត់ ចំពោះអ្នកជំងឺដែលមានជំងឺលើសសម្ពាធឈាមឬជំងឺខ្វះឈាមផ្គត់ផ្គង់ក្នុងបេះដូង(Ischemic heart disease)កម្រិតស្រាល

- បញ្ចុះសម្ពាធឈាមដែលឡើងខ្ពស់ខុសប្រក្រតីនៅក្នុងពេលវះកាត់ជាបន្ទាន់។

ករណីថ្នាំលាបលើស្បែក：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម:

- អាការៈដំបៅដោយសារគេងមិនប្ដូរឥរិយាបថរយៈពេលយូរ (Bedsore)

- អាការៈដំបៅនៅលើស្បែក (ដំបៅដោយសាររលាកក្ដៅ ដំបៅដោយសារទឹកនោមផ្អែម ដំបៅជើង ដំបៅក្រោយវះកាត់)។

ករណីថ្នាំចាក់ ប្រើក្នុងកម្រិតទាប(20μg)：

・ករណីចាក់ក្នុងសរសៃអាកទែ：

ប្រើនៅក្នុងការកាត់បន្ថយអាការៈដំបៅនៅដៃជើងនិងអាការៈឈឺចាប់នៅពេលសម្រាកស្ងៀម ដែលកើតមាននៅក្នុងជំងឺស្ទះសរសៃអាកទែរ៉ាំរ៉ៃ (រួមមាន ជំងឺBurger disease ជំងឺរឹងសរសៃអាកទែបង្កជាការស្ទះ(Atherosclerosis obliterans))។

លាយឱសថនេះ20μg (ជាទូទៅ1អំពូល) នៅក្នុងសេរ៉ូមប្រៃ(Saline)ចំណុះ5mL ដោយមនុស្សពេញវ័យ ប្រើឱសថនេះក្នុងកម្រិត10~15μg (ប្រហែល 0.1~0.15μg/kg/នាទី) ចាក់បញ្ចូលក្នុងសរសៃអាកទែជាប់ឥតដាច់ដោយប្រើSyringe driver។ អាចបង្កើនឬបន្ថយក្នុងចន្លោះ0.05~0.2ng/kg/នាទីទៅតាមរោគសញ្ញា។

កទែបង្កជាការស្ទះ(Atherosclerosis obliterans))។

・ករណីចាក់ក្នុងសរសៃវ៉ែន：

ចំពោះករណី(1) (2) និង (3): មនុស្សពេញវ័យ ប្រើក្នុងកម្រិត40~60μg (ជាទូទៅ2~3អំពូល) ដោយលាយនៅក្នុងសេរ៉ូមចំណុះ500mL រួចព្យួរសេរ៉ូមតាមសរសៃវ៉ែនរយៈពេល2ម៉ោង(ក្នុងល្បឿន 5~10ng/kg/នាទី)។ ប៉ុន្តែ មិនត្រូវប្រើលើសពីល្បឿន 1.2μg/kg/2ម៉ោង។ ប្រើឱសថនេះ1ថ្ងៃ1~2ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ចំពោះករណី(4): ជាទូទៅ ចាប់ផ្ដើមប្រើដោយបញ្ចូលក្នុងសរសៃវ៉ែនក្នុងល្បឿន 50~100ng/kg/នាទី រួចបង្កើនឬបន្ថយទៅតាមរោគសញ្ញា ដើម្បីប្រើក្នុងកម្រិតអប្បបរមាដែលមានប្រសិទ្ធិភាព។

・ករណីចាក់ក្នុងផ្នែកCavernous bodyនៃប្រដាប់ភេទបុរស(Penis)：

ប្រើនៅក្នុងការធ្វើរោគវិនិច្ឆ័យទៅលើបញ្ហារឹងប្រដាប់ភេទ។ លាយឱសថនេះ20μg (ជាទូទៅ1អំពូល) នៅក្នុងសេរ៉ូមប្រៃ(Saline)ចំណុះ1mL ដោយមនុស្សពេញវ័យ ប្រើឱសថនេះក្នុងកម្រិត1ដង20μg ចាក់បញ្ចូលក្នុងផ្នែកCavernous bodyនៃប្រដាប់ភេទបុរស(Penis)។

ករណីថ្នាំចាក់ ប្រើក្នុងកម្រិតខ្ពស់(500μg)：

មនុស្សពេញវ័យ ប្រើក្នុងកម្រិត500μg (ជាទូទៅ1អំពូល) ដោយលាយនៅក្នុងសេរ៉ូមចំណុះ100mL រួចព្យួរសេរ៉ូមតាមសរសៃវ៉ែនក្នុងល្បឿន5~10μg/kg (0.1~0.2μg/kg/នាទី)។ តាមដានការចុះនៃសម្ពាធឈាមរហូតដល់ពេលចុះដល់កម្រិតចង់បាន រួចបន្តល្បឿនព្យួរសេរ៉ូមនោះដើម្បីរក្សាស្ថានភាពសម្ពាធឈាម។ ជាទូតៅ ដើម្បីរក្សាសម្ពាធឈាមអោយនៅទាប ចាំបាច់ត្រូវប្រើក្នុងល្បឿន 2.5~10μg​​​/នាទី (0.05~0.2μg/kg/នាទី)។

ករណីថ្នាំលាប (0.003%)：

ប្រើក្នុងបរិមាណស្របទៅតាមរោគសញ្ញា។ ក្រោយពេលសម្លាប់មេរោគនិងសម្អាតកន្លែងមានដំបៅនិងជុំវិញនោះ ដោយប្រើក្នុងបរិមាណសមស្របលាបនៅលើស្បៃរួចបិទទៅលើដំបៅ ឬ លាបឱសថនេះដោយផ្ទាល់លើដំបៅរួចគ្របដោយស្បៃ 1ថ្ងៃ2ដង។

ករណីថ្នាំចាក់ ប្រើក្នុងកម្រិតទាប(20μg)：

・អ្នកដែលបញ្ហាមុខងារបេះដូងកម្រិតធ្ងន់ធ្ងរ ឬ អ្នកដែលកើតមានរោគសញ្ញាទឹកដក់ក្នុងសួត (លើកលែងអ្នកដែលមានជំងឺDuctus arteriosus-dependent congenital heart diseases)។

・អ្នកដែលកំពុងមានអាការៈហូរឈាម (អាការៈហូរឈាមក្នុងក្បាល ជំងឺភ្នែកលក្ខណៈហូរឈាម អាការៈហូរឈាមនៅក្រពះពោះវៀន កំហាកមានឈាម ។ល។)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំចាក់ ប្រើក្នុងកម្រិតខ្ពស់(500μg)：

・អ្នកដែលមានជំងឺរឹងសរសៃអាកទែកម្រិតធ្ងន់ធ្ងរ ឬ អ្នកដែលមានបញ្ហាចរន្តឈាមធ្ងន់ធ្ងរនៅបេះដូងឬខួរក្បាល។

・អ្នកដែលមានជំងឺថ្លើមឬជំងឺតម្រងនោមកម្រិតធ្ងន់ធ្ងរ។

・អ្នកដែលមានអាការៈហូរឈាមធ្ងន់ធ្ងរ ឬ ស្ថិតក្នុងស្ថានភាពកើតមានអាការៈប្រតិកម្មធ្ងន់ធ្ងរ(Shock) ឬ ដំណកដង្ហើមមានលក្ខណៈចុះខ្សោយ ឬ មានជំងឺខ្វះឈាម(Anemia)ដែលមិនទាន់ព្យាបាល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំលាបលើស្បែក：

・អ្នកដែលបញ្ហាមុខងារបេះដូងកម្រិតធ្ងន់ធ្ងរ។

・អ្នកដែលកំពុងមានអាការៈហូរឈាម (អាការៈហូរឈាមក្នុងក្បាល ជំងឺភ្នែកលក្ខណៈហូរឈាម អាការៈហូរឈាមនៅក្រពះពោះវៀន កំហាកមានឈាម ។ល។)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។