Alprostadil = PGE1

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ការប្រុងប្រយ័ត្នជាពិសេស

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - កាត់បន្ថយអាការៈដំបៅនៅដៃជើងនិងអាការៈឈឺចាប់នៅពេលសម្រាកស្ងៀម ដែលកើតមាននៅក្នុងជំងឺស្ទះសរសៃអាកទែរ៉ាំរ៉ៃ (រួមមាន ជំងឺBurger disease ជំងឺរឹងសរសៃអាកទែបង្កជាការស្ទះ(Atherosclerosis obliterans))។

      - កាត់បន្ថយអាការៈដំបៅនៅស្បែក ដែលកើតមាននៅក្នុងជំងឺសរីរាង្គប្រែជារឹងពេញរាងកាយកំពុងវិវត្ត ឬ ជំងឺអេរីតេម៉ាតូសពេញរាងកាយ(Systemic lupus erythematosus, SLE)។

      - កាត់បន្ថយអាការៈដំបៅនៅស្បែក ដែលកើតមាននៅក្នុងជំងឺទឹកនោមផ្អែម។

      - កាត់បន្ថយរោគសញ្ញានិងព្យាបាលរោគសញ្ញាប៉ះពាល់សរសៃឈាមតាមអវៈយវៈ សរសៃប្រសាទនិងមុខងារចលនារាងកាយ ដែលកើតមានដោយសារផលប៉ះពាលចរន្តឈាមនៅតាមអវៈយវៈនៅក្នុងជំងឺVibration white finger (VWF)។

      - ព្យាបាលជំងឺបេះដូងទាក់ទងនឹងDuctus arteriosusពីកំណើត។

      - បង្កើនសមត្ថភាពថតយករូបភាពវេជ្ជសាស្ត្រនៅក្នុងការពិនិត្យSuperior Mesenteric Arterial Portography។

    • កម្រិតប្រើប្រាស់

      ថ្នាំចាក់：

      ជាទូទៅ មនុស្សពេញវ័យ ប្រើក្នុងកម្រិត 1ថ្ងៃ1ដង 5~10μg ដោយយកឱសថផ្ទាល់ឬពង្រាវនៅក្នុងសេរ៉ូម រួចចាក់ក្នុងសរសៃវ៉ែនយឺតៗ ឬ ព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញារបស់អ្នកជំងឺ។

      ・ ករណីប្រើនៅក្នុងការព្យាបាលជំងឺបេះដូងទាក់ទងនឹងDuctus arteriosusពីកំណើត:

      នៅពេលចាប់ផ្ដើមប្រើឱសថនេះ លាយឱសថជាមួយសេរ៉ូម ដោយចាក់បញ្ចូលក្នុងសរសៃវ៉ែនជាប់ឥតដាច់ក្នុងកម្រិត 5ng/kg/min បន្ទាប់ពីនោះ បង្កើនឬបន្ថយកម្រិតប្រើប្រាស់ទៅតាមរោគសញ្ញា ដោយប្រើប្រាស់កម្រិតអប្បបរមាដែលបង្ហាញប្រសិទ្ធិភាព។

      ・ករណីប្រើនៅក្នុងការបង្កើនសមត្ថភាពថតយករូបភាពវេជ្ជសាស្ត្រនៅក្នុងការពិនិត្យSuperior Mesenteric Arterial Portography:

      ជាទូទៅ មនុស្សពេញវ័យ ប្រើក្នុងកម្រិត1ដង 5μg លាយជាមួយសេរ៉ូមប្រៃ(Saline)ដើម្បីទទួលបានសូលុយស្យុងចំណុះ10mL រួចចាក់ទៅក្នុងSuperior mesenteric arteryតាមរយៈCatheterរយៈពេល3~5វិនាទី នៅ30វិនាទីមុនការចាក់បញ្ចូលឱសថជំនួយការថត(Contrast medium)។

    • ហាមប្រើ

      ・អ្នកដែលមានជំងឺខ្សោយមុខងារបេះដូងកម្រិតធ្ងន់ធ្ងរ។

      ・អ្នកដែលកំពុងមានអាការៈហូរឈាម (ហូរឈាមក្នុងក្បាល ហូរឈាមក្នុងក្រពះពោះវៀន កំហាកមានឈាម ជាដើម)។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ការប្រុងប្រយ័ត្នជាពិសេស

      ・ករណីប្រើឱសថនេះចំពោះទារកដែលមានជំងឺទាក់ទងនឹងDuctus arteriosusពីកំណើត ទារកអាចកើតមានអាការៈមិនដកដង្ហើម ដូច្នេះ គួរប្រើឱសថនេះនៅក្នុងមន្ទីរពេទ្យដែលមានបរិក្ខារសម្រាប់គ្រប់គ្រងដង្ហើមអោយបានត្រឹមត្រូវ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល