Alogliptin benzoate + Metformin hydrochloride

ជាទូទៅ ឱសថនេះប្រើនៅក្នុងការព្យាបាលជំងឺទឹកនោមផ្អែមប្រភេទទី2។

ថ្នាំលេប：

មនុស្សពេញវ័យ：លេប1ថ្ងៃ1ដង 1ដង1គ្រាប់ (ដែលមានផ្ទុកAlogliptin 25mg/Metformin Hydrochloride 500mg) នៅពេលភ្លាមៗមុនបរិភោគអាហារឬនៅក្រោយពេលបរិភោគអាហារ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទBiguanide។

・អ្នកដែលងាយកើតមានបញ្ហានៃការកើនឡើងអាស៊ីតឡាក់តិច(Lactic Acid)នៅក្នុងឈាម ៖

(1) អ្នកដែលធ្លាប់កើតមានបញ្ហានេះពីមុនមក។

(2) អ្នកដែលមានបញ្ហាតម្រងនោមកម្រិតធ្ងន់ធ្ងរ(កម្រិតeGFRក្រោម30mL/min/1.73m<Sup>2</Sup>) ឬ អ្នកជំងឺលាងឈាម។

(3) អ្នកដែលមានបញ្ហាថ្លើមធ្ងន់ធ្ងរ។

(4) អ្នកដែលមានជំងឺធ្ងន់ធ្ងរទាក់ទងនឹងសរសៃឈាមបេះដូងឬមុខងារសួត (ជំងឺស្ទះសរសៃឈាមបេះដូង ជំងឺខ្សោយបេះដូង ជំងឺស្ទះសរសៃឈាមនៅក្នុងសួត ជាដើម) ឬ អ្នកដែលស្ថិតក្នុងស្ថានភាពដែលឈាមងាយខ្វះអុកស៊ីសែន។

(5) អ្នកដែលកំពុងខ្សោះជាតិទឹក ឬ ងាយស្ថិតក្នុងស្ថានភាពខ្សោះជាតិទឹកដោយសារបញ្ហាក្រពះពោះវៀន ដូចជា រាករូស ក្អួតចង្អោរ ជាដើម។

(6) អ្នកដែលពិសាគ្រឿងស្រវឹងច្រើនហួសហេតុ។

・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ដោយសារជំងឺទឹកនោមផ្អែម ឬ ស្ថិតក្នុងស្ថានភាពបាត់បង់ស្មារតីដោយសារជំងឺទឹកនោមផ្អែម ឬ អ្នកដែលមានជំងឺទឹកនោមផ្អែមប្រភេទទី1។

・ អ្នកដែលមានបញ្ហាថ្លើមធ្ងន់ធ្ងរ។

・អ្នកដែលកំពុងមានជំងឺឆ្លងធ្ងន់ធ្ងរ ឬ ស្ថិតនៅមុននិងក្រោយពេលវះកាត់ ឬ កំពុងមានរបួសធ្ងន់ធ្ងរ។

・អ្នកដែលស្ថិតក្នុងស្ថានភាពខ្វះសារធាតុចិញ្ចឹម បរិភោគមិនគ្រប់គ្រាន់ ទ្រុឌទ្រោម ឬ អ្នកដែលមានមុខងារក្រពេញPituitary glandឬក្រពញAdrenal glandចុះខ្សោយ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះរោគសញ្ញានៃការកើនឡើងអាស៊ីតឡាក់តិច(Lactic Acid)នៅក្នុងឈាម ព្រោះវាអាចប៉ះពាល់ដល់អាយុជីវិតរបស់អ្នកជំងឺ។ ដើម្បីបង្ការបញ្ហានេះ អ្នកជំងឺត្រូវចៀសវាងការពិសារគ្រឿងស្រវឹងច្រើនហួសហេតុ និង ត្រូវមកទទួលការពិនិត្យនិងព្យាបាលនៅពេលមានអាការៈរាករូស ក្អួតចង្អោរ ក្ដៅខ្លួន ឬ បរិភោគអាហារមិនសូវបានគ្រប់គ្រាន់។ ម្យ៉ាងទៀត ត្រូវចងចាំនូវរោគសញ្ញានៃការកើនឡើងអាស៊ីតឡាក់តិចក្នុងឈាម ដើម្បីទទួលការព្យាបាលអោយបានទាន់ពេលវេលានៅពេលកើតមានបញ្ហានេះ។