Alemtuzumab

ជាទូទៅ ឱសថនេះប្រើនៅក្នុងការព្យាបាលជំងឺមហារីកគ្រាប់ឈាមសប្រភេទកោសិកាទឹករងៃលក្ខណៈរ៉ាំរ៉ៃ (Chronic lymphocytic leukemia) ដែលរើឡើងវិញឬពិបាកព្យាបាល។

ថ្នាំចាក់：

មនុស្សពេញវ័យ ចាប់ផ្ដើមប្រើក្នុងកម្រិត1ថ្ងៃ1ដង3mg រយៈពេលប៉ុន្មានថ្ងៃជាប់ៗគ្នា បន្ទាប់មក ប្រើក្នុងកម្រិត1ថ្ងៃ1ដង10mg រយៈពេលប៉ុន្មានថ្ងៃជាប់ៗគ្នា ដោយព្យួរសេរ៉ូមតាមសរសៃវ៉ែន។ ក្រោយពីនោះ ប្រើក្នុងកម្រិត1ថ្ងៃ1ដង30mg ដោយព្យួរសេរ៉ូមតាមសរសៃវ៉ែន និង អនុវត្ត3ដងក្នុង1សប្ដាហ៍ដោយឆ្លាស់ថ្ងៃគ្នា។ ប៉ុន្តែ ការព្យាបាលដោយឱសថនេះត្រូវកំណត់ត្រឹម12សប្ដាហ៍គិតពីពេលចាប់ផ្ដើមប្រើឱសថនេះ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។ រាល់ការព្យួរសេរ៉ូមម្ដងៗ ត្រូវប្រើរយៈពេលយ៉ាងហោចណាស់2ម៉ោង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ជាមួយនឹងផលិតផលដែលផ្ទុកប្រូតេអ៊ីនបានពីសត្វកណ្ដុរ។

・អ្នកដែលកំពុងមានជំងឺឆ្លងកម្រិតធ្ងន់ធ្ងរ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន រោគសញ្ញានៃជំងឺខ្វះឈាម ក្អួតចង្អោរ ក្ដៅខ្លួន រងាញាក់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ការធ្លាក់ចុះនៃគ្រាប់ឈាមគ្រប់ប្រភេទ

- កន្ទួលក្រហមលើស្បែក ពិបាកដកដង្ហើមភ្លាមៗ កន្ទាលត្រអាក សម្ពាធឈាមចុះទាប បាត់បង់ស្មារតី ហើមបបូរមាត់ អណ្ដាតនិងត្របកភ្នែក ក្ដៅខ្លួន រងាញាក់ ក្អក ចង់ក្អួត វិលមុខ បេះដូងលោតញាប់ (Infusion reaction)

- អស់កម្លាំង ក្អួតចង្អោរ វិលមុខ (ជំងឺឆ្លង)

- បរិមាណទឹកនោមថយចុះ នោមមានឈាម ឈឺនៅផ្នែកខាងនៃពោះ (មុខងារតម្រងនោមធ្លាក់ចុះ បណ្ដុំរោគសញ្ញាដោយសារការងាប់កោសិកាមហារីកច្រើនក្នុងរយៈពេលខ្លី(Tumor lysis syndrome))

- ក្ដៅខ្លួន រួយខ្លួន ភ្នែកនិងស្បែកប្រែពណ៌លឿង ក្អួតចង្អោរ បាត់បង់ចំណង់អាហារ ញ័រដៃ (មុខងារថ្លើមធ្លាក់ចុះ រលាកថ្លើម ខាន់លឿង)

- ឈឺទ្រូង បេះដូងលោតញាប់ ដកដង្ហើមដង្ហក់ (ប៉ះពាល់មុខងារបេះដូង)

- អាការៈហូរឈាម។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・វ៉ាក់សាំង(ប្រភេទរស់ និង ប្រភេទអសកម្ម) - អាចធ្វើអោយប្រសិទ្ធិភាពវ៉ាក់សាំងថយចុះ។

・ឱសថទប់ស្កាត់សកម្មភាពនៃប្រព័ន្ធភាពស៊ាំ - អាចធ្វើអោយកើតមានជំងឺឆ្លងដោយសារការធ្លាក់ចុះហួសហេតុនៃប្រព័ន្ធភាពស៊ាំ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・ស្ត្រីដែលអាចមានផ្ទៃពោះ ឬ អ្នកជំងឺជាបុរសដែលមានដៃគូអាចមានផ្ទៃពោះ គួរអនុវត្តវិធីពន្យារកំណើត។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះនិងក្រោយពេលបញ្ឈប់ការប្រើប្រាស់ឱសថនេះមួយរយៈ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកទាក់ទងនឹងសរីរាង្គផលិតគ្រាប់ឈាម។

・ត្រូវប្រុងប្រយ័ត្នជាពិសេសចំពោះផលរំខានinfusion reactionធ្ងន់ធ្ងររបស់ឱសថនេះ ព្រោះវាអាចមានគ្រោះថ្នាក់ដល់ជីវិតរបស់អ្នកជំងឺ។ រោគសញ្ញារួមមាន ទងសួតកន្ត្រាក់ កន្ទាលត្រអាក សម្ពាធឈាមចុះទាប បាត់បង់ស្មារតី ស្ទះសរសៃឈាមបេះដូង បេះដូងឈប់លោត ជាដើម។ រោគសញ្ញាទាំងនេះច្រើនកើតឡើងនៅពេលកំពុងប្រើប្រាស់ឱសថនេះជាលើកដំបូងឬនៅក្នុងអំឡុងពេល1ម៉ោងក្រោយចប់ការបញ្ចូលឱសថនេះ។ ប៉ុន្តែ វាក៏អាចកើតឡើងនៅប៉ុន្មានម៉ោងក្រោយចប់ការបញ្ចូលឱសថឬចាប់ពីការប្រើប្រាស់ជាលើកទី2តទៅដែរ ដូច្នេះ ប្រសិនបើឃើញមានរោគសញ្ញាខាងលើកើតឡើង ត្រូវបញ្ឈប់ការបញ្ចូលឱសថនេះភ្លាមនិងមិនត្រូវប្រើប្រាស់ឱសថនេះទៀតឡើយ។

・ត្រូវប្រុងប្រយ័ត្នជាពិសេសផងដែរចំពោះការកើតឡើងនៃជំងឺឆ្លងធ្ងន់ធ្ងរដោយសារការធ្លាក់ចុះនៃប្រព័ន្ធភាពស៊ាំ ព្រោះវាអាចធ្វើអោយមានគ្រោះថ្នាក់ដល់ជីវិតរបស់អ្នកជំងឺ។

ឱសថនេះជាអង់ទីករប្រភេទHumanized monoclonal antibody ដែលមានសកម្មភាពភ្ជាប់ទៅនឹងអង់ទីសែនCD52។ អង់ទីសែនCD52មានវត្តមាននៅលើកោសិកាB(B cells) កោសិកាT(T cells) កោសិកាMonocyte កោសិកាMacrophage កោសិកាNatural killer cells និង នៅលើកោសិកាមហារីកគ្រាប់ឈាមសប្រភេទកោសិកាទឹករងៃលក្ខណៈរ៉ាំរ៉ៃ (Chronic lymphocytic leukemia)។ ឱសថនេះមានសកម្មភាពភ្ជាប់ទៅនឹងCD52នៃកោសិកាមហារីកគ្រាប់ឈាមសប្រភេទកោសិកាទឹករងៃលក្ខណៈរ៉ាំរ៉ៃ ធ្វើអោយភ្ញោចដល់ប្រព័ន្ធCDCនិងADCC ដើម្បីរំលាយកោសិកាទាំងនោះ។