Adenosine triphosphate disodium hydrate

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រោគសញ្ញាផ្សេងៗបន្សល់ក្រោយពេលរបួសប៉ះទង្គិចក្បាល

- ជំងឺខ្សោយបេះដូង (Heart failure)

- អាការៈនឿយហត់ភ្នែកដោយសារមុខងារសម្រួលគំហើញមិនមានលំនឹង

- ជំងឺរលាកក្រពះរ៉ាំរ៉ៃដែលមុខងារប្រដាប់រំលាយអាហារចុះខ្សោយ

- អាការៈវិលមុខដែលបណ្ដាលមកពីជំងឺមេនីអេ(Meniere's disease) ឬ បញ្ហាទាក់ទងនឹងផ្នែកខាងក្នុងនៃត្រចៀក។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រោគសញ្ញាផ្សេងៗបន្សល់ក្រោយពេលរបួសប៉ះទង្គិចក្បាល

- ជំងឺខ្សោយបេះដូង (Heart failure)

- ជំងឺខូចសាច់ដុំដោយសារសែន (Muscular dystrophy) ឬ ជំងឺក្នុងជំពូកនោះ

- ជំងឺស្វិតជើង (Acute poliomyelitis)

- ជំងឺស្ពឹកសាច់ដុំដោយសារការប៉ះពាល់ខួរក្បាល(Cerebral palsy)កើតនៅលើកុមារ (ប្រភេទបន្ធូរសាច់ដុំ)

- ជំងឺស្វិតសាច់ដុំដោយសារបញ្ហាខួរឆ្អឹង (Spinal muscular atrophy)ក្នុងដំណាក់កាលវិវត្តន៍ ឬ ជំងឺក្នុងជំពូកនោះ

- អាការៈហ៊ឹងត្រចៀក ឬ ពិបាកស្ដាប់លឺ

- អាការៈនឿយហត់ភ្នែកដោយសារមុខងារសម្រួលគំហើញមិនមានលំនឹង

- ជំងឺរលាកក្រពះរ៉ាំរ៉ៃដែលមុខងារប្រដាប់រំលាយអាហារចុះខ្សោយ

- កែលម្អមុខងារថ្លើមនៅក្នុងជំងឺថ្លើមរ៉ាំរ៉ៃ។

ថ្នាំលេប：

ជាទូទៅ លេប1ដង40～60mg 1ថ្ងៃ3ដង។ ចំពោះអាការៈវិលមុខដែលបណ្ដាលមកពីជំងឺមេនីអេ(Meniere's disease) ឬ បញ្ហាទាក់ទងនឹងផ្នែកខាងក្នុងនៃត្រចៀក ត្រូវលេប1ដង100mg 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ថ្នាំចាក់：

・ករណីចាក់តាមសរសៃវ៉ែន：

ជាទូទៅ ប្រើ1ដង5～40mg លាយនៅក្នុងសេរ៉ូមគ្លុយកូសប្រភេទអ៊ីសូតូនិចឬអ៊ីពែតូនិច ដើម្បីចាក់តាមសរសៃវ៉ែនយឺតៗ 1ថ្ងៃ1～2ដង។

・ករណីព្យួរសេរ៉ូមតាមសរសៃវ៉ែន：

ជាទូទៅ ប្រើ1ថ្ងៃ1ដង40～80mg លាយនៅក្នុងសេរ៉ូមគ្លុយកូស5%បរិមាណ200～500mL រួចព្យួរសេរ៉ូមនោះតាមសរសៃវ៉ែនរយៈពេល30～60នាទី។

・ករណីចាក់ក្នុងសាច់ដុំឬក្រោមស្បែក：

ជាទូទៅ ប្រើ1ដង5～40mg ចាក់ក្នុងសាច់ដុំឬក្រោមស្បែក 1ថ្ងៃ1～2ដង។

ករណីថ្នាំចាក់：

・អ្នកដែលទើបកើតមានអាការៈហូរឈាមក្នុងខួរក្បាល។

ផលរំខានរួមមាន បញ្ហាក្រពះពោះវៀន ចង់ក្អួត រមាស់ស្បែក ឈឺក្បាល ងងុយគេង ហ៊ឹងត្រចៀក អារម្មណ៍មិនស្ងប់ ទល់លាមក ដំបៅក្នុងមាត់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ថប់ទ្រូង ចង់ក្អួត មុខក្រហម ក្អក ត្អើក អារម្មណ៍ក្ដៅ (រោគសញ្ញាស្រដៀងអាការៈប្រតិកម្មធ្ងន់ធ្ងរ(Shock))។ (ករណីថ្នាំចាក់：)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថDipyridamole - អាចធ្វើអោយកំហាប់ក្នុងឈាមនៃAdenosineកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

ឱសថនេះមានសកម្មភាពដូចខាងក្រោម៖

- ពង្រីកសរសៃឈាមដើម្បីបង្កើនចរន្តឈាមរត់ទៅដល់សរីរាង្គនីមួយៗនៃរាងកាយ

- បង្កើនសកម្មភាពនៃប្រតិកម្មផ្សេងៗនៅក្នុងរាងកាយ

- បង្កើនកម្លាំងកន្ត្រាក់នៃសាច់ដុំ

- ជម្រុញការបញ្ជូនសញ្ញានៅតាមកោសិកាសរសៃប្រសាទ។