Acetylcholine chloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រោគសញ្ញាស្ពឹកពោះវៀនក្រោយពេលទទួលការសណ្ដំ។

- រោគសញ្ញាក្រពះរីកលក្ខណៈស្រួចស្រាវ ចំពោះអ្នកជំងឺដែលមានមុខងារក្រពះពោះវៀនចុះខ្សោយ។

- ជំងឺជ្រុះសក់រាងជារង្វង់ (Alopecia areata)។

- ជម្រុញការកន្ត្រាក់រួមតូចនៃសរសៃឈាមបេះដូង នៅពេលត្រូវពិនិត្យដោយថតរូបភាពសរសៃឈាមអាកទែបេះដូង (Coronary angiography)។

ថ្នាំចាក់：

・ករណីរោគសញ្ញាស្ពឹកពោះវៀនក្រោយពេលទទួលការសណ្ដំ និង រោគសញ្ញាក្រពះរីកលក្ខណៈស្រួចស្រាវ ចំពោះអ្នកជំងឺដែលមានមុខងារក្រពះពោះវៀនចុះខ្សោយ:

មនុស្សពេញវ័យ ប្រើក្នុងកម្រិត 1ដង 0.1g ដោយលាយជាមួយទឹកសម្រាប់លាយថ្នាំចាក់បរិមាណ1~2mL រួចចាក់ក្រោមស្បែកឬក្នុងសាច់ដុំ 1ថ្ងៃ1~2ដង។

・ករណីប្រើចំពោះជំងឺជ្រុះសក់រាងជារង្វង់ (Alopecia areata):

មនុស្សពេញវ័យ ប្រើក្នុងកម្រិត 1ដង 0.1g ដោយលាយជាមួយទឹកសម្រាប់លាយថ្នាំចាក់បរិមាណ5mL រួចចាក់ក្នុងស្បែកច្រើនកន្លែង។ អនុវត្ត1សប្ដាហ៍1ដង។

・ករណីប្រើនៅក្នុងការជម្រុញការកន្ត្រាក់រួមតូចនៃសរសៃឈាមបេះដូង នៅពេលត្រូវពិនិត្យដោយថតរូបភាពសរសៃឈាមអាកទែបេះដូង (Coronary angiography):

ប្រើដោយលាយនិងពង្រាវនៅក្នុងសរ៉ូមប្រៃ(Saline) រួចប្រើ1ដង5mLចាក់បញ្ចូលទៅក្នុងសរសៃអាកទែបេះឌូង។ ចាប់ផ្ដើមចាក់ពីសរសៃអាកទែបេះដូងខាងឆ្វេង ដោយប្រើAcetylcholine chlorideក្នុងកម្រិត 20, 50, 100μg ជាបន្តបន្ទាប់រហូតដល់មានការកន្ត្រាក់នៃសរសៃអាកទែបេះដូង ដោយទុគម្លាតរយៈពេល5នាទីរវាងការចាក់ ហើយប្រើពេល20វិនាទីនៅពេលចាក់បញ្ចូលម្ដងៗ ចំពោះសរសៃអាកទែបេះដូងខាងស្ដាំវិញ ប្រើAcetylcholine chlorideក្នុងកម្រិត 20, 50μg ជាបន្តបន្ទាប់រហូតដល់មានការកន្ត្រាក់នៃសរសៃអាកទែបេះដូង ដោយទុគម្លាតរយៈពេល5នាទីរវាងការចាក់ ហើយប្រើពេល20វិនាទីនៅពេលចាក់បញ្ចូលម្ដងៗ។

・អ្នកដែលមានជំងឺហឺត (Bronchial asthma)។

・អ្នកដែលមានជំងឺមុខងារក្រពេញទីរ៉ូអ៊ីតកើនឡើង។

・អ្នកដែលមានជំងឺបេះដូងកម្រិតធ្ងន់ធ្ងរ។

・អ្នកដែលមានជំងឺដំបៅក្រពះពោះវៀន។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺអាឌីសុន (Addison's disease)។

・អ្នកដែលមានរោគសញ្ញាស្ទះនៅក្រពះពោះវៀនឬនៅបំពង់ចេញពីប្លោកនោម។

・អ្នកដែលមានជំងឺប្រកាច់(Epilepsy)។

・អ្នកដែលមានរោគសញ្ញាប៉ាគីនសុន (Parkinsonism)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・ត្រូវប្រុងប្រយ័ត្នជាពិសេសចំពោះការកើតមានរោគសញ្ញាសរសៃឈាមបេះដូងរួមតូច ធ្វើអោយសម្ពាធឈាមចុះទាប ឬ កើតមានអាការៈប្រតិកម្មធ្ងន់ធ្ងរ(Shock) ឬ ចង្វាក់បេះដូងខុសប្រក្រតីកម្រិតធ្ងន់ធ្ងរ ឬ ស្ទះសរសៃឈាមក្នុងបេះដូង ឬ បេះដូងឈប់ដើរ ជាដើម។ ដូច្នេះ នៅពេលប្រើឱសថនេះ ត្រូវត្រៀមឧបករណ៍សម្រាប់ធ្វើចលនាបេះដូងនិងដង្ហើមទុកជាស្រេច។