Abiraterone acetate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺមហារីកក្រពេញប្រូស្តាតដែលមិនអាចព្យាបាលដោយឱសថប្រឆាំងអរម៉ូនបុរសបាន(Castration-resistant prostate cancer, CRPC)

      - ជំងឺមហារីកក្រពេញប្រូស្តាតដែលមិនទាន់ព្យាបាលដោយឱសថប្រឆាំងអរម៉ូនបុរសនិងដែលមានកត្តាហានិភ័យខ្ពស់។

    • កម្រិតប្រើប្រាស់

      ថ្នាំលេប:

      មនុស្សពេញវ័យ លេប1ថ្ងៃ1ដង 1000mg នៅពេលពោះទទេ ដោយប្រើរួមជាមួយឱសថPrednisolone។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលមានជំងឺថ្លើមធ្ងន់ធ្ងរ។

    • ផលរំខាន

      ផលរំខានរួមមាន សម្ពាធឈាមកើនឡើង ហត់ ក្ដៅក្នុងខ្លួន ចង់ក្អួត ហើមដៃជើង ទល់លាមក រាករូស ក្អួត វិលមុខស្រាលខ្លួន។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - បេះដូងលោតញាប់ ដកដង្ហើមដង្ហក់ ឈឺទ្រូង ហើមជើង (ប៉ះពាល់មុខងារបេះដូង)

      - អស់កម្លាំងពេញខ្លួន មិនឃ្លានអាហារ ភ្នែកនិងស្បែកប្រែពណ៌លឿង (បញ្ហាថ្លើមធ្ងន់ធ្ងរ រលាកថ្លើម)

      - សាច់ដុំកន្ត្រាក់ កម្លាំងសាច់ដុំថយចុះ អស់កម្លាំងពេញខ្លួន (កម្រិតប៉ូតាស្យូមក្នុងឈាមថយចុះ)

      - ឈាមច្រមុះ ឈាមតាមអញ្ចាញធ្មេញ ឈាមក្រោមស្បែក (ចំនួនប្លាកែតថយចុះ)

      - ឈឺសាច់ដុំដៃជើង ស្ពឹកឬរឹងដៃជើង ទឹកនោមមានពណ៌ក្រហមត្នោត (ជំងឺរលាយសាច់ដុំជាប់ឆ្អឹង(Rhabdomyolysis))។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថដែលទទួលប្រតិកម្មពីអង់ស៊ីមCYP2D6 (ឱសថDextromethorphan ឱសថPropafenone ឱសថFlecainide ឱសថHaloperidol។ល។) - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

      ・ឱសថដែលជម្រុញសកម្មភាពនៃអង់ស៊ីមCYP2C9 (ឱសថRifampicin ឱសថPhenytoin ឱសថCarbamazepine ឱសថRifabutin ឱសថPhenobarbital ។ល។) - អាចធ្វើអោយសកម្មភាពនៃឱសថទាំងនេះថយចុះ។

      ・ឱសថដែលទទួលប្រតិកម្មពីអង់ស៊ីមCYP2C19 (ឱសថOmeprazole ។ល។) - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃឱសថAbirateroneថយចុះ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ឱសថនេះមិនប្រើចំពោះស្ត្រីទេ។

    • ការប្រុងប្រយ័ត្នជាពិសេស

      ・ដើម្បីតាមដានផលរំខាន អ្នកជំងឺគួរទទួលការពិនិត្យសម្ពាធឈាម ការពិនិត្យឈាម និង ទម្ងន់អោយបានជាប្រចាំ។

      ・ប្រសិនបើភ្លេចលេបឱសថនេះ គួរចាប់ផ្ដើមលេបភ្លាមដោយចៀសវាងលេបនៅចន្លោះពេល1ម៉ោងមុននិង2ម៉ោងក្រោយបរិភោគអាហារ។ គួរបន្តលេបនៅម៉ោងដូចធម្មតានៅថ្ងៃបន្ទាប់។

    • សកម្មភាពឱសថ

      Abirateron acetateនឹងបំលែងទៅជាAbirateronយ៉ាងឆាប់រហ័សពេលចូលដល់ក្នុងរាងកាយ ហើយសារធាតុនេះនឹងរារាំងសកម្មភាពរបស់អង់ស៊ីម17α-hydroxylase/

      C17,20-lyase (CYP17)ដែលជាអង់ស៊ីមមានតួនាទីនៅក្នុងការសំយោគអរម៉ូនបុរសអង់ដ្រូជេន(Androgen)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp