Zopiclone

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈគេងមិនលក់

- ប្រើនៅមុនពេលអនុវត្តការសណ្ដំ។

ថ្នាំលេប：

・ករណីអាការៈគេងមិនលក់：

មនុស្សពេញវ័យ：លេប1ដង 7.5～10mg នៅមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ដងគឺ 10mg។ សម្រាប់មនុស្សចាស់និងអ្នកដែលមានបញ្ហាថ្លើម គួរចាប់ផ្ដើមប្រើក្នុងកម្រិត1ដង 3.75mg។

・ករណីប្រើនៅមុនពេលអនុវត្តការសណ្ដំ：

មនុស្សពេញវ័យ：លេប1ដង 7.5～10mg នៅមុនពេលចូលគេងឬមុនពេលវះកាត់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ដងគឺ 10mg។ សម្រាប់មនុស្សចាស់និងអ្នកដែលមានបញ្ហាថ្លើម គួរចាប់ផ្ដើមប្រើក្នុងកម្រិត1ដង 3.75mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថEszopiclone។

・អ្នកដែលមានជំងឺខ្សោយការបញ្ជាលើសាច់ដុំធ្ងន់ធ្ងរ(Myasthenia gravis។

・អ្នកដែលមានជំងឺក្លូកូមប្រភេទបិទជិត(Angle-closure glaucoma)លក្ខណៈស្រួចស្រាវ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានមុខងារដកដង្ហើមកំពុងធ្លាក់ចុះទាបកម្រិតធ្ងន់ធ្ងរ ដូចក្នុងករណីជំងឺសួតមួយចំនួន ឬ ជំងឺសរសៃឈាមខួរក្បាលដំណាក់កាលស្រួចស្រាវ ជាដើម។

ផលរំខានរួមមាន ល្វីងក្នុងមាត់ វិលមុខ ងងុយគេង ស្ងួតក អស់កម្លាំង ឈឺក្បាល ធ្ងន់ក្បាល ចង់ក្អួត ឡើងកន្ទួលក្រហម រមាស់ស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្រោយពេលបន្ថយបរិមាណឬឈប់ប្រើប្រាស់ឱសថ មានអារម្មណ៍មិនស្ងប់ឬគេងមិនលក់ ញ័រដៃជើង រវើរវាយ សាច់ដុំកន្ត្រាក់ (អាការៈញៀន)

- ពិបាកដកដង្ហើម (ផលប៉ះពាល់លើប្រព័ន្ធគ្រប់គ្រងដំណកដង្ហើម)

- អស់កម្លាំង បាត់បង់ចំណង់អាហារ ភ្នែកនិងស្បេកប្រែពណ៌លឿង (មុខងារថ្លើមមានបញ្ហា)

- រវើរវាយ ស្មារតីដឹងខ្លួនថយចុះ ពិបាកសម្រេចចិត្ត មមើមមាយ (ផលប៉ះពាល់លើប្រព័ន្ធស្មារតី)

- មិនចាំអ្វីអ្វីដែលកើតឡើងនៅមុនពេលចូលគេងឬពេលក្រោកពាក់កណ្ដាលទីក្នុងអំឡុងពេលគេង (រោគសញ្ញាភ្លេចភ្លាំងបណ្ដោះអាសន្ន)

- សម្លេងស្អក កន្ទាលត្រអាក បេះដូងលោតញាប់ ស្មារតីដឹងខ្លួនថយចុះ (រោគប្រតិកម្មធ្ងន់ធ្ងរ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលបន្ធូរការកន្ត្រាក់នៃសាច់ដុំ (Suxamethonium chloride hydrate, Tubocurarine chloride hydrate, Pancuronium bromide), ឱសថដែលទប់ស្កាត់ប្រព័ន្ធប្រសាទកណ្ដាល (ឱសថប្រភេទPhenothiazine, ឱសថប្រភេទBarbiturate) - អាចធ្វើអោយសកម្មភាពនៃឱសថទាំងនេះកើនឡើង។

・គ្រឿងស្រវឹង - អាចធ្វើអោយឥទ្ធិពលនៃគ្រឿងស្រវឹងកើនឡើង។

・ឱសថសណ្ដំឬស្ពឹក - អាចធ្វើអោយប៉ះពាល់ដល់ប្រព័ន្ធគ្រប់គ្រងដំណកដង្ហើម។

・ឱសថដែលបង្កើនសកម្មភាពអង់ស៊ីមCYP3A4 (ឱសថRifampicin ជាដើម) - អាចធ្វើអោយសកម្មភាពនៃឱសថZopicloneថយចុះ។

・ឱសថដែលទប់ស្កាត់សកម្មភាពអង់ស៊ីមCYP3A4 (ឱសថErythromycin, ឱសថItraconazole ជាដើម) - អាចធ្វើអោយសកម្មភាពនៃឱសថZopicloneកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ក្រោយពិសាឱសថនេះ អាចធ្វើអោយកើតមានអាការៈមមើមមាយ និងមិនចាំអ្វីដែលកើតឡើងនៅមុនពេលចូលគេងឬពេលក្រោកពាក់កណ្ដាលទីក្នុងអំឡុងពេលគេង។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈពិបាកផ្ដុំអារម្មណ៍ ងាយធ្វេសប្រហែស ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយផលរំខានរបស់ឱសថកើនឡើង ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

・ឱសថនេះជាប្រភេទឱសថដែលសកម្មភាពឱសថមានរយៈពេលខ្លីខ្លាំង។

ឱសថនេះមានសកម្មភាពភ្ញោចគ្រឿងទទួលបិនហ្ស៉ូដ្យាហ្សេភីន(Benzodiazepine or BZD receptor) ដែលស្ថិតនៅភ្ជាប់ជាមួយនឹងគ្រឿងទទួលហ្កាបាA(GABA A receptor) ដោយការភ្ញោចគ្រឿងទទួលបិនហ្ស៉ូដ្យាហ្សេភីននឹងភ្ញោចទៅដល់គ្រឿងទទួលហ្កាបាផងដែរ ធ្វើអោយប្រព័ន្ធសរសៃប្រសាទដែលបញ្ជូនសញ្ញាដោយសារធាតុហ្កាបាមានសកម្មភាពឡើង។ ជាលទ្ធផល សកម្មភាពក្នុងខួរក្បាលត្រូវបានកាត់បន្ថយ ហើយអាការៈនៃអារម្មណ៍មិនស្ងប់ គេងមិនលក់ ឬ សាច់ដុំកន្ត្រាក់ក៏អាចធូរស្បើយ។