អំពី អ៊ីម៉ាតុគឹ មេឌីក (ខេមបូឌា)

សកម្មភាពនៃក្រុមហ៊ុន អ៊ីម៉ាតុគឹ មេឌីក (ខេមបូឌា)

គោលដៅនៃក្រុមហ៊ុនអ៊ីម៉ាតុគឹ គឺ ការអភិវឌ្ឍន៍វិស័យសុខាភិបាលនៅប្រទេសកម្ពុជា។ ឆ្ពោះទៅកាន់គោលដៅនេះ ក្រុមហ៊ុនអ៊ីម៉ាតុគឹបានបង្កើតនូវគម្រោងសកម្មភាពជាច្រើនកន្លងមក ដែលផ្ដោតទៅលើការបង្កើនទំនាក់ទំនងរវាងវិស័យវេជ្ជសាស្ត្រនិងឱសថសាស្ត្រ ការផ្លាស់ប្ដូរបទពិសោធន៍ក្នុងចំណោមបុគ្គលិកសុខាភិបាល ចូលរួមនៅក្នុងកម្មវិធីផ្សេងៗទាក់ទងនឹងសុខភាព ជាពិសេស គឺការផ្សារភ្ជាប់ទំនាក់ទំនងរវាងវេជ្ជបណ្ឌិតឬនិស្សិតជនជាតិជប៉ុនជាមួយនឹងវេជ្ជបណ្ឌិតនិងនិស្សិតនៅកម្ពុជា ក៏ដូចជារវាងប្រទេសជប៉ុននិងប្រទេសកម្ពុជាទាំងមូលផងដែរ។

ពាក្យស្លោកនៃក្រុមហ៊ុនអ៊ីម៉ាតុគឹ គឺ New Experience in Health Care (បទពិសោធន៍ថ្មីនៅក្នុងសេវាសុខភាព) ដែលក្នុងនោះយើងមានគោលដៅផ្ដល់នូវបទពិសោធន៍ថ្មីទាំងសម្រាប់អ្នកដែលទទួលសេវាសុខភាព ទាំងសម្រាប់អ្នកដែលផ្ដល់សេវាសុខភាព។ អ្នកជំងឺនឹងទទួលបាននូវសេវាកម្មថែរក្សាសុខភាពដែលប្រកបដោយការយកចិត្តទុកដាក់និងមានវិជ្ជាជីវៈច្បាស់លាស់ពីបុគ្គលិកសុខាភិបាល។ ហើយបុគ្គលិកសុខាភិបាលនឹងផ្ដល់នូវសេវាកម្មថែទាំសុខភាពដែលពោរពេញទៅដោយជំនឿចិត្តនិងទឹកចិត្តអាណិតស្រឡាញ់ចំពោះអ្នកជំងឺ ព្រមទាំងការគោរពចំពោះវិជ្ជាជីវៈរៀងៗខ្លួន។ ទាំងនេះគឺជាអ្វីដែលក្រុមហ៊ុនអ៊ីម៉ាតុគឹចង់អោយកើតមានច្រើននៅប្រទេសកម្ពុជា ហើយក៏ជាកម្លាំងជម្រុញទឹកចិត្តនៅក្នុងសកម្មភាពនីមួយៗរបស់ក្រុមហ៊ុនអ៊ីម៉ាតុគឹផងដែរ។