Testosterone enanthate + Estradiol valerate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រោគសញ្ញាផ្សេងៗដែលកើតឡើងនៅក្រោយពេលស្ត្រីអស់រដូវ(Postmenopausal syndrome)

- ជំងឺមុខងារក្រពេញអូវែរថយចុះ (Ovarian insufficiency)

- ជំងឺពុកឆ្អឹង (Osteoporosis)។

ថ្នាំចាក់：

ឱសថនេះ1mL មានផ្ទុកសារធាតុTestosterone enanthate 90.2mg និង សារធាតុEstradiol valerate 4mg។

ជាទូទៅ ប្រើក្នុងកម្រិត1ដង1mL ដោយចាក់ក្នុងសាច់ដុំ រៀងរាល់2～4សប្ដាហ៍។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ករណីប្រើនៅក្នុងការព្យាបាលជំងឺពុកឆ្អឹង អ្នកជំងឺត្រូវទទួលការពិនិត្យកំហាប់ឆ្អឹងនៅ6ខែ～1ឆ្នាំបន្ទាប់ពីប្រើឱសថនេះ ហើយប្រសិនបើមិនឃើញមានប្រសិទ្ធិភាពបង្កើនកំហាប់ឆ្អឹងរបស់អ្នកជំងឺទេនោះ គួរបញ្ឈប់ការប្រើឱសថនេះ និងប្ដូរទៅអនុវត្តវិធីព្យាបាលផ្សេងទៀត។

・អ្នកដែលកំពុងមានឬសង្ស័យថាមានជំងឺមហារីកដែលបណ្ដាលមកពីអរម៉ូនបុរសអង់ដ្រូជេន (ដូចជា ជំងឺមហារីកក្រពេញប្រូស្តាត)។

・អ្នកដែលកំពុងមានឬសង្ស័យថាមានជំងឺមហារីកដែលបណ្ដាលមកពីអរម៉ូនអេស្ត្រូជេន (ដូចជា ជំងឺមហារីកសុដន់ ជំងឺមហារីកភ្នាសក្នុងស្បូន(Endometrial cancer))។

・អ្នកដែលធ្លាប់មានជំងឺមហារីកសុដន់។

・អ្នកដែលមានជំងឺភ្នាសក្នុងស្បូនកើនឡើងខុសប្រក្រតី(Endometrial hyperplasia)និងមិនទាន់ទទួលការព្យាបាល។

・អ្នកដែលកំពុងឬធ្លាប់មានជំងឺរលាកសរសៃវ៉ែនដោយសារកំណកឈាម(Thrombophlebitis) ឬ ជំងឺស្ទះកំណកឈាមនៅសួត(Pulmonary embolism)។

・អ្នកដែលកំពុងឬធ្លាប់មានជំងឺស្ទះកំណកឈាមនៅក្នុងសរសៃអាកទែ (ដូចជា ជំងឺបេះដូងទាក់ទងនឹងសរសៃអាកទែបេះដូង(Coronary heart disease) ជំងឺស្ទះឬដាច់សរសៃឈាមក្នុងខួរក្បាល(Stroke))។

・អ្នកដែលមានបញ្ហាថ្លើមធ្ងន់ធ្ងរ។

・អ្នកដែលមានរោគសញ្ញាហូរឈាមខុសប្រក្រតីពីប្រដាប់ភេទដោយមិនទាន់ដឹងពីមូលហេតុច្បាស់លាស់។

・អ្នកដែលមានជំងឺលើសជាតិខ្លាញ់ក្នុងឈាម។

・អ្នកដែលធ្លាប់មានអាការៈរើឡើងនៃជំងឺរឹងកូនឆ្អឹងត្រចៀកខាងក្នុង(Otosclerosis)នៅក្នុងអំឡុងពេលមានផ្ទៃពោះលើកមុន។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・កុមារ។