Teriparatide

ជាទូទៅ ឱសថនេះប្រើនៅក្នុងការព្យាបាលជំងឺពុកឆ្អឹង(Osteoporosis)ដែលមានហានិភ័យនៃការបាក់ឆ្អឹងខ្ពស់ (អ្នកដែលមានកំហាប់ឆ្អឹងទាប ធ្លាប់បាក់ឆ្អឹង វ័យចំណាស់ ។ល។)។

ថ្នាំចាក់：

មនុស្សពេញវ័យ：ប្រើ1ថ្ងៃ1ដង 20μg ចាក់ក្រោមស្បែក។ រយៈពេលនៃការប្រើប្រាស់ឱសថនេះគឺ 24ខែ។

・អ្នកដែលមានកម្រិតកាល់ស្យូមខ្ពស់នៅក្នុងឈាម។

・អ្នកដែលមានហានិភ័យខ្ពស់នៅក្នុងការកើតមានជំងឺមហារីកឆ្អឹង(Osteosarcoma) ：

(1)អ្នកដែលមានជំងឺផាជិតឆ្អឹង(Paget's disease of bone)

(2)អ្នកដែលមានកម្រិតនៃអង់ស៊ីមAlkaline phosphataseខ្ពស់នៅក្នុងរាងកាយដោយមិនដឹងមូលហេតុច្បាស់លាស់

(3)កុមារឬមនុស្សវ័យក្មេងដែលខ្សែឆ្អឹងខ្ចីនៅមិនទាន់បិទភ្ជិត

(4)អ្នកដែលធ្លាប់ទទួលការព្យាបាលដោយប្រើវិទ្យុសកម្មដែលអាចមានឥទ្ធិពលទៅលើឆ្អឹង។

・អ្នកដែលមានជំងឺមហារីកឆ្អឹង (រួមទាំង មហារីកឆ្អឹងដែលរាលដាលពីសរីរាង្គផ្សេង)។

・អ្នកដែលមានជំងឺទាក់ទងនឹងប្រតិកម្មផលិតឬរំលាយឆ្អឹង ក្រៅអំពីជំងឺពុកឆ្អឹង(ជំងឺកើនឡើងនៃមុខងារក្រពេញប៉ារ៉ាទីរ៉ូអ៊ីត ជាដើម)។

・ស្ត្រីមានផ្ទៃពោះ ស្ត្រីដែលអាចនឹងកំពុងមានផ្ទៃពោះ ឬ ស្ត្រីបំបៅដោះកូន។

・អ្នកដែលមានរោគប្រតិកម្មជាមួយនឹងសារធាតុឱសថនេះ ឬ ឱសថប្រភេទTeriparatideផ្សេងទៀត។

ផលរំខានរួមមាន ចង់ក្អួត បាត់បង់ចំណង់អាហារ ឈឺក្បាល សាច់ដុំកន្ត្រាក់ វិលមុខ សម្ពាធឈាមធ្លាក់ចុះ ងងឹតមុខ បេះដូងលោតញាប់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ឡើងកន្ទួលក្រហម សម្ពាធឈាមធ្លាក់ចុះ (រោគប្រតិកម្មធ្ងន់ធ្ងរ)

- ទឹកមុខស្លេកស្លាំង បែកញើសទាំងត្រជាក់ ងងឹតមុខ វិលមុខ ដង្ហក់ (អាការៈប្រតិកម្មធ្ងន់ធ្ងរ(Shock) បាត់បង់ស្មារតី)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបង្កើនសកម្មភាពបេះដូង (Metildigoxin, Digoxin, Digitoxin ជាដើម) - អាចធ្វើអោយប៉ះពាល់ដល់មុខងារបេះដូង ដោយសារកម្រិតកាល់ស្យូមនៅក្នុងឈាមកើនឡើងខ្ពស់។

・ឱសថប្រភេទវីតាមីនដេ(Alfacalcidol, Calcitriol, Eldecalcitol, Maxacalcitol, Falecalcitriol ជាដើម) - អាចធ្វើអោយកម្រិតកាល់ស្យូមនៅក្នុងឈាមកើនឡើងខ្ពស់។

・ស្ត្រីមានផ្ទៃពោះ ស្ត្រីដែលអាចនឹងកំពុងមានផ្ទៃពោះ និង ស្ត្រីដំបៅដោះកូន មិនត្រូវប្រើប្រាស់ឱសថនេះទេ។ ចំពោះស្ត្រីដែលអាចមានផ្ទៃពោះ គួរប្រើប្រាស់ឱសថនេះក្នុងករណីចាំបាច់តែប៉ុណ្ណោះ និង គួរប្រើវិធីពន្យារកំណើតក្នុងអំឡុងពេលនៃការប្រើប្រាស់ឱសថនេះ។ ម្យ៉ាងទៀត ប្រសិនបើពិនិត្យឃើញថាមានផ្ទៃពោះ ត្រូវបញ្ឈប់ការប្រើឱសថនេះ។

・ក្រោយពេលប្រើប្រាស់ឱសថនេះភ្លាមឬប៉ុន្មានម៉ោងបន្ទាប់ពីនោះ អ្នកជំងឺអាចមានអាការៈវិលមុខ ងងឹតមុខ បេះដូងលោតញាប់ ចង់ក្អួត ទឹកមុខស្លេកស្លាំង ឬ កន្ត្រាក់សាច់ដុំមួយរយៈពេលខ្លី។ ដូច្នេះ អ្នកជំងឺគួររក្សាឥរិយាបថអង្គុយឬទម្រេតខ្លួនរយៈពេល30នាទីក្រោយប្រើប្រាស់ឱសថនេះ។ ហើយត្រូវប្រុងប្រយ័ត្នជាពិសេសនៅពេលបើកបរឬបញ្ជាម៉ាស៊ីនដែលមានគ្រោះថ្នាក់ជាដើម។

・ជាទូទៅ រយៈពេលសរុបនៃការប្រើប្រាស់ឱសថនេះគឺកំណត់ត្រឹម24ខែប៉ុណ្ណោះ ទោះក្នុងករណីអ្នកជំងឺចាប់ផ្ដើមប្រើឡើងវិញបន្ទាប់ពីផ្អាកមួយរយៈក៏ដោយ។

・ប្រសិនបើពិនិត្យឃើញឬមានរោគសញ្ញានៃការលើសជាតិកាល់ស្យូមនៅក្នុងឈាម(ទល់លាមក បាត់បង់ចំណង់អាហារ ក្អួតចង្អោរ ឈឺពោះ ខ្សោយសាច់ដុំ រមាស់ស្បែក ឆាប់ម៉ូរម៉ៅ) ត្រូវផ្អាកការប្រើប្រាស់ឱសថនេះ។

・ចំពោះស្ត្រីដែលអាចមានផ្ទៃពោះ គួរប្រើប្រាស់ឱសថនេះក្នុងករណីចាំបាច់តែប៉ុណ្ណោះ និង គួរប្រើវិធីពន្យារកំណើតក្នុងអំឡុងពេលនៃការប្រើប្រាស់ឱសថនេះ។ ម្យ៉ាងទៀត ប្រសិនបើពិនិត្យឃើញថាមានផ្ទៃពោះ ត្រូវបញ្ឈប់ការប្រើឱសថនេះ។

ឱសថនេះជាអរម៉ូនប៉ារ៉ាទីរ៉ូអ៊ីតដែលត្រូវបានសំយោគឡើង និង មានសកម្មភាពដូចទៅនឹងអរម៉ូនប៉ារ៉ាទីរ៉ូអ៊ីតនៅក្នុងរាងកាយ។ អរម៉ូននេះមានប្រសិទ្ធិភាពបង្កើនចំនួនកោសិកាឆ្អឹងថ្មីៗ ដើម្បីធ្វើអោយកំហាប់ឆ្អឹងកើនឡើងនិងកាត់បន្ថយហានិភ័យនៃការបាក់ឆ្អឹង។