Terbutaline sulfate

ករណីថ្នាំលេប ទម្រង់ជាថ្នាំគ្រាប់：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺដូចខាងក្រោម ៖

- ជំងឺហឺត(Bronchial asthma)

- ជំងឺរលាកទងសួតរ៉ាំរ៉ៃ

- ជំងឺរលាកទងសួតលក្ខណៈហឺត

- ជំងឺទងសួតរីក (Bronchiectasis)

- ជំងឺខ្យល់ដក់ក្នុងសួត (Pulmonary emphysema)។

ករណីថ្នាំលេប ទម្រង់ជាថ្នាំទឹក：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺហឺត(Bronchial asthma) ជំងឺរលាកទងសួតស្រួចស្រាវ ជំងឺរលាកទងសួតលក្ខណៈហឺត។

ករណីថ្នាំចាក់：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុងជំងឺហឺត(Bronchial asthma)។

ករណីថ្នាំលេប ទម្រង់ជាថ្នាំគ្រាប់：

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ជាទូទៅ គឺ៖

- មនុស្សពេញវ័យ：លេប1ដង4mg 1ថ្ងៃ3ដង។

- កុមារអាយុចាប់ពី6ឆ្នាំឡើង：លេប1ដង2mg 1ថ្ងៃ3ដង។

- កុមារអាយុចាប់ពី5ឆ្នាំចុះ：លេប1ដង1mg 1ថ្ងៃ3ដង។

ករណីថ្នាំលេប ទម្រង់ជាថ្នាំទឹក(0.5mg/mL)：

កុមារតូច：ពិសារ1ថ្ងៃ0.225mg/kg (ថ្នាំទឹកកំហាប់0.5mg/mLត្រូវនឺង0.45mL/kg) បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ជាទូទៅ កម្រិតប្រើប្រាស់ទៅតាមអាយុ គឺ៖

+ អាយុ0.5ឆ្នាំ～ក្រោម1ឆ្នាំ - 1ថ្ងៃ1.5～2mg (ថ្នាំទឹកកំហាប់0.5mg/mLត្រូវនឺង3～4mL) បែងចែកជា3ដងក្នុង1ថ្ងៃ។

+ អាយុ1ឆ្នាំ～ក្រោម3ឆ្នាំ - 1ថ្ងៃ2～3mg (ថ្នាំទឹកកំហាប់0.5mg/mLត្រូវនឺង4～6mL) បែងចែកជា3ដងក្នុង1ថ្ងៃ។

+ អាយុ3ឆ្នាំ～ក្រោម5ឆ្នាំ - 1ថ្ងៃ3～4mg (ថ្នាំទឹកកំហាប់0.5mg/mLត្រូវនឺង6～8mL) បែងចែកជា3ដងក្នុង1ថ្ងៃ។

+ អាយុ5ឆ្នាំ～ក្រោម7ឆ្នាំ - 1ថ្ងៃ4～5mg (ថ្នាំទឹកកំហាប់0.5mg/mLត្រូវនឺង8～10mL) បែងចែកជា3ដងក្នុង1ថ្ងៃ។

ករណីថ្នាំចាក់：

អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ជាទូទៅ គឺ៖

- មនុស្សពេញវ័យ：ប្រើ1ដង0.2mg ចាក់ក្រោមស្បែក។

- កុមារអាយុចាប់ពី6ឆ្នាំឡើង：ប្រើ1ដង0.1mg ចាក់ក្រោមស្បែក។

- កុមារអាយុចាប់ពី5ឆ្នាំចុះ：ប្រើ1ដង0.05mg ចាក់ក្រោមស្បែក។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន បេះដូងលោតញាប់ ញ័រម្រាមដៃ ឡើងកន្ទួលក្រហម ឈឺពោះ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម កន្ទាលត្រអាក ហើមជុំវិញភ្នែកឬមាត់ (រោគប្រតិកម្មធ្ងន់ធ្ងរ)

- អស់កម្លាំង កម្លាំងសាច់ដុំធ្លាក់ចុះ ពិបាកដកដង្ហើម ស្ពឹកដៃជើង (រោគសញ្ញានៃកម្រិតប៉ូតាស្យូមក្នុងឈាមធ្លាក់ចុះទាបធ្ងន់ធ្ងរ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថកាតេកូឡាមីន (Adrenalin, Isoproterenol, Dopamine ជាដើម) - អាចធ្វើអោយចង្វាក់បេះដូងខុសប្រក្រតី ឬ បេះដូងឈប់ដើរ។

・ឱសថប្រភេទXanthine (Theophylline, Aminophylline hydrate, Diprophylline ជាដើម), ឱសថប្រភេទស្តេរ៉ូអ៊ីត(Prednisolone, Betamethasone, Hydrocortisone sodium succinate ជាដើម), ឱសថបញ្ចុះទឹកនោម(Furosemide, Hydrochlorothiazide ជាដើម) - អាចធ្វើអោយកម្រិតប៉ូតាស្យូមនៅក្នុងឈាមធ្លាក់ចុះទាប។

・ឱសថទប់ស្កាត់គ្រឿងទទួលβ (Atenolol, Celiprolol hydrochloride, Bisoprolol fumarate ជាដើម) - អាចធ្វើអោយប្រសិទ្ធិភាពនៃTerbutaline sulfate ធ្លាក់ចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ជាពិសេស ស្ត្រីមានផ្ទៃពោះក្រោម3ខែ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពភ្ញោចគ្រឿងទទួលβ2(β2 receptor) ធ្វើអោយអង់ស៊ីមAdenylyl cyclaseមានសកម្មភាពបំលែងសារធាតុATPនៅក្នុងកោសិកាទៅជាcAMP។ ការកើនឡើងនៃcAMPមានប្រសិទ្ធិភាពពង្រីកមុខកាត់នៃទងសួតអោយរីកធំទូលាយ សម្រួលដល់ការដកដង្ហើម។