Temsirolimus

ជាទូទៅ ឱសថនេះប្រើនៅក្នុងការព្យាបាលជំងឺមហារីកកោសិកាតម្រងនោម ដែលមិនអាចព្យាបាលជាសះស្បើយដោយការវះកាត់ ឬ ដែលរាលដាលទៅផ្នែកផ្សេងទៀតនៃរាងកាយ

ថ្នាំចាក់：

មនុស្សពេញវ័យ: ប្រើក្នុងកម្រិត1សប្ដាហ៍1ដង 25mg ដោយព្យួរសេរ៉ូមតាមសរសៃវ៉ែនរយៈពេល30～60នាទី ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・អ្នកដែលធ្លាប់មានរោគប្រតិកម្មធ្ងន់ធ្ងរដោយសារសារធាតុនៅក្នុងឱសថនេះ ឬ ឱសថក្នុងស្រឡាយSirolimus។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・មិនត្រូវទទួលការចាក់វ៉ាក់សាំងរស់(Live vaccine)ក្នុងអំឡុងពេលប្រើប្រាស់ឱសថនេះទេ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមី។

・ត្រូវប្រុងប្រយ័ត្នជាពិសេសចំពោះផលរំខានធ្វើអោយកើតមានជំងឺសួតប្រភេទInterstitial lung disease ដែលមានរោគសញ្ញាដំបូង ដូចជា ដកដង្ហើមដង្ហក់ ពិបាកដកដង្ហើម ក្អក ហត់ ជាដើម។ អ្នកជំងឺត្រូវទទួលការពិនិត្យដោយកាំរស្មីអ៊ិចឬCT និង តាមដានរោគសញ្ញា។ ប្រសិនបើមានភាពខុសប្រក្រតី ត្រូវបញ្ឈប់ការប្រើឱសថនេះ រួចធ្វើការព្យាបាលអោយបានសមស្រប។

・ចំពោះអ្នកជំងឺដែលមានផ្ទុកវីរុសរលាកថ្លើម ក្នុងអំឡុងពេលប្រើប្រាស់ឱសថនេះ អ្នកជំងឺអាចរើឡើងនូវរោគសញ្ញារលាកថ្លើម ធ្វើអោយមុខងារថ្លើមចុះខ្សោយរហូតដល់មានគ្រោះថ្នាក់ដល់ជីវិត។ ដូច្នេះ ត្រូវប្រុងប្រយ័ត្នអោយបានដិតដល់ តាមរយៈការតាមដានរោគសញ្ញា និង ការពិនិត្យមុខងារថ្លើម នៅក្នុងអំឡុងពេលប្រើប្រាស់និងក្រោយពេលបញ្ឈប់ការប្រើប្រាស់ឱសថនេះ។