Taurine

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - កែលម្អមុខងារថ្លើមនៅក្នុងអ្នកដែលមានរោគសញ្ញានៃBilirubinកើនឡើងខ្ពស់ក្នុងឈាម (លើកលែងករណីជំងឺខាន់លឿងលក្ខណៈស្ទះ)

      - ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​

      - បង្ការការកើតឡើងនៃរោគសញ្ញាស្រដៀងនឹងជំងឺស្ទះសរសៃឈាមឬហូរឈាមក្នុងខួរក្បាល (Stroke) នៅក្នុងបណ្ដុំរោគសញ្ញាMELAS (រួមមាន រោគសញ្ញាMitochondrial encephalomyopathy រោគសញ្ញាអាស៊ីតឡាក់តិចកើនឡើងខ្ពស់ក្នុងឈាម(Lactic acidosis) និង រោគសញ្ញាស្រដៀងនឹងជំងឺស្ទះសរសៃឈាមឬហូរឈាមក្នុងខួរក្បាល)។

    • កម្រិតប្រើប្រាស់

      ថ្នាំលេប：

      ・ករណីរោគសញ្ញានៃBilirubinកើនឡើងខ្ពស់ក្នុងឈាម (លើកលែងករណីជំងឺខាន់លឿងលក្ខណៈស្ទះ)

      និង ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)：

      មនុស្សពេញវ័យ：លេប1ដង1g 1ថ្ងៃ3ដង ក្រោយបរិភោគអាហារ។ ចំពោះជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure) គេប្រើឱសថនេះនៅពេលការប្រើឱសថបង្កើនកម្លាំងបេះដូងនិងបញ្ចុះទឹកនោមមិនមានប្រសិទ្ធិភាពគ្រប់គ្រាន់ ដោយត្រូវប្រើរួមជាមួយឱសថទាំងនេះ។

      ・ករណីបង្ការការកើតឡើងនៃរោគសញ្ញាស្រដៀងនឹងជំងឺស្ទះសរសៃឈាមឬហូរឈាមក្នុងខួរក្បាល (Stroke) នៅក្នុងបណ្ដុំរោគសញ្ញាMELAS (រួមមាន រោគសញ្ញាMitochondrial encephalomyopathy រោគសញ្ញាអាស៊ីតឡាក់តិចកើនឡើងខ្ពស់ក្នុងឈាម(Lactic acidosis) និង រោគសញ្ញាស្រដៀងនឹងជំងឺស្ទះសរសៃឈាមឬហូរឈាមក្នុងខួរក្បាល)：

      កំណត់កម្រិតប្រើប្រាស់ទៅតាមទម្ងន់របស់អ្នកជំងឺ ដូចខាងក្រោម៖

      + ទម្ងន់ក្រោម15kg：លេប1ដង1g 1ថ្ងៃ3ដង ក្រោយបរិភោគអាហារ។

      + ទម្ងន់15kg～ក្រោម25kg：លេប1ដង2g 1ថ្ងៃ3ដង ក្រោយបរិភោគអាហារ។

      + ទម្ងន់25kg～ក្រោម40kg：លេប1ដង3g 1ថ្ងៃ3ដង ក្រោយបរិភោគអាហារ។

      + ទម្ងន់40kgឡើងទៅ：លេប1ដង4g 1ថ្ងៃ3ដង ក្រោយបរិភោគអាហារ។

    • ផលរំខាន

      ផលរំខានរួមមាន ចង់ក្អួត រាករូសឬទល់លាមក មិនស្រួលក្នុងពោះ បាត់បង់ចំណង់អាហារ ឡើងកន្ទួលក្រហម ។ល។

    • ការប្រុងប្រយ័ត្នជាពិសេស

      ・អាចប្រើនៅក្នុងការបំបាត់អាការៈរមួលក្រពើនៅកំភួនជើងដែលបណ្ដាលមកពីការប្រើឱសថទប់ស្កាត់គ្រឿងចម្លងកាល់ស្យូម(Calcium channel blocker)។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - សកម្មភាពចំពោះថ្លើម： ឱសថនេះចូលរួមនៅក្នុងការកកើតសមាសធាតុនៃអាស៊ីតទឹកប្រមាត់ ដើម្បីជម្រុញការបញ្ចេញទឹកប្រមាត់។ ម្យ៉ាងទៀត ឱសថនេះក៏មានប្រសិទ្ធិភាពការពារកោសិកាថ្លើម បណ្ដុះកោសិកាថ្លើមថ្មីៗ បង្កើតម៉ូលេគុលATPនៅក្នុងថ្លើម ជាដើមផងដែរ ដែលទាំងនេះនឹងធ្វើអោយមុខងារថ្លើមមានលក្ខណៈល្អប្រសើរឡើងវិញ។

      - សកម្មភាពចំពោះបេះដូង：ឱសថនេះសម្រួលការប្រែប្រួលនៃអ៊ីយ៉ុងកាល់ស្យូម(Ca2＋)នៅក្នុងកោសិកាសាច់ដុំនៃបេះដូង ក៏ដូចជាសម្រួលដល់ការកន្ត្រាក់នៃបេះដូង។ ម្យ៉ាងទៀត ឱសថនេះក៏មានប្រសិទ្ធិភាពការពារកោសិកាសាច់ដុំនៃបេះដូងនិងសម្រួលប្រតិកម្មផ្សេងៗនៅក្នុងបេះដូងជាដើមផងដែរ ដែលទាំងនេះនឹងធ្វើអោយមុខងារបេះដូងមានលក្ខណៈល្អប្រសើរឡើងវិញ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល