Sotalol hydrochloride

ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងលក្ខណៈរើឡើងវិញនិងមានគ្រោះថ្នាក់ដល់ជីវិត ហើយការព្យាបាលដោយប្រើឱសថផ្សេងមិនមានប្រសិទ្ធិភាពឬមិនអាចប្រើបាន ដូចខាងក្រោម៖

・អាការៈកន្ត្រាក់ញាប់នៃបេះដូងដោយសារបញ្ហាថតក្រោមនៃបេះដូង (Ventricular tachycardia)

・អាការៈញ័រថតក្រោមនៃបេះដូង (Ventricular fibrillation)។

ថ្នាំលេប：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ80mg បែងចែកជា2ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតប្រើប្រាស់បន្តិចម្ដងៗ រហូតដល់ 1ថ្ងៃ320mg បែងចែកជា2ដងក្នុង1ថ្ងៃ។

・អ្នកដែលកំពុងមានអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​កម្រិតធ្ងន់ធ្ងរ។

・អ្នកដែលមានបញ្ហាតម្រងនោមធ្ងន់ធ្ងរ (Creatinine clearance<10mL/min)។

・អ្នកដែលមានរោគសញ្ញាជីពចរយឺតដោយសារបញ្ហាSinus node (Sinus bradycardia)កម្រិតធ្ងន់ធ្ងរ (ក្រោម50/នាទី មុខងារSinus nodeចុះខ្សោយ)។

・អ្នកដែលកំពុងមានបញ្ហានៃការបញ្ជូនសញ្ញាក្នុងបេះដូងកម្រិតធ្ងន់ធ្ងរ (ជំងឺA-V blockកម្រិតII～III ឬ ជំងឺSinoatrial blockកម្រិតធ្ងន់ធ្ងរ)។

・អ្នកដែលអាចកើតមានអាការៈហឺត ឬ អាការៈទងសួតកន្ត្រាក់។

・អ្នកដែលមានបណ្ដុំរោគសញ្ញានៃQTអូសបន្លាយពីកំណើតឬដោយសារមូលហេតុផ្សេងទៀត។

・អ្នកដែលធ្លាប់កើតមានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថស្ពឹកឬសណ្ដំដែលទប់ស្កាត់សកម្មភាពសាច់ដុំបេះដូង (ឱសថCyclopropaneជាដើម)។

・អ្នកដែលកំពុងប្រើប្រាស់ឱសថដូចខាងក្រោម : ឱសថAmiodarone hydrochloride(ថ្នាំចាក់) ឱសថVardenafil hydrochloride hydrate ឱសថMoxifloxacin hydrochloride ឱសថToremifene citrate ឱសថFingolimod hydrochloride។

មានផលរំខានភាគច្រើនទៅលើសួត ក្រពេញទីរ៉ូអ៊ីត កញ្ចក់ភ្នែក ។ល។ ក្រៅពីនេះ មានផលរំខាន ដូចជា ស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block) សម្ពាធឈាមចុះទាប រោគសញ្ញាក្រពះពោះវៀន ។ល។

・ឱសថនេះមានសកម្មភាពខ្លាំង។ ប្រើចំពោះតែករណីជំងឺចង្វាក់បេះដូងខុសប្រក្រតីដែលកើតឡើងម្ដងហើយម្ដងទៀតនិងមានគ្រោះថ្នាក់ដល់ជីវិត ឬ ករណីជំងឺចង្វាក់បេះដូងខុសប្រក្រតីដែលការប្រើឱសថផ្សេងទៀតមិនមានប្រសិទ្ធិភាព។

・ត្រូវការរយៈពេលប៉ុន្មានសប្ដាហ៍មុននឹងឃើញការបង្ហាញប្រសិទ្ធិភាពរបស់ឱសថ។ នៅក្នុងពេលប្រើប្រាស់ឱសថ ចាំបាច់ត្រូវធ្វើការពិនិត្យចង្វាក់បេះដូង(ECG)ឬអេកូបេះដូង។

មានសកម្មភាពទៅលើសាច់ដុំនៃថតលើនិងថតក្រោមនៃបេះដូង។ មានប្រសិទ្ធិភាពអូសបន្លាយរយៈពេលបន្តការបញ្ជូនសញ្ញាភ្ញោច(ប៉ូតង់ស្យែលសកម្ម) និង រយៈពេលមិនចម្លងប៉ូតង់ស្បែល(Refractory period)។ ម្យ៉ាងទៀត ឱសថក៏មានសកម្មភាពទប់ស្កាត់គ្រឿងចម្លងកាល់ស្យូមផងដែរ។