Sodium alginate = Alginic acid

ករណីថ្នាំលេប(ថ្នាំទឹក ឬ ថ្នាំម្សៅ)：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈហូរឈាមនិងអាការៈផ្សេងៗទៀត នៅក្នុងជំងឺដំបៅក្រពះ ដំបៅគល់ពោះវៀនតូច(Duodenal ulcer) រលាកក្រពះមានដាច់រលាត់។

- ជំងឺរលាកបំពង់អាហារដោយសារការច្រាលអាស៊ីតក្រពះ(Reflux esophagitis)។

- អាការៈហូរឈាមនៅពេលច្រឹបយកសាច់ក្រពះទៅពិនិត្យ។

ករណីថ្នាំម្សៅប្រើនៅក្រៅរាងកាយ：

ជាទូទៅ ឱសថនេះប្រើនៅក្នុងការទប់ស្កាត់អាការៈហូរឈាម(ឃាត់ឈាម)។

ករណីថ្នាំលេប (ថ្នាំទឹក ឬ ថ្នាំម្សៅ)：

・អាការៈហូរឈាមនិងអាការៈផ្សេងៗទៀត នៅក្នុងជំងឺដំបៅក្រពះ ដំបៅគល់ពោះវៀនតូច(Duodenal ulcer) រលាកក្រពះមានដាច់រលាត់ និង ជំងឺរលាកបំពង់អាហារដោយសារការច្រាលអាស៊ីតក្រពះ(Reflux esophagitis)：

ប្រើ1ដង1～3g (ថ្នាំទឹក5%：20～60mL, ថ្នាំម្សៅ67%：1.5～4.5g), 1ថ្ងៃ3～4ដង ពិសារពេលពោះទទេ។ ករណីអ្នកជំងឺមិនអាចលេបតាមមាត់បានទេ អាចប្រើឧបករណ៍Sonde ដើម្បីបញ្ចូលតាមច្រមុះ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីថ្នាំម្សៅ ត្រូវលាយជាមួយទឹក20～60mL។

・អាការៈហូរឈាមនៅពេលច្រឹបយកសាច់ក្រពះទៅពិនិត្យ：

ប្រើ1ដង0.5～1.5g (ថ្នាំទឹក5%：10～30mL, ថ្នាំម្សៅ67%：0.75～2.25g) បញ្ចូលតាមឧបករណ៍អង់ដូស្កុប ឬ ពិសារ1ដង1.5g (ថ្នាំទឹក5%：30mL, ថ្នាំម្សៅ67%：2.25g)។ ករណីថ្នាំម្សៅ ត្រូវលាយជាមួយទឹក30mL។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំម្សៅប្រើនៅក្រៅរាងកាយ：

រោយនៅលើកន្លែងមានរបួស រួចប្រើស្បៃស្ងួត ឬ ស្បៃឬសំឡីដែលជ្រលក់ក្នុងសេរ៉ូមប្រៃ គ្របពីលើ និងសង្កត់ពីលើនោះរយៈពេលខ្លី។

ករណីប្រើជាឱសថព្យាបាលជំងឺដំបៅដោយសារអាស៊ីតឬទឹកក្រពះ：

ផលរំខានរួមមាន ទល់លាមកឬរាករូស។ល។

ករណីប្រើជាឱសថបញ្ឈប់ការហូរឈាម：

・ឱសថនេះមិនមានប្រសិទ្ធិភាពសម្លាប់មេរោគនៅមុខរបួសនោះទេ ដូច្នេះ ប្រសិនបើមុខរបួសអាចមានការឆ្លងមេរោគ ត្រូវបន្ថែមការព្យាបាលអោយបានសមស្រប។

ករណីថ្នាំលេប (ថ្នាំទឹក ឬ ថ្នាំម្សៅ)：

ឱសថនេះមានសកម្មភាពភ្ជាប់ទៅនឹងភ្នាសនៃបំពង់អាហារ ក្រពះនិងពោះវៀន ដើម្បីការពារភ្នាសទាំងនោះពីអាស៊ីតក្រពះ។ ម្យ៉ាងទៀត វាមានសកម្មភាពគ្របដណ្ដប់លើផ្នែកដែលកំពុងហូរឈាម និងជម្រុញការកកើតកំណកឈាម។

ករណីថ្នាំម្សៅប្រើនៅក្រៅរាងកាយ：

ឱសថនេះមានប្រសិទ្ធិភាពទប់ស្កាត់អាការៈហូរឈាមតាមរយៈសកម្មភាពដូចខាងក្រោម៖

- ជម្រុញការកកើតបណ្ដុំនៃសរសៃហ្វីប្រ៊ីន(Fibrin))ដែលបង្កើតជាកំណកឈាមនៅមុខរបួស

- ទប់ស្កាត់សកម្មភាពរបស់សារធាតុផ្លាស់មីន(Plasmin) ដែលជាសារធាតុមានតួនាទីរំលាយបណ្ដុំនៃសរសៃហ្វីប្រ៊ីន(Fibrin)(កំណកឈាម)

- ជម្រុញការផ្ដុំគ្នានៃប្លាកែតនិងការភ្ជាប់បណ្ដុំប្លាកែតទៅនឹងមុខរបួស

- ជម្រុញការផ្ដុំគ្នានៃគ្រាប់ឈាមក្រហមដើម្បីបង្កើតបានជាកំណកឈាមដែលរឹងមាំរួមជាមួយបណ្ដុំប្លាកែត។