Silodosin

ជាទូទៅ ឱសថនេះប្រើនៅក្នុងការកាត់បន្ថយរោគសញ្ញាពិបាកនោម ដែលកើតមាននៅក្នុងជំងឺក្រពេញប្រូស្តាតរីកធំ(Prostatomegaly)។

ថ្នាំលេប：

មនុស្សពេញវ័យ：លេប1ដង 4mg 1ថ្ងៃ2ដង ក្រោយអាហារពេលព្រឹកនិងពេលល្ងាច។ អាចបន្ថយកម្រិតប្រើប្រាស់ទៅតាមរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ស្ងួតក រាករូស លាមកទន់ ងងឹតមុខពេលក្រោកឈរ តឹងច្រមុះ វិលមុខ ឈឺក្បាល បញ្ហាបញ្ចេញទឹកកាម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បាត់បង់ស្មារតី

- រួយខ្លួន បាត់បង់ចំណង់អាហារ ស្បែកនិងភ្នែកប្រែពណ៌លឿង (មុខងារថ្លើមមានបញ្ហា ខាន់លឿង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះសម្ពាធឈាម - អាចធ្វើអោយកើតមានអាការៈងងឹតមុខពេលក្រោកឈរ។

・ឱសថប្រឆាំងមេរោគផ្សិតប្រភេទAzole(Itraconazole, Fluconazole, Miconazole ជាដើម) - អាចធ្វើអោយកំហាប់ក្នុងឈាមនៃSilodosin។

・ឱសថដែលមានសកម្មភាពទប់ស្កាត់អង់ស៊ីមPhosphodiesterase 5 (PDE 5 inhibitors) (ឱសថSildenafil citrate, Vardenafil hydrochloride hydrate ជាដើម) - អាចធ្វើអោយកើតមានរោគសញ្ញាផ្សេងៗដោយសារសម្ពាធឈាមចុះទាប។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ភាគច្រើនប្រើរួមជាមួយឱសថប្រឆាំងអរម៉ូនបុរសអង់ដ្រូជេន (Anti-androgen drugs) ដោយគេមិនប្រើឱសថនេះចំពោះអ្នកជំងឺដែលមានបញ្ហាតម្រងនោមទេ។

ឱសថនេះមានសកម្មភាពទប់ស្កាត់ការភ្ញោចគ្រឿងទទួលα1(α1 receptor)ដែលស្ថិតនៅតាមបង្ហួរនោមនិងក្រពេញប្រូស្តាត ធ្វើអោយសម្ពាធនៅក្នុងក្រពេញប្រូស្តាតថយចុះ ដើម្បីកាត់បន្ថយរោគសញ្ញាពិបាកនោម ដែលកើតមាននៅក្នុងជំងឺក្រពេញប្រូស្តាតរីកធំ(Prostatomegaly)។