Salazosulfapyridine = Sulfasalazine

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម:

      - ជំងឺរលាកពោះវៀនធំលក្ខណៈដំបៅ (Ulcerative colitis)

      - ជំងឺរលាកពោះវៀនមួយកន្លែងច្បាស់លាស់

      - ជំងឺរលាកពោះវៀនធំច្រើនកន្លែងមិនច្បាស់លាស់

      - ជំងឺរូម៉ាទីសនៅសន្លាក់(Rheumatoid arthritis)។

      ករណីថ្នាំសុលតាមទ្វារធំ:

      ជាទូទៅ ឱសថនេះប្រើនៅក្នុងការព្យាបាលជំងឺរលាកពោះវៀនធំលក្ខណៈដំបៅ (Ulcerative colitis)។

    • កម្រិតប្រើប្រាស់

      ករណីថ្នាំលេប:

      ・ករណីជំងឺរលាកពោះវៀនធំលក្ខណៈដំបៅ (Ulcerative colitis) និង ជំងឺរលាកពោះវៀនផ្សេងទៀត:

      លេប1ថ្ងៃ2~4g បែងចែកជា4~6ដងក្នុង1ថ្ងៃ។

      ទៅតាមស្ថានភាពជំងឺ អាចប្រើក្នុងកម្រិត1ថ្ងៃ8g រៀងរាល់ថ្ងៃ នៅពេលប្រើប្រាស់ដំបូង។ បន្ទាប់ពី3សប្ដាហ៍ គួរបន្ថយកម្រិតបន្តិចម្ដងៗដល់1ថ្ងៃ1.5~2g។ ករណីអ្នកជំងឺប្រើប្រាស់ឱសថស្តេរ៉ូអ៊ីតរយៈពេលយូរមកហើយនោះ ចាំបាច់ត្រូវប្រើរួមជាមួយឱសថនេះកម្រិត2g និងកាត់បន្ថយកម្រិតប្រើប្រាស់ឱសថស្តេរ៉ូអ៊ីតបន្តិចម្ដងៗ។

      ・ករណីជំងឺរូម៉ាទីសនៅសន្លាក់(Rheumatoid arthritis):

      គេប្រើឱសថនេះ ក្នុងករណីការប្រើប្រាស់ឱសថបំបាត់ការរលាកនិងឈឺចាប់មិនមានប្រសិទ្ធិភាពគ្រប់គ្រាន់។

      មនុស្សពេញវ័យ:លេប1ថ្ងៃ1g បែងចែកជា2ដងក្នុង1ថ្ងៃ ក្រោយអាហារពេលព្រឹកនិងពេលល្ងាច។

      ករណីថ្នាំសុលតាមទ្វារធំ:

      មនុស្សពេញវ័យ:ប្រើ1ដង500~1000mg, 1ថ្ងៃ2ដង សុលតាមទ្វារធំ។ ប្រើនៅក្រោយពេលបន្ទោរបង់រួចនៅពេលព្រឹក ឬ នៅមុនពេលចូលគេង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ករណីថ្នាំលេប:

      ・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទSulfonamides ឬ ឱសថប្រភេទSalicylic acid។

      ・ទារកទើបកើត ឬ ទារកកើតមិនគ្រប់ទម្ងន់។

      ករណីថ្នាំសុលតាមទ្វារធំ:

      ・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទSulfonamides ឬ ឱសថប្រភេទSalicylic acid។

      ・ទារកទើបកើត ឬ ទារកកើតមិនគ្រប់ទម្ងន់។

    • ផលរំខាន

      បាត់បង់ចំណង់អាហារ ចង់ក្អួត ក្អួត ឡើងកន្ទួលក្រហម គ្រាប់ឈាមសប្រភេទGranulocyteកើនឡើង ។ល។

    • ការប្រុងប្រយ័ត្នជាពិសេស

      ករណីជំងឺរលាកពោះវៀនធំលក្ខណៈដំបៅ (Ulcerative colitis) និង ជំងឺរលាកពោះវៀនផ្សេងៗទៀត:

      ・ប្រើចំពោះអាការៈរាករូសករណីពិសេសដូចជានៅក្នុងជំងឺរលាកពោះវៀនធំលក្ខណៈដំបៅ (Ulcerative colitis) ជំងឺរលាកពោះវៀនច្រើនកន្លែង(Crohn’s disease)ជាដើម។

      ・ច្រើនប្រើរួមជាមួយឱសថប្រភេទស្តេរ៉ូអ៊ីត ហើយការប្រើប្រាស់អាចត្រូវការរយៈពេលវែង ដូច្នេះ ត្រូវប្រុងប្រយ័ត្នចំពោះផលរំខានដែលអាចកើតឡើង។

      ករណីជំងឺរូម៉ាទីសនៅសន្លាក់(Rheumatoid arthritis):

      ・ប្រើក្នុងករណីប្រសិទ្ធិភាពនៃឱសថបំបាត់ការឈឺចាប់និងរលាកជាដើមមានលក្ខណៈមិនគ្រប់គ្រាន់។

    • សកម្មភាពឱសថ

      ឱសថនេះទទួលប្រតិកម្មពីបាក់តេរីនៅក្នុងពោះវៀនដើម្បីបំលែងទៅជាម៉ូលេគុល5-Aminosalicylic acidនិងម៉ូលេគុលSulfapyridine។ម៉ូលេគុល5-Aminosalicylic acidនឹងទៅផ្ដុំនៅក្នុងជាលិកាក្រោមភ្នាសពោះវៀនដើម្បីទប់ស្កាត់ប្រតិកម្មដែលបង្កជាអាការៈរលាក។ ម្យ៉ាងទៀត វាក៏មានសកម្មភាពទៅលើកោសិកាT (T cells)និងកោសិកាម៉ាក្រូហ្វាច (Macrophages) ដើម្បីប្រឆាំងនឹងសកម្មភាពបង្កការរលាកនៃកោសិកាទាំងនេះផងដែរ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp