Prednisolone sodium phosphate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺរលាកពោះវៀនធំលក្ខណៈដំបៅ(Ulcerative colitis)

      - ជំងឺរលាកពោះវៀនមិនរាលដាល (Regional enteritis)។

    • កម្រិតប្រើប្រាស់

      ថ្នាំចាក់បញ្ចូលតាមទ្វារធំ：

      មនុស្សពេញវ័យ：ប្រើ1ដង22mg (ត្រូវនឹងPrednisolone phosphate 20mg) ចាក់បញ្ចូលទៅក្នុងចុងពោះវៀនធំ (Rectum)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

      ・អ្នកដែលកំពុងកើតមានជំងឺឆ្លងដែលមិនមានឱសថព្យាបាលដែលមានប្រសិទ្ធិភាព ឬ កំពុងកើតមានជំងឺឆ្លងមេរោគផ្សិតនៅផ្នែកជ្រៅក្នុងរាងកាយ។

      ・អ្នកដែលមានជំងឺដំបៅក្រពះពោះវៀន។

      ・អ្នកដែលមានជំងឺផ្នែកស្មារតី។

      ・អ្នកដែលមានជំងឺប្រភេទរបេង។

      ・អ្នកដែលមានជំងឺរលាកកញ្ចក់ភ្នែកដោយសារវីរុសរើម (Herpes simplex keratitis)។

      ・អ្នកដែលមានជំងឺភ្នែកឡើងបាយប្រភេទ Posterior capsular cataract។

      ・អ្នកដែលមានជំងឹក្លូកូម (Glaucoma)។

      ・អ្នកដែលមានជំងឺលើសសម្ពាធឈាម។

      ・អ្នកដែលមានបញ្ហាកម្រិតអេឡិចត្រូឡាយក្នុងឈាម។

      ・អ្នកដែលមានជំងឺកំណកឈាម(Thrombosis)។

      ・អ្នកដែលមានរបួសដោយសារការវះកាត់សរីរាង្គក្នុងរាងកាយពេលថ្មីៗ។

      ・អ្នកដែលមានអាការៈស្ទះសរសៃឈាមក្នុងបេះដូងស្រួចស្រាវ។

    • ផលរំខាន

      រោគសញ្ញាស្រដៀងទៅនឹងអាការៈប្រតិកម្មអាណាហ្វីឡាក់ស៊ីស(Anaphylaxis)(ពិបាកដកដង្ហើម ក្រហមពេញខ្លួន កន្ទាលត្រអាក ជាដើម) ងាយកើតជំងឺឆ្លង ស្ថានភាពជំងឺឆ្លងកាន់តែមិនល្អ មុខងារAdreanal cortexនៃតម្រងនោមថយចុះ ជំងឺទឹកនោមផ្អែម ដំបៅក្រពះពោះវៀន ធ្លាយក្រពះពោះវៀន។

    • ការប្រុងប្រយ័ត្នជាពិសេស

      ・ប្រើនៅក្នុងករណីដែលការកើតមានជំងឺអាចទាក់ទងនឹងភាពខុសប្រក្រតីនៃប្រព័ន្ធភាពស៊ាំ។

    • សកម្មភាពឱសថ

      ឱសថនេះមានសកម្មភាពដូចទៅនឹងអរម៉ូនAdrenocortical hormonesនៅក្នុងរាងកាយ ដោយមានប្រសិទ្ធិភាពទប់ស្កាត់អាការៈរលាក អាការៈប្រតិកម្ម។ល។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល