Nelarabine

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម ដែលមានលក្ខណៈរើឡើងវិញឬពិបាកព្យាបាល៖

      - ជំងឺមហារីកគ្រាប់ឈាមស T cell ប្រភេទទឹករងៃលក្ខណៈស្រួចស្រាវ (T-cell acute lymphoblastic leukemia)

      - ជំងឺមហារីកកោសិកាដើម T cell នៃប្រព័ន្ធទឹករងៃ (T-cell acute lymphoblastic lymphoma)។

    • កម្រិតប្រើប្រាស់

      ថ្នាំចាក់:

      - មនុស្សពេញវ័យ:ប្រើ1ថ្ងៃ1ដង 1500mg/m2(ផ្ទៃក្រឡារាងកាយ) ដោយព្យួរសេរ៉ូមតាមសរសៃវ៉ែនរយៈពេលយ៉ាងហោចណាស់2ម៉ោង។ ប្រើក្នុងកម្រិតនេះនៅថ្ងៃទី1 ថ្ងៃទី3 និង ថ្ងៃទី5 រួចផ្អាកការប្រើប្រាស់ឱសថនេះរយៈពេល16ថ្ងៃ (1វដ្ត21ថ្ងៃ)។ អនុវត្តបែបនេះម្ដងហើយម្ដងទៀត។

      - កុមារ:ប្រើ1ថ្ងៃ1ដង 650mg/m2(ផ្ទៃក្រឡារាងកាយ) ដោយព្យួរសេរ៉ូមតាមសរសៃវ៉ែនរយៈពេលយ៉ាងហោចណាស់1ម៉ោង។ ប្រើក្នុងកម្រិតនេះរយៈពេល5ថ្ងៃជាប់គ្នា រួចផ្អាកការប្រើប្រាស់ឱសថនេះរយៈពេល16ថ្ងៃ (1វដ្ត21ថ្ងៃ)។ អនុវត្តបែបនេះម្ដងហើយម្ដងទៀត។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ផលរំខានរួមមាន រោគសញ្ញាខ្វះឈាម នឿយហត់ ងងុយគេង ចង់ក្អួត។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ងងុយគេង ស្ពឹកដៃជើង ពិបាកធ្វើចលនា (ប៉ះពាល់ប្រព័ន្ធសរសៃប្រសាទ)

      - ដកដង្ហើមដង្ហក់ វិលមុខ ហូរឈាម (ប៉ះពាល់ប្រព័ន្ធឈាម)

      - ឈឺនៅផ្នែកខាងនៃពោះ នោមលាយឈាម (រោគសញ្ញាTumor lysis syndrome)

      - ឈឺសាច់ដុំដៃជើង ស្ពឹក គ្មានកម្លាំងសាច់ដុំ (ជំងឺរលាយសាច់ដុំជាប់ឆ្អឹង(Rhabdomyolysis))

      - អស់កម្លាំងពេញខ្លួន មិនឃ្លានអាហារ ភ្នែកនិងស្បែកប្រែពណ៌លឿង (រលាកថ្លើមធ្ងន់ធ្ងរ មុខងារថ្លើមចុះខ្សោយ ខាន់លឿង)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រភេទទប់ស្កាត់អង់ស៊ីមAdenosine deaminase(ADA) ដូចជា Pentostatin ជាដើម - អាចធ្វើអោយឱសថNelarabineថយចុះប្រសិទ្ធភាព។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

      ・ស្ត្រីដែលអាចមានផ្ទៃពោះនិងអ្នកជំងឺជាបុរសដែលដៃគូគ្រួសារអាចមានផ្ទៃពោះ ត្រូវអនុវត្តការពន្យារកំណើត ក្នុងអំឡុងពេលប្រើប្រាស់ឱសថនេះនិងមួយរយៈពេលក្រោយបញ្ឈប់ការប្រើឱសថនេះ។

      ・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅដោះកូនក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

      ・ឱសថនេះអាចផ្ដល់ផលរំខានធ្ងន់ធ្ងរប៉ះពាល់ដល់ស្មារតីដឹងខ្លួនរបស់អ្នកជំងឺ និង អាចមានរោគសញ្ញាដូចជា ស្ពឹក គ្មានកម្លាំងសាច់ដុំ ជាដើម។ រោគសញ្ញាទាំងនេះអាចមិនជាសះស្បើយទាំងស្រុងទោះក្រោយពេលអ្នកជំងឺបញ្ឈប់ការប្រើឱសថនេះក៏ដោយ។

      ・ឱសថនេះអាចបង្កអាការៈងងុយគេង ដូច្នេះ ត្រូវប្រុងប្រយ័ត្ននៅពេលបើកបរឬធ្វើការងារដែលប្រើប្រាស់ម៉ាស៊ីនគ្រោះថ្នាក់។

    • សកម្មភាពឱសថ

      ឱសថនេះត្រូវបានបំលែងទៅជាម៉ូលេគុល ara-GTP ដោយអង់ស៊ីមផ្សេងៗនៅក្នុងរាងកាយ។ នៅពេលដែលមានara-GTPប្រមូលផ្ដុំច្រើននៅក្នុងកោសិកាមហារីក វានឹងជ្រាតចូលទៅក្នុងរចនាសម្ព័ន្ធនៃDNA ធ្វើអោយរាំងស្ទះដល់ដំណើរការសំយោគDNAរបស់កោសិកាមហារីក ធ្វើអោយកោសិកាទាំងនេះមិនអាចបន្តរស់រានបាន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp