Mesalazine

ករណីថ្នាំលេប：

＜ប្រភេទធម្មតា＞

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺរលាកពោះវៀនធំលក្ខណៈដំបៅ(Ulcerative colitis)(លើកលែងកម្រិតធ្ងន់ធ្ងរ)

- ជំងឺក្រូន(Crohn's disease)។

＜ប្រភេទរលាយក្នុងពោះវៀន＞

ជាទូទៅ ឱសថនេះប្រើនៅក្នុងការព្យាបាលជំងឺរលាកពោះវៀនធំលក្ខណៈដំបៅ(Ulcerative colitis)(លើកលែងកម្រិតធ្ងន់ធ្ងរ)។

ករណីថ្នាំសុលឬចាក់បញ្ចូលតាមទ្វារធំ：

ជាទូទៅ ឱសថនេះប្រើនៅក្នុងការព្យាបាលជំងឺរលាកពោះវៀនធំលក្ខណៈដំបៅ(Ulcerative colitis)(លើកលែងកម្រិតធ្ងន់ធ្ងរ)។

ករណីថ្នាំលេប：

＜ប្រភេទធម្មតា＞

・ករណីជំងឺរលាកពោះវៀនធំលក្ខណៈដំបៅ (Ulcerative colitis)：

- មនុស្សពេញវ័យ：លេប1ថ្ងៃ1500mg បែងចែកជា3ដងក្នុង1ថ្ងៃ ក្រោយបរិភោគអាហារ ប៉ុន្តែ នៅដំណាក់កាលធូរស្បើយ អាចប្រើត្រឹម1ថ្ងៃ1ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ2250mg។ នៅដំណាក់កាលអាការៈរើឡើងខ្លាំង អាចប្រើដល់កម្រិត1ថ្ងៃ4000mg បែងចែកជា2ដងក្នុង1ថ្ងៃ ។

- កុមារ：លេប1ថ្ងៃ30～60mg/kg បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាណប្រើក្នុង1ថ្ងៃគឺ2250mg។

・ករណីជំងឺក្រូន(Crohn’s disease)：

- មនុស្សពេញវ័យ：លេប1ថ្ងៃ1500～3000mg បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：លេប1ថ្ងៃ40～60mg/kg បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

＜ប្រភេទរលាយក្នុងពោះវៀន＞

មនុស្សពេញវ័យ：លេប1ថ្ងៃ2400mg បែងចែកជា3ដងក្នុង1ថ្ងៃ ក្រោយបរិភោគអាហារ ប៉ុន្តែ នៅដំណាក់កាលធូរស្បើយ អាចប្រើ1ថ្ងៃ1ដង2400mg ក្រោយបរិភោគអាហារ។ នៅដំណាក់កាលអាការៈរើឡើងខ្លាំង អាចប្រើដល់កម្រិត1ថ្ងៃ3600mg បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ករណីថ្នាំសុលឬចាក់បញ្ចូលតាមទ្វារធំ：

មនុស្សពេញវ័យ：ប្រើ1ថ្ងៃ1g សុលឬចាក់បញ្ចូលតាមទ្វារធំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាតម្រងនោមធ្ងន់ធ្ងរ។

・អ្នកដែលមានបញ្ហាថ្លើមធ្ងន់ធ្ងរ។

・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទSalicylates។

ផលរំខានរួមមាន រាករូស លាមកមានឈាម ឈឺពោះ ឡើងកន្ទួលក្រហម ទឹកនោមប្រែពណ៌។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន ពិបាកដកដង្ហើម ក្អកស្ងួត (ជំងឺសួតប្រភេទInterstitial pneumonia)

- ឈឺទ្រូង ក្ដៅខ្លួន ពិបាកដកដង្ហើម (រលាកសាច់ដុំបេះដូង រលាកស្រទាប់បេះដូង រលាកស្រទាប់ទ្រូង)

- ក្ដៅខ្លួន បរិមាណទឹកនោមថយចុះ ពិបាកដកដង្ហើម (រលាកតម្រងនោមប្រភេទInterstitial nephritis បណ្ដុំរោគសញ្ញាNephrotic syndrome មុខងារតម្រងនោមចុះខ្សោយស្រួចស្រាវ)

- អាការៈខ្វះឈាម ងាយហូរឈាម ក្ដៅខ្លួន (ជំងឺខ្វះឈាមប្រភេទ(Aplastic anemia) រោគសញ្ញានៃការថយចុះគ្រាប់ឈាមឬប្លាកែត)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (រលាកថ្លើម មុខងារថ្លើមមានបញ្ហា ខាន់លឿង)

- ឈឺផ្នែកពោះឬផ្នែកចង្កេះនិងខ្នងខ្លាំង ក្ដៅខ្លួន ចង់ក្អួត ក្អួត (រលាកលំពេង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះទឹកនោម ឱសថស្តេរ៉ូអ៊ីត - អាចធ្វើអោយលទ្ធផលនៃការពិនិត្យមួយចំនួនប្រែប្រួល(បរិមាណទឹកនោម កម្រិតសូដ្យូមឬប៉ូតាស្យុងក្នុងទឹកនោម)។

・ឱសថAzathioprine, ឱសថMercaptopurine - អាចធ្វើអោយប៉ះពាល់ដល់មុខងារខួរឆ្អឹង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ច្រើនប្រើរួមជាមួយឱសថប្រភេទស្តេរ៉ូអ៊ីត ហើយការប្រើប្រាស់អាចត្រូវការរយៈពេលវែង ដូច្នេះ ត្រូវប្រុងប្រយ័ត្នចំពោះផលរំខានដែលអាចកើតឡើង។

ឱសថនេះមានសកម្មភាពបំបាត់សារធាតុប្រភេទរ៉ាឌីកាល់សេរីដែលបញ្ចេញពីកោសិកាបង្កអាការៈរលាក ព្រមទាំងទប់ស្កាត់ការសំយោគសារធាតុឡឺកូទ្រីអេន(Leukotriene)LTB4ដែលជាសារធាតុចូលរួមនៅក្នុងការបង្កជាអាការៈរលាកឬប្រតិកម្មផ្សេងៗ។