Hydroxychloroquine sulfate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺបណ្ដាលមកពីប្រព័ន្ធភាពស៊ាំដូចខាងក្រោម ៖

      - ជំងឺអេរីតេម៉ាតូសនៅស្បែក(Cutaneous lupus erythematosus, CLE)

      - ជំងឺអេរីតេម៉ាតូសពេញរាងកាយ(Systemic lupus erythematosus, SLE)។

    • កម្រិតប្រើប្រាស់

      ថ្នាំលេប:

      លេប1ថ្ងៃ1ដង 200mgឬ400mg ដោយកំណត់ទៅតាមរូបមន្តគណនាដូចខាងក្រោម។

      - ទម្ងន់ស្តង់ដារសម្រាប់អ្នកជំងឺជាស្ត្រី (kg):(កម្ពស់គិតជាcm - 100) x 0.85

      - ទម្ងន់ស្តង់ដារសម្រាប់អ្នកជំងឺជាបុរស (kg):(កម្ពស់គិតជាcm - 100) x 0.9

      ・ករណីទម្ងន់ស្តង់ដារ 36kg~ក្រោម46kg លេបឱសថនេះក្នុងកម្រិត1ថ្ងៃ1ដង 200mg។

      ・ករណីទម្ងន់ស្តង់ដារ 46kg~ក្រោម62kg លេបឱសថនេះក្នុងកម្រិត1ថ្ងៃ1ដង 200mgនិង1ថ្ងៃ1ដង 400mg ដោយឆ្លាស់ថ្ងៃគ្នា។

      ・ករណីទម្ងន់ស្តង់ដារ 62kgឡើងទៅ លេបឱសថនេះក្នុងកម្រិត1ថ្ងៃ1ដង 400mg។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងឬធ្លាប់មានជំងឺទាក់ទងនឹងផ្នែករេទីន(Retina)ឬចំណុចពណ៌លឿង(Macula, the yellow spot)នៃភ្នែក (លើកលែងSLE retinopathy)។

      ・កុមារអាយុតិចជាង6ឆ្នាំ។

    • ផលរំខាន

      ផលរំខានរួមមាន ឈឺពោះ ឈឺក្បាល ឡើងកន្ទួលក្រហម ជំងឺរលាកស្បែកCellulitis។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ព្រិលភ្នែក មិនសូវដឹងពណ៌ ទំហំនៃគំហើញរួមតូច (ប៉ះពាល់ផ្នែករេទីននិងផ្នែកMaculaនៃភ្នែក)

      - ពងទឹកលើស្បែក ឡើងកន្ទួលលើស្បែក ដំបៅលើស្បែក (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN) ជាដើម)

      - ក្ដៅខ្លួន រងាញាក់ ជំងឺឆ្លង (ប៉ះពាល់ប្រព័ន្ធផលិតឈាមនៃខួរឆ្អឹង)

      - កម្លាំងសាច់ដុំធ្លាក់ចុះ អស់កម្លាំង (ជំងឺទាក់ទងនឹងសាច់ដុំ)

      - អស់កម្លាំង អារម្មណ៍ឃ្លានខ្លាំង បែកញើស (រោគសញ្ញានៃកម្រិតជាតិស្ករក្នុងឈាមធ្លាក់ចុះ)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថDigoxin - អាចធ្វើអោយកំហាប់ក្នុងឈាមនៃDigoxinកើនឡើង។

      ・ឱសថព្យាបាលជំងឺទឹកនោមផ្អែម ថ្នាំចាក់អាំងស៊ុយលីន - អាចធ្វើអោយសកម្មភាពបញ្ចុះជាតិស្ករក្នុងឈាមកាន់តែខ្លាំង។

      ・ឱសថAmiodarone, Moxifloxacin - អាចប៉ះពាល់ដល់ចង្វាក់បេះដូង។

      ・ឱសថCiclosporin - អាចធ្វើអោយកំហាប់ក្នុងឈាមនៃCiclosporinកើនឡើង។

      ・ឱសថព្យាបាលជំងឺគ្រុនចាញ់(Mefloquineជាដើម) - អាចធ្វើអោយមានអាការៈកន្ត្រាក់សាច់ដុំឬប្រកាច់។

      ・ឱសថព្យាបាលជំងឺប្រកាច់ - អាចធ្វើអោយប្រសិទ្ធិភាពនៃឱសថទាំងនេះថយចុះ។

      ・ឱសថPraziquantel - អាចធ្វើអោយកំហាប់ក្នុងឈាមនៃPraziquantelថយចុះ។

      ・ឱសថAgalsidase - អាចធ្វើអោយសកម្មភាពនៃα-galactosidaseថយចុះ។

      ・ឱសថTamoxifen, Vigabatrin - អាចធ្វើអោយផលប៉ះពាល់ទៅលើភ្នែកងាយកើតឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

      ・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・នៅក្នុងការប្រើឱសថនេះ ត្រូវប្រុងប្រយ័ត្នជាពិសេសចំពោះការកើតឡើងនៃផលប៉ះពាល់ធ្ងន់ធ្ងរទៅលើភ្នែករបស់អ្នកជំងឺ។

      ・ឱសថនេះអាចផ្ដល់ផលរំខានធ្វើអោយភ្នែកស្រវាំងឬវិលមុខដោយសារជាតិស្ករក្នុងឈាមធ្លាក់ចុះ ដូច្នេះ អ្នកជំងឺគួរប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

      ・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើប្រាស់ឱសថនេះ។

    • សកម្មភាពឱសថ

      ឱសថនេះមានសកម្មភាពដោយជ្រៀតចូលទៅក្នុងលីសូសូម(Lysosome)នៃកោសិកា ធ្វើអោយpHនៅក្នុងកោសិកាប្រែប្រួល ដើម្បីបង្អាក់សកម្មភាពនៃប្រតិកម្មផ្សេងៗនៅក្នុងលីសូសូម។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp