Heparinoid

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - អាការៈរលាកសរសៃវ៉ែនដោយសារកំណកឈាម (Thrombophlebitis)

      - អាការៈឈឺចាប់ និង ជំងឺប្រភេទរលាកមួយចំនួន ដែលបណ្ដាលមកពីចរន្តឈាមរត់មានបញ្ហា (អាការៈរឹងនិងឈឺចាប់ក្រោយពេលចាក់ថ្នាំ)

      - រលាកស្បែកដោយសារធាតុត្រជាក់(Frostbite)

      - ព្យាបាលនិងបង្កាកុំអោយស្នាមរបួសឡើងក្រាស់ឬផ្លែ

      - ជំងឺគ្រើមបាតដៃ (Keratodermia tylodes palmaris progressiva, KTPP)

      - ជំងឺខ្វះសារធាតុខ្លាញ់លើស្បែក(Asteatosis)

      - អាការៈហើម ដក់ឈាម រលាកសរសៃកែង ឈឺសាច់ដុំ រលាកសន្លាក់ ក្រោយរងរបួសដោយការប៉ះទង្គិច(ដំណំ គ្រេច ថ្លោះ)

      - អាការៈវៀចកដោយសារបញ្ហាសាច់ដុំដែលកើតចំពោះទារក។

    • កម្រិតប្រើប្រាស់

      ថ្នាំលាបលើស្បែក (0.3%)：

      ជាទូទៅ ប្រើ1ថ្ងៃ1～ច្រើនដង លាបដោយផ្ទាល់ឬលាបលើស្បៃជាដើមរួចគ្របពីលើកន្លែងដែលមានអាការៈ។

    • ហាមប្រើ

      ・អ្នកដែលមានជំងឺទាក់ទងនឹងប្រព័ន្ធឈាមលក្ខណៈមានអាការៈហូរឈាម (ជំងឺឈាមក្រកក(Hemophilia) ជំងឺថយចុះចំនួនប្លាកែត(Thrombocytopenia) ជំងឺមានស្នាមជាំស្វាយលើស្បែក(Purpura) ជាដើម)។

      ・អ្នកដែលអាចនឹងទទួលលទ្ធផលមិនល្អធ្ងន់ធ្ងរ ប្រសិនបើមានការហូរឈាមតែបន្តិចបន្តួចក៏ដោយ។

    • ផលរំខាន

      ផលរំខានរួមមាន ឡើងកន្ទួលក្រហម ស្នាមក្រហមលើស្បែក រមាស់ស្បែក រលាកស្បែក ក្រហាយស្បែក ស្នាមជាំស្វាយ ។ល។

    • ការប្រុងប្រយ័ត្នជាពិសេស

      ・គួរចៀសវាងប្រើឱសថនេះនៅលើស្បែកដែលរលាត់ មានដំបៅ ឬ របួស ឬ នៅលើភ្នាសសើមដូចជាភ្នែកជាដើម។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - ទប់ស្កាត់ការបំលែងពីProthrombinទៅជាThrombin ក៏ដូចជាទប់ស្កាត់ការកកើតកំណកឈាម

      - ជម្រុញការកើនឡើងនៃចរន្តឈាមរត់ និង ប្រព័ន្ធទឹករងៃ

      - ទប់ស្កាត់ការភ្ជាប់នៃសារធាតុហ្វីប្រីន(Fibrin)ទៅនឹងជាលិកា ធ្វើអោយបំបាត់អាការៈរលាកនៅសន្លាក់ឬសរសៃកែងជាដើម

      - បន្ថែមជាតិទឹកដល់កោសិកាស្រទាប់លើនៃស្បែក

      - ទប់ស្កាត់ការកើនឡើងនៃកោសិកាដែលបង្កជាការក្រិនស្បែក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល