Goserelin acetate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺភ្នាសក្នុងស្បូន (Endometriosis)

- ជំងឺមហារីកក្រពេញប្រូស្តាត

- ជំងឺមហារីកសុដន់មុនអស់រដូវ

ថ្នាំចាក់：

・ករណីប្រើចំពោះជំងឺភ្នាសក្នុងស្បូន (Endometriosis):

មនុស្សពេញវ័យ ប្រើក្នុងកម្រិត1ដង1.8mg ដោយចាក់ក្រោមស្បែកនៅផ្នែកខាងមុខនៃពោះ រៀងរាល់4សប្ដាហ៍(28ថ្ងៃ)។ ការចាក់លើកដំបូងចាំបាច់ត្រូវធ្វើឡើងនៅក្នុងអំឡុងពេលកំពុងមករដូវ។

・ករណីប្រើចំពោះជំងឺមហារីកក្រពេញប្រូស្តាត និង ជំងឺមហារីកសុដន់មុនអស់រដូវ:

មនុស្សពេញវ័យ ប្រើក្នុងកម្រិត1ដង3.6mg ដោយចាក់ក្រោមស្បែកនៅផ្នែកខាងមុខនៃពោះ រៀងរាល់4សប្ដាហ៍(28ថ្ងៃ)។ ឬ ប្រើក្នុងកម្រិត1ដង10.8mg ដោយចាក់ក្រោមស្បែកនៅផ្នែកខាងមុខនៃពោះ រៀងរាល់12～13សប្ដាហ៍(សម្រាប់ឱសថប្រភេទបញ្ចេញសារធាតុសកម្មយឺតៗ(LA))។

ករណីព្យាបាលជំងឺភ្នាសក្នុងស្បូន (Endometriosis)

・អ្នកដែលមានរោគសញ្ញាហូរឈាមខុសប្រក្រតីពីប្រដាប់ភេទដោយមិនទាន់ដឹងពីមូលហេតុច្បាស់លាស់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・ស្ត្រីបំបៅដោះកូន។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទភ្ញោចLH-RH។

ករណីព្យាបាលជំងឺមហារីកក្រពេញប្រូស្តាត និង ជំងឺមហារីកសុដន់មុនអស់រដូវ

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・ស្ត្រីបំបៅដោះកូន។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទភ្ញោចLH-RH។

・ករណីប្រើចំពោះជំងឺភ្នាសក្នុងស្បូន (Endometriosis):

ផលរំខានរួមមាន អារម្មណ៍ក្ដៅច្រាលឡើង ចុកស្មា ឈឺក្បាល ហូរឈាមពីប្រដាប់ភេទ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម កន្ទាលត្រអាក បែកញើស (រោគប្រតិកម្មអាណាហ្វីឡាក់ស៊ីស(Anaphylaxis))

- មិនឃ្លានអាហារ អស់កម្លាំងពេញខ្លួន ភ្នែកនិងស្បែកប្រែពណ៌លឿង (ប៉ះពាល់មុខងារថ្លើម ខាន់លឿង)

- អាការៈថប់ផ្នែកខាងមុខនៃទ្រូងខ្លាំងនិងភ្លាមៗ អាការៈស្ពឹកដៃជើងនិងមុខមួយចំហៀង ពិបាកដកដង្ហើម (ជំងឺស្ទះដោយសារកំណកឈាម(Thromboembolism))។

・ករណីប្រើចំពោះជំងឺមហារីកក្រពេញប្រូស្តាត និង ជំងឺមហារីកសុដន់មុនអស់រដូវ:

ផលរំខានរួមមាន សម្ពាធឈាមប្រែប្រួល កន្ទួលក្រហមឬរមាស់ស្បែក ហើមនិងឈឺដោះ ចំណង់ផ្លូវភេទថយចុះ អសមត្ថភាពផ្លូវភេទ រោគសញ្ញាខ្វះឈាម ហើម បែកញើស អារម្មណ៍ក្ដៅច្រាលក្នុងខ្លួន មិនឃ្លានអាហារ កើនទម្ងន់ អស់កម្លាំង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រោគសញ្ញាផ្សេងៗនៃជំងឺមហារីកក្រពេញប្រូស្តាតកាន់តែមិនល្អ ដូចជា ឈឺឆ្អឹង ស្ទះផ្លូវនោម ពិបាកនោម មានការសង្កត់ទៅលើឆ្អឹងកងជាដើម

- ពិបាកដកដង្ហើម កន្ទាលត្រអាក បែកញើស (រោគប្រតិកម្មអាណាហ្វីឡាក់ស៊ីស(Anaphylaxis))

- ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទ

Interstitial pneumonia)

- មិនឃ្លានអាហារ អស់កម្លាំងពេញខ្លួន ភ្នែកនិងស្បែកប្រែពណ៌លឿង (ប៉ះពាល់មុខងារថ្លើម ខាន់លឿង)

- ស្រេកទឹកខ្លាំង នោមញឹក ឃ្លានខ្លាំង (ជំងឺទឹកនោមផ្អែម)

- រោគសញ្ញានៃមុខងារបេះដូងចុះខ្សោយ

- អាការៈថប់ផ្នែកខាងមុខនៃទ្រូងខ្លាំងនិងភ្លាមៗ អាការៈស្ពឹកដៃជើងនិងមុខមួយចំហៀង ពិបាកដកដង្ហើម (ជំងឺស្ទះដោយសារកំណកឈាម(Thromboembolism))

- រោគសញ្ញានៃកម្រិតកាល់ស្យូមក្នុងឈាមកើនឡើងខ្ពស់។

・ស្ត្រីមានផ្ទៃពោះនិងស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ។ មុននឹងចាប់ផ្ដើមប្រើឱសថនេះ ស្ត្រីគួរទទួលការពិនិត្យដើម្បីបញ្ជាក់ថាមិនកំពុងមានផ្ទៃពោះនោះទេ។ ម្យ៉ាងទៀត ក្នុងអំឡុងពេលប្រើប្រាស់ឱសថនេះ ស្ត្រីត្រូវធ្វើការពន្យារកំណើតតាមវិធីក្រៅអំពីការប្រើឱសថប្រភេទអរម៉ូន។

・ស្ត្រីបំបៅដោះកូន មិនត្រូវប្រើប្រាស់ឱសថនេះទេ។

・ករណីប្រើឱសថនេះនៅក្នុងការព្យាបាលជំងឺភ្នាសក្នុងស្បូន ត្រូវបញ្ជាក់ថាស្ត្រីមិនកំពុងមានផ្ទៃពោះទេមុននឹងប្រើឱសថនេះ ហើយត្រូវចាប់ផ្ដើមប្រើនៅក្នុងអំឡុងពេលនៃការមករដូវ។ ម្យ៉ាងទៀត ក្នុងអំឡុងពេលប្រើឱសថនេះ ត្រូវអនុវត្តវិធីពន្យារកំណើតក្រៅពីការប្រើឱសថប្រភេទអរម៉ូន។

・ការប្រើឱសថនេះរយៈពេល6ខែអាចធ្វើអោយសារធាតុអំបិលនៅក្នុងឆ្អឹងថយចុះ ដូច្នេះ វេជ្ជបណ្ឌិតត្រូវពិចារណាអោយបានម៉ត់ចត់មុននឹងសម្រេចចិត្តអោយអ្នកជំងឺប្រើឱសថនេះរយៈពេលវែងលើសពី6ខែ។ ម្យ៉ាងទៀត អ្នកជំងឺគួរអនុវត្តការហាត់ប្រាណនិងបរិភោគអាហារដែលសម្បូរជាតិកាល់ស្យូម ដើម្បីបង្ការការថយចុះនៃសារធាតុនៅក្នុងឆ្អឹង។

・គេអាចប្រើឱសថស្ពឹកនៅកន្លែងត្រូវចាក់ដើម្បីកាត់បន្ថយការឈឺចាប់នៅពេលចាក់ថ្នាំ។

ឱសថនេះមានសកម្មភាពភ្ញោចគ្រឿងទទួលLH-RH (LH-RH receptors)ដែលស្ថិតនៅក្រពេញPituitary។ នៅពេលប្រើដំបូង ឱសថនេះនឹងភ្ញោចគ្រឿងទទួលធ្វើអោយការបញ្ចេញអរម៉ូនGonadotropinមានការកើនឡើង ប៉ុន្តែ នៅពេលដែលការភ្ញោចនេះបន្តកើតឡើង គ្រឿងទទួលទាំងនោះនឹងថយចុះចំនួន(Down regulation) ហើយការបញ្ចេញអរម៉ូនGonadotropinក៏មានការធ្លាក់ចុះទៅវិញ។ ម្យ៉ាងទៀត ក៏មានការរកឃើញថាឱសថនេះក៏មានសកម្មភាពទប់ស្កាត់ការផលិតអរម៉ូនអេស្ត្រូជេន(Astrogen)ដោយផ្ទាល់ផងដែរ។