Fosfomycin sodium

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺរលាកទងសួតស្រួចស្រាវ ជំងឺរលាកសួត ជំងឺខ្ទុះក្នុងសួត(Pulmonary abscess) ជំងឺខ្ទុះក្នុងទ្រូង ជំងឺឆ្លងមេរោគបណ្ដាលមកពីជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកស្រោមពោះ ជំងឺរលាកក្រពេញបាល់តូលីន(Bartholinitis) ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន។

ករណីថ្នាំប្រើក្នុងត្រចៀក：

ជាទូទៅ ឱសថនេះប្រើនៅក្នុងការព្យាបាលជំងឺរលាកផ្នែកខាងក្រៅនៃត្រចៀក ជំងឺរលាកផ្នែកកណ្ដាលនៃត្រចៀក។

ករណីថ្នាំចាក់：

・ករណីព្យួរសេរ៉ូមតាមសរសៃវ៉ែន：

- មនុស្សពេញវ័យ：ប្រើ 1ថ្ងៃ 2～4g បែងចែកជា2ដងក្នុង1ថ្ងៃ ដោយលាយឱសថនៅក្នុងសូលុយស្យុងសេរ៉ូម100～500mL រួចព្យួរសេរ៉ូមនោះតាមសរសៃវ៉ែនរយៈពេល1～2ម៉ោង។

- កុមារ：ប្រើ 1ថ្ងៃ 100～200mg/kg បែងចែកជា2ដងក្នុង1ថ្ងៃ។ ដោយលាយឱសថនៅក្នុងសូលុយស្យុងសេរ៉ូម100～500mL រួចព្យួរសេរ៉ូមនោះតាមសរសៃវ៉ែនរយៈពេល1～2ម៉ោង។

・ករណីចាក់តាមសរសៃវ៉ែន：

- មនុស្សពេញវ័យ：ប្រើ1ថ្ងៃ2～4g បែងចែកជា2～4ដងក្នុង1ថ្ងៃ ចាក់ចូលសរសៃវ៉ែនយឺតៗដោយប្រើរយៈពេលយ៉ាងហោចណាស់5នាទី។ ប្រើដោយលាយឱសថនៅក្នុងទឹកសម្រាប់លាយថ្នាំចាក់ឬសូលុយស្យុងគ្លុយកូស20mLសម្រាប់ឱសថ1～2g។

- កុមារ：ប្រើ1ថ្ងៃ100～200mg/kg បែងចែកជា2～4ដងក្នុង1ថ្ងៃ ចាក់ចូលសរសៃវ៉ែនយឺតៗដោយប្រើរយៈពេលយ៉ាងហោចណាស់5នាទី។ ប្រើដោយលាយឱសថនៅក្នុងទឹកសម្រាប់លាយថ្នាំចាក់ឬសូលុយស្យុងគ្លុយកូស20mLសម្រាប់ឱសថ1～2g។

ករណីថ្នាំប្រើក្នុងត្រចៀក(3%)：

លាយឱសថ30mgនៅក្នុងសូលុយស្យុងដែលភ្ជាប់មកជាមួយឱសថចំណុះ1mL រួចបន្តក់10តំណក់(ប្រមាណ0.5mL)ទៅក្នុងត្រចៀក 1ថ្ងៃ2ដង។ ករណីពិបាកព្យាបាលឬរោគសញ្ញាធ្ងន់ធ្ងរ អាចប្រើ1ថ្ងៃ4ដង។ ក្រោយបន្តក់ ត្រូវរក្សាឥរិយាបថដដែលរយៈពេលប្រហែល10នាទី។

ករណីថ្នាំចាក់：

・ អ្នកដែលធ្លាប់កើតមានរោគប្រតិកម្មជាមួយនឹងឱសថFosfomycin។

・អ្នកដែលស្ថិតក្នុងស្ថានភាពខ្សោះជាតិទឹកលក្ខណៈអ៊ីប៉ូតូនិក (Hypotonic dehydration) (ចំពោះករណីដែលមានសូលុយស្យុងគ្លុយកូស5%ភ្ជាប់មកជាមួយដើម្បីលាយតែប៉ុណ្ណោះ)។

ករណីថ្នាំប្រើក្នុងត្រចៀក：

・ អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។