Flurbiprofen

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

・បំបាត់អាការៈរលាកនិងឈឺចាប់នៅក្នុងជំងឺដូចជា： ជំងឺរូម៉ាទីសនៅសន្លាក់(Rheumatoid arthritis) អាការៈឈឺសន្លាក់ឬរលាកសន្លាក់ ជំងឺឈឺចង្កេះ ជំងឺរលាកផ្នែកDental pulpនៃធ្មេញ(Pulpitis) ជំងឺរលាកភ្នាសនៃគល់ធ្មេញ(Periodontitis)។

- បំបាត់អាការៈរលាកនិងឈឺចាប់នៅក្រោយពេលដកធ្មេញឬការវះកាត់ខ្នាតតូចទាក់ទងនឹងធ្មេញ។

ករណីថ្នាំបិទ：

ជាទូទៅ ឱសថនេះប្រើនៅក្នុងការបំបាត់អាការៈរលាកនិងឈឺចាប់ នៅក្នុងជំងឺដូចជា：ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺរលាកសរសៃសាច់ដុំឬសរសៃកែងឬជុំវិញនោះ ជំងឺរលាកឆ្អឹងដើមដៃ(Humeral epicondylitis ដូចជាជំងឺTennis Elbowជាដើម) អាការៈឈឺសាច់ដុំ អាការៈឈឺចាប់និងហើមដោយសាររបួស។

ករណីថ្នាំលេប：

មនុស្សពេញវ័យ：លេប1ដង 40mg (ថ្នាំម្សៅ8%ត្រូវនឹង0.5g), 1ថ្ងៃ3ដង ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រើពេលមានអាការៈ លេប1ដង40～80mg(ថ្នាំម្សៅ8%ត្រូវនឹង0.5～1g)។

ករណីថ្នាំបិទ：

ប្រើ1ថ្ងៃ2ដង បិទនៅលើកន្លែងដែលមានបញ្ហា។

ករណីថ្នាំលេប：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺដំបៅក្រពះឬពោះវៀន។

・អ្នកដែលមានជំងឺទាក់ទងនឹងឈាមធ្ងន់ធ្ងរ។

・អ្នកដែលមានជំងឺថ្លើមធ្ងន់ធ្ងរ។

・អ្នកដែលមានជំងឺតម្រងនោមធ្ងន់ធ្ងរ។

・អ្នកដែលមានមុខងារបេះដូងចុះខ្សោយធ្ងន់ធ្ងរ។

・អ្នកដែលមានជំងឺលើសសម្ពាធឈាមធ្ងន់ធ្ងរ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

・ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ។

・អ្នកដែលកំពុងប្រើប្រាស់ឱសថEnoxacin, Lomefloxacin, Norfloxacin, Prulifloxacin។

ករណីថ្នាំបិទ：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

ករណីថ្នាំលេប：

ផលរំខានរួមមាន អារម្មណ៍មិនស្រួលក្នុងក្រពះ បាត់បង់ចំណង់អាហារ ចង់ក្អួត ឡើងកន្ទួលក្រហម រមាស់ ឈឺក្បាល ហើម។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ ពិបាកដកដង្ហើម កន្ទាលត្រអាក (រោគប្រតិកម្មធ្ងន់ធ្ងរ)

- បរិមាណទឹកនោមថយចុះ ហើម (មុខងារតម្រងនោមចុះខ្សោយ ជំងឺតម្រងនោមNephrotic syndrome)

- ឈឺពោះ ក្អួតឈាម លាមកមានឈាម (ហូរឈាមក្នុងក្រពះឬពោះវៀន)។

- ក្ដៅខ្លួនខ្លាំង ភ្នែកក្រហម ស្នាមក្រហមនិងពងទឹកលើស្បែក (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndromeឬStevens-Johnson syndrome) ជំងឺស្លាប់កោសិកាស្បែក(TEN))

- ពិបាកដកដង្ហើម ដកដង្ហើមលឺៗ (អាការៈហឺត)។

ករណីថ្នាំបិទ：

ផលរំខានរួមមាន រមាស់ ឡើងកន្ទួលក្រហម។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទាលត្រអាក ពិបាកដកដង្ហើម បែកញើសទាំងត្រជាក់ (រោគប្រតិកម្មធ្ងន់ធ្ងរ)

- ពិបាកដកដង្ហើម ដកដង្ហើមលឺសម្លេងខ្លាំងៗ (អាការៈហឺត)។

ករណីថ្នាំលេប：

・ឱសថEnoxacin, Lomefloxacin, Norfloxacin, Prulifloxacin - អាចធ្វើអោយកើតមានអាការៈសាច់ដុំកន្ត្រាក់ឬប្រកាច់។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងបាក់តេរីប្រភេទNew quinolone (Ofloxacinជាដើម) - អាចធ្វើអោយកើតមានអាការៈសាច់ដុំកន្ត្រាក់ឬប្រកាច់។

・ឱសថប្រឆាំងកំណកឈាមWarfarin - អាចធ្វើអោយហានិភ័យនៃការហូរឈាមកើនឡើង។

・ឱសថMethotrexate - អាចធ្វើអោយសកម្មភាពនៃMethotrexaកើនឡើង។

・ឱសថLithium carbonate - អាចធ្វើអោយកំហាប់ក្នុងឈាមនៃLithiumកើនឡើង។

・ឱសថបញ្ចុះទឹកនោម(Hydrochlorothiazide, Furosemideជាដើម) - អាចធ្វើអោយសកម្មភាពនៃឱសថទាំងនេះថយចុះ។

・ឱសថស្តេរ៉ូអ៊ីត(Methylprednisoloneជាដើម) - អាចធ្វើអោយផលប៉ះពាល់ដល់ក្រពះឬពោះវៀនកើនឡើង ដូចជា ដំបៅឬការហូរឈាម។

・ឱសថដែលទប់ស្កាត់សកម្មភាពអង់ស៊ីមCYP2C9 (Voriconazole, Fluconazoleជាដើម) - អាចធ្វើអោយកំហាប់ក្នុងឈាមនៃFlurbiprofenកើនឡើង។

ករណីថ្នាំលេប：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេស ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំបិទ：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេស ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ មិនគួរប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

ករណីថ្នាំលេប：

・គួរចៀសវាងប្រើឱសថនេះទាំងពោះទទេ ហើយគួរពិសាទឹកអោយបានច្រើន ព្រោះឱសថនេះអាចជាប់នៅបំពង់អាហារធ្វើអោយកើតជាដំបៅនៅបំពង់អាហារ។ ជាពិសេស គួរចៀសវាងពិសាឱសថនេះនៅមុនពេលចូលគេង។

ករណីថ្នាំបិទ：

・គួរចៀសវាងប្រើឱសថនេះនៅលើមុខរបួសឬស្បែកដែលមានឡើងកន្ទួលក្រហម។ល។

ឱសថនេះមានប្រសិទ្ធិភាពទប់ស្កាត់សកម្មភាពនៃអង់ស៊ីមCyclooxygenase(COX)ដើម្បីបង្អាក់ដំណើរការសំយោគសារធាតុProstaglandinដែលជាសារធាតុបង្កអោយមានអាការៈរលាក ឈឺចាប់ ឬ ក្ដៅខ្លួន។