Elotuzumab

ជាទូទៅ ឱសថនេះប្រើនៅក្នុងការព្យាបាលជំងឺមហារីកខួរឆ្អឹងប្រភេទMultiple Myeloma ដែលរើឡើងវិញ ឬ លក្ខណៈពិបាកព្យាបាល។

ថ្នាំចាក់：

・ករណីប្រើរួមជាមួយឱសថLenalidomide និង ឱសថDexamethasone:

មនុស្សពេញវ័យ ប្រើក្នុងកម្រិត1ដង 10mg/kg ដោយព្យួរសេរ៉ូមតាមសរសៃវ៉ែន។ រយៈពេលសម្រាប់1វដ្ដនៃការប្រើឱសថនេះគឺ28ថ្ងៃ ដោយនៅ2វដ្ដដំបូង ត្រូវទុកគម្លាតរវាងការប្រើម្ដងៗរយៈពេល1សប្ដាហ៍(4ដងក្នុង1វដ្ដគឺប្រើនៅថ្ងៃទី1 ទី8 ទី15 និង ទី22)។ ចាប់ពីវដ្ដទី3ទៅ ត្រូវទុកគម្លាតរវាងការប្រើម្ដងៗរយៈពេល2សប្ដាហ៍(2ដងក្នុង1វដ្ដគឺប្រើនៅថ្ងៃទី1 និង ទី15) ដោយព្យួរសេរ៉ូមតាមសរសៃវ៉ែន។

・ករណីប្រើរួមជាមួយឱសថPomalidomide និង ឱសថDexamethasone:

មនុស្សពេញវ័យ រយៈពេលសម្រាប់1វដ្ដនៃការប្រើឱសថនេះគឺ28ថ្ងៃ។ នៅ2វដ្ដដំបូង ប្រើក្នុងកម្រិត1ដង 10mg/kg ដោយត្រូវទុកគម្លាតរវាងការប្រើម្ដងៗរយៈពេល1សប្ដាហ៍(4ដងក្នុង1វដ្ដគឺប្រើនៅថ្ងៃទី1 ទី8 ទី15 និង ទី22) ដោយព្យួរសេរ៉ូមតាមសរសៃវ៉ែន។ ចាប់ពីវដ្ដទី3ទៅ ប្រើក្នុងកម្រិត1ដង 20mg/kg ដោយត្រូវទុកគម្លាតរវាងការប្រើម្ដងៗរយៈពេល4សប្ដាហ៍(1ដងក្នុង1វដ្ដ) ដោយព្យួរសេរ៉ូមតាមសរសៃវ៉ែន។

・អ្នកដែលធ្លាប់មានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះ ឬ ស្ត្រីដែលអាចនឹងកំពុងមានផ្ទៃពោះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកសរីរាង្គផលិតគ្រាប់ឈាម។