Dopamine hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈនៃចរន្តឈាមចុះខ្សោយលក្ខណៈស្រួចស្រាវ (អាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock) អាការៈប្រតិកម្មធ្ងន់ធ្ងរដោយសារការហូរឈាម(Hemorrhagic shock))

- រោគសញ្ញានៃចរន្តឈាមចុះខ្សោយលក្ខណៈស្រួចស្រាវ នៅក្នុងស្ថានភាពដូចជា៖

1. គ្មានទឹកនោម ឬ ខ្សត់ទឹកនោម ឬ ឱសថបញ្ចុះទឹកនោមគ្មានប្រសិទ្ធិភាព

2. ជីពចរកើនឡើង

3. ទទួលផលរំខានពីឱសថបង្កើនសកម្មភាពបេះដូងឬឱសថបង្កើនសម្ពាធឈាមផ្សេងទៀត ឬក៏ មិនអាចទទួលបានប្រសិទ្ធិភាពល្អប្រសើរគ្រប់គ្រាន់ពីឱសថទាំងនេះ។

ថ្នាំចាក់：

ប្រើក្នុងកម្រិត1～5μg/kg/នាទី ដោយបញ្ចូលតាមសរសៃវ៉ែនជាប់ឥតដាច់។ អាចបង្កើនកម្រិតដល់20μg/kg/នាទី ទៅតាមស្ថានភាពរបស់អ្នកជំងឺ។ អាចបង្កើនឬបន្ថយកម្រិតប្រើប្រាស់ទៅតាមសម្ពាធឈាម ចំនួនជីពចរ និង បរិមាណទឹកនោមរបស់អ្នកជំងឺ។

・អ្នកដែលមានជំងឺមហារីកPheochromocytoma។

ផលរំខានរួមមាន ចង្វាក់បេះដូងខុសប្រក្រតី ត្រជាក់ដៃជើង ក្អួតចង្អោរ បេះដូងលោតញាប់ ចង់ក្អួត ហើមពោះ ឈឺពោះ រលាកសរសៃវ៉ែន ប្រតិកម្មនៅកន្លែងចាក់ថ្នាំ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្អួតចង្អោរ ឈឺពោះខ្លាំង មិនបត់ជើងធំ (ស្ទះពោះវៀនលក្ខណៈស្ពឹក(Paralytic ileus))

- ត្រជាក់ដៃជើង ទឹកមុខស្លេកស្លាំង ស្ពឹក (ខ្វះចរន្តឈាមទៅដល់អវៈយវៈ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទPhenothiazine (Prochlorperazine ជាដើម), ឱសថប្រភេទButyrophenone(Droperidol ជាដើម) - អាចធ្វើអោយប្រសិទ្ធិភាពបង្កើនចរន្តឈាមនៅតម្រងនោមជាដើមនៃDopamine hydrochlorideថយចុះ។

・ឱសថប្រភេទMAO inhibitor - អាចធ្វើអោយសកម្មភាពនៃDopamine hydrochlorideកើនឡើងនិងអូសបន្លាយ។

・ថ្នាំស្ពឹកប្រភេទFlurane(Halothane ជាដើម) - អាចធ្វើអោយប៉ះពាល់ដល់ចង្វាក់បេះដូង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・មិនត្រូវលាយជាមួយSodium Bicarbonateនោះទេ។

・ជាឱសថក្នុងជម្រើសទីមួយសម្រាប់ការព្យាបាលអាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock) ដោយគេប្រើឱសថនេះនៅពេលចង់បង្កើនសម្ពាធឈាមនិងបង្កើនបរិមាណទឹកនោម។

・ដោយសារសកម្មភាពឱសថមានរយៈពេលខ្លីគឺ1～2នាទី ដូច្នេះ ត្រូវប្រើការព្យួរសេរ៉ូមដើម្បីបញ្ចូលឱសថ។

ការជ្រើសរើសរវាងឱសថ Dopamine hydrochlorideនិងឱសថDobutamine hydrochloride គឺ គេប្រើDopamine hydrochlorideនៅពេលការបង្កើនសម្ពាធឈាមជាការសំខាន់ និង ប្រើDobutamine hydrochlorideនៅពេលសម្ពាធឈាមមិនមានបញ្ហា ប៉ុន្តែអ្នកជំងឺមានអាការៈខ្សោយបេះដូងនិងជីពចរដើរលឿន។

ឱសថនេះជាសារធាតុដូប៉ាមីន(Dopamine)ដែលជាសារធាតុមានពីធម្មជាតិនៅក្នុងរាងកាយ ដោយវាមានសកម្មភាពបង្កើនការកន្ត្រាក់នៃសាច់ដុំបេះដូង បង្កើនចរន្តឈាមនៅក្នុងតម្រងនោម(ជាលទ្ធផល បង្កើនបរិមាណទឹកនោម) បង្កើនចរន្តឈាមនៅក្នុងពោះវៀន បង្កើនសម្ពាធឈាម ធ្វើអោយស្ថានភាពចរន្តឈាមចុះខ្សោយនៅក្នុងរាងកាយល្អប្រសើរឡើងវិញ។