Diclofenac sodium

ករណីថ្នាំលេប：

＜ប្រភេទរយៈពេលសកម្មភាពធម្មតា＞

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

・បំបាត់អាការៈរលាកនិងឈឺចាប់ នៅក្នុងជំងឺដូចជា：ជំងឺរូម៉ាទីសនៅសន្លាក់(Rheumatoid arthritis) ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺទ្រង់ទ្រាយឆ្អឹងកងប្រែប្រួល(Spondylosis deformans) ជំងឺឈឺចង្កេះ ជំងឺរលាកសរសៃកែង(Tendovaginitis) បណ្ដុំរោគសញ្ញាកស្មានិងដៃ(Cervico-omo-brachial syndrome) អាការៈឈឺចាប់តាមសរសៃប្រសាទ ឈឺចាប់ក្រោយសម្រាលកូន អាការៈរលាកក្នុងអាងត្រគាក ឈឺចាប់ពេលមករដូវ រលាកប្លោកនោម រលាកផ្នែកខាងមុខនៃភ្នែក ឈឺធ្មេញ។

・បំបាត់អាការៈរលាកនិងឈឺចាប់នៅក្រោយពេលវះកាត់ឬដកធ្មេញ

・បំបាត់អាការៈក្ដៅខ្លួននិងឈឺចាប់ដែលកើតមាននៅក្នុងជំងឺរលាកផ្លូវដង្ហើមផ្នែកខាងលើលក្ខណៈស្រួចស្រាវ (រួមទាំងជំងឺរលាកទងសួតស្រួចស្រាវ)។

＜ប្រភេទបន្តសកម្មភាពរយៈពេលវែង (SR)＞

ជាទូទៅ ឱសថនេះប្រើនៅក្នុងការបំបាត់អាការៈរលាកនៅក្នុងជំងឺដូចជា：ជំងឺរូម៉ាទីសនៅសន្លាក់(Rheumatoid arthritis) ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺឈឺចង្កេះ ជំងឺរលាកជុំវិញសន្លាក់ស្មា បណ្ដុំរោគសញ្ញាកស្មានិងដៃ(Cervico-omo-brachial syndrome)។

ករណីថ្នាំសុលតាមទ្វារធំ និង ថ្នាំបញ្ចូលក្នុងពោះវៀនធំ：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បំបាត់អាការៈឈឺចាប់និងរលាកនៅក្នុងជំងឺដូចជា：ជំងឺរូម៉ាទីសនៅសន្លាក់(Rheumatoid arthritis) ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺឈឺចង្កេះ ឈឺក្រោយពេលសម្រាលកូន។

- បំបាត់អាការៈឈឺចាប់និងរលាកនៅក្រោយពេលវះកាត់។

- បញ្ចុះកម្ដៅបន្ទាន់នៅក្នុងជំងឺរលាកផ្លូវដង្ហើមផ្នែកខាងលើ ក្នុងករណីថ្នាំបញ្ចុះកម្ដៅផ្សេងទៀតមិនមានប្រសិទ្ធិភាពឬករណីមិនអាចប្រើថ្នាំបញ្ចុះកម្ដៅផ្សេងទៀតដោយសារមូលហេតុណាមួយ។

ករណីថ្នាំលាប និង ថ្នាំបិទ：

ជាទូទៅ ឱសថនេះប្រើនៅក្នុងការបំបាត់អាការៈរលាកនិងឈឺចាប់ នៅក្នុងជំងឺដូចជា：ជំងឺរូម៉ាទីសនៅសន្លាក់(Rheumatoid arthritis) ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) រលាកសរសៃសាច់ដុំឬសរសៃកែង រលាកជុំវិញសរសៃសាច់ដុំ ជំងឺរលាកឆ្អឹងដើមដៃ(Humeral epicondylitis ដូចជាជំងឺTennis Elbowជាដើម) អាការៈឈឺសរសៃសាច់ដុំ អាការៈឈឺចាប់និងហើមដោយសាររបួស។ល។

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការទប់ស្កាត់អាការៈរលាកនៅក្រោយពេលវះកាត់ភ្នែកឡើងបាយ និង ទប់ស្កាត់រោគសញ្ញាផ្សេងៗដែលអាចកើតឡើងក្នុងពេលវះកាត់ឬក្រោយពេលវះកាត់ភ្នែកឡើងបាយ។

ករណីថ្នាំលេប：

＜ប្រភេទរយៈពេលសកម្មភាពធម្មតា＞

・ករណីប្រើនៅក្នុងការបំបាត់អាការៈក្ដៅខ្លួននិងឈឺចាប់ដែលកើតមាននៅក្នុងជំងឺរលាកផ្លូវដង្ហើមផ្នែកខាងលើលក្ខណៈស្រួចស្រាវ (រួមទាំងជំងឺរលាកទងសួតស្រួចស្រាវ)។

មនុស្សពេញវ័យ：លេប1ដង 25～50mg នៅពេលមានអាការៈ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ ជាទូទៅ អាចប្រើត្រឹមតែ2ដងក្នុង1ថ្ងៃ ដោយកម្រិតអតិបរមាប្រើក្នុង1ថ្ងៃគឺ100mg។ គួរចៀសវាងប្រើនៅពេលពោះទទេ។

・ករណីប្រើនៅក្នុងការបំបាត់អាការៈរលាកនិងឈឺចាប់ក្រៅពីករណីខាងលើ：

មនុស្សពេញវ័យ：លេប1ថ្ងៃ 75～100mg ដោយបែងចែកជា3ដងក្នុង1ថ្ងៃ។ ករណីប្រើនៅពេលមានអាការៈ លេប1ដង25～50mg។ គួរចៀសវាងប្រើនៅពេលពោះទទេ។

＜ប្រភេទបន្តសកម្មភាពរយៈពេលវែង (SR)＞

មនុស្សពេញវ័យ：លេប1ដង 37.5mg, 1ថ្ងៃ2ដង ក្រោយបរិភោគអាហារ។

ករណីថ្នាំសុលតាមទ្វារធំ：

- មនុស្សពេញវ័យ：ប្រើ1ដង 25～50mg, 1ថ្ងៃ1～2ដង។ ចំពោះមនុស្សចាស់ ត្រូវប្រើពីកម្រិតទាបទៅ។

- កុមារ：ប្រើ1ដង 0.5～1mg/kg, 1ថ្ងៃ1～2ដង ដោយត្រូវប្រើពីកម្រិតទាបទៅ។ ជាទូទៅ កំណត់កម្រិតប្រើប្រាស់ទៅតាមអាយុដូចខាងក្រោម៖

+អាយុ1～ក្រោម3ឆ្នាំ：6.25mg/ដង

+អាយុ3～ក្រោម6ឆ្នាំ：6.25～12.5mg/ដង

+អាយុ6～ក្រោម9ឆ្នាំ：12.5mg/ដង

+អាយុ9～ក្រោម12ឆ្នាំ：12.5～25mg/ដង។

ករណីថ្នាំបញ្ចូលក្នុងពោះវៀនធំ：

មនុស្សពេញវ័យ：ប្រើ1ដង 25～50mg, 1ថ្ងៃ1～2ដង។ ចំពោះមនុស្សចាស់ ត្រូវប្រើពីកម្រិតទាបទៅ។

ករណីថ្នាំលាប(1%)：

ប្រើ1ថ្ងៃច្រើនដង លាបនិងឈ្លីនៅលើកន្លែងដែលមានបញ្ហា។

ករណីថ្នាំបិទ：

បិទនៅលើកន្លែងដែលមានបញ្ហា1ថ្ងៃ1ដង។

ករណីថ្នាំបន្តក់ភ្នែក(0.1%)：

នៅមុនពេលវះកាត់ភ្នែក ប្រើ4ដង (3ម៉ោងមុន 2ម៉ោងមុន 1ម៉ោងមុន 30នាទីមុន)។ ក្រោយពេលវះកាត់ភ្នែក ប្រើ1ថ្ងៃ3ដង។ បន្តក់ក្នុងភ្នែក1ដង1តំណក់។

ករណីថ្នាំលេប និង ថ្នាំសុលតាមទ្វារធំ：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺដំបៅក្រពះឬពោះវៀន។

・អ្នកដែលមានជំងឺទាក់ទងនឹងឈាមធ្ងន់ធ្ងរ។

・អ្នកដែលមានជំងឺថ្លើមធ្ងន់ធ្ងរ។

・អ្នកដែលមានជំងឺតម្រងនោមធ្ងន់ធ្ងរ។

・អ្នកដែលមានមុខងារបេះដូងចុះខ្សោយធ្ងន់ធ្ងរ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

・អ្នកដែលមានជំងឺលើសសម្ពាធឈាមធ្ងន់ធ្ងរ។

・អ្នកដែលមានជំងឺផ្ដាសាយធំ ស្របពេលនឹងមានជំងឺរលាកឬហើមខួរក្បាល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើប្រាស់ឱសថTriamterene។

・អ្នកដែលមានជំងឺរលាកឬហូរឈាមនៅចុងពោះវៀនធំ(Rectum) ឬ មានជំងឺឬសដូងបាត។ (ករណីថ្នាំសុលប៉ុណ្ណោះ)

ករណីថ្នាំលាប និង ថ្នាំបិទ：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

ករណីថ្នាំបន្តក់ភ្នែក：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំលេប និង ថ្នាំសុលតាមទ្វារធំ：

ផលរំខានរួមមាន បាត់បង់ចំណង់អាហារ ក្អួតចង្អោរ ឈឺក្រពះ ឈឺពោះ រាករូសឬទល់លាមក វិលមុខ ងងុយគេង ស្រវាំងភ្នែក ដំបៅក្នុងមាត់ ហើម ឡើងកន្ទួលក្រហម។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ ពិបាកដកដង្ហើម កន្ទាលត្រអាក រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema) បាត់បង់ស្មារតី (រោគប្រតិកម្មធ្ងន់ធ្ងរ)

- ចង់ក្អួត ឈឺក្រពះ ឈឺពោះ ក្អួតឈាម លាមកពណ៌ខ្មៅ (ដំបៅក្រពះឬពោះវៀនមានហូរឈាម ស្ទះពោះវៀន ជាដើម)

- ក្តៅខ្លួន ឡើងកន្ទួលក្រហមនិងពងទឹកលើស្បែកនិងភ្នាសផ្សេងៗ ភ្នែកក្រហម រលាត់ក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndromeឬStevens-Johnson syndrome) ជំងឺស្លាប់កោសិកាស្បែក(TEN))

- បរិមាណទឹកនោមថយចុះ ហើម ឈឺក្បាល (មុខងារតម្រងនោមចុះខ្សោយ ជំងឺតម្រងនោមNephrotic syndrome)

- ពិបាកដកដង្ហើម ដកដង្ហើមលឺៗនិងខ្លីៗ (អាការហឺតធ្ងន់ធ្ងរ)។

ករណីថ្នាំលាប និង ថ្នាំបិទ：

ផលរំខានរួមមាន ឡើងកន្ទួលក្រហម រមាស់ ក្រហាយ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទាលត្រអាក ពិបាកដកដង្ហើម ហើមមុខ អណ្ដាតនិងបំពង់ក (រោគប្រតិកម្មធ្ងន់ធ្ងរ)

- ឡើងកន្ទួលក្រហម ហើម ពងទឹកលើស្បែក (រលាកស្បែក)។

ករណីថ្នាំលេប និង ថ្នាំសុលតាមទ្វារធំ：

・ឱសថTriamterene - អាចធ្វើអោយប៉ះពាល់ដល់មុខងារតម្រងនោម។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទទួលប្រតិកម្មពីCYP2C9 (Voriconazoleជាដើម) - អាចធ្វើអោយកំហាប់ក្នុងឈាមនៃDiclofenacកើនឡើង។

・ឱសថប្រឆាំងបាក់តេរីប្រភេទNew quinolone (Enoxacin ជាដើម) - អាចធ្វើអោយកើតមានអាការៈប្រកាច់។ ករណីបែបនោះ គួរប្រើឱសថDiazepamបញ្ចូលតាមសរសៃវ៉ែនជាដើម។

・ឱសថLithium, Digoxin, Methotrexate - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

・ឱសថAspirin ឱសថប្រភេទNSAIDs ឱសថស្តេរ៉ូអ៊ីត - អាចធ្វើអោយផលរំខានប៉ះពាល់ដល់ប្រព័ន្ធរំលាយអាហារកើនឡើង។

・ឱសថបញ្ចុះសម្ពាធឈាមប្រភេទBeta blockers, ACE inhibitors, ARB - អាចធ្វើអោយប្រសិទ្ធិភាពបញ្ចុះសម្ពាធឈាមថយចុះ។

・ឱសថបញ្ចុះទឹកនោម(Hydrochlorothiazide, Furosemide, Spironolactone, Eplerenone) - អាចធ្វើអោយសកម្មភាពនៃឱសថទាំងនេះថយចុះ។

・ឱសថប្រឆាំងកំណកឈាម(Warfarin, Reviparin, Clopidogrel, Enoxaparinជាដើម) - អាចធ្វើអោយហានិភ័យនៃការហូរឈាមកើនឡើង។

・ឱសថCiclosporin - អាចធ្វើអោយផលរំខាននៃCiclosporinប៉ះពាល់ដល់តម្រងនោមកើនឡើង។

・ឱសថDrospirenone/Ethinylestradiol - អាចធ្វើអោយកម្រិតប៉ូតាស្យូមក្នុងឈាមកើនឡើង។

・ឱសថColestyramine - អាចធ្វើអោយការស្រូបសារធាតុDiclofenacថយចុះ ដូច្នេះ ត្រូវទុកគម្លាតពីគ្នាប្រហែល4ម៉ោងរវាងការប្រើឱសថទាំងពីរនេះ។

・ឱសថប្រភេទSSRI (Fluvoxamine, Paroxetine) - អាចធ្វើអោយមានការហូរឈាមនៅក្នុងក្រពះឬពោះវៀន។

ករណីថ្នាំលាប និង ថ្នាំបិទ：

・ឱសថប្រឆាំងបាក់តេរីប្រភេទNew quinolone (Enoxacin ជាដើម) - អាចធ្វើអោយកើតមានអាការៈប្រកាច់។ ករណីបែបនោះ គួរប្រើឱសថDiazepamបញ្ចូលតាមសរសៃវ៉ែនជាដើម។

ករណីថ្នាំលេប និង ថ្នាំសុលតាមទ្វារធំ：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃធ្ងន់ធ្ងរ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលាប និង ថ្នាំបិទ：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះគួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេស ស្ត្រីមានផ្ទៃពោះដែលស្ថិតនៅក្នុងរយៈពេលចុងក្រោយនៃការមានផ្ទៃពោះ មិនគួរប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

ករណីថ្នាំលេប：

・គួរចៀសវាងប្រើឱសថនេះទាំងពោះទទេ ហើយគួរពិសាទឹកអោយបានច្រើន ព្រោះឱសថនេះអាចជាប់នៅបំពង់អាហារធ្វើអោយកើតជាដំបៅនៅបំពង់អាហារ។ ជាពិសេស គួរចៀសវាងពិសាឱសថនេះនៅមុនពេលចូលគេង។

・ឱសថនេះអាចផ្ដល់ផលរំខានដូចជា ងងុយគេង ឬ ភ្នែកស្រវាំង វិលមុខ ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

ករណីថ្នាំសុលតាមទ្វារធំ：：

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះការចុះកម្ដៅក្នុងខ្លួនហួសហេតុ។

・ឱសថនេះអាចផ្ដល់ផលរំខានដូចជា ងងុយគេង ឬ ភ្នែកស្រវាំង វិលមុខ ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

ឱសថនេះមានប្រសិទ្ធិភាពទប់ស្កាត់សកម្មភាពនៃអង់ស៊ីមCyclooxygenase(COX)ដើម្បីបង្អាក់ដំណើរការសំយោគសារធាតុProstaglandinដែលជាសារធាតុបង្កអោយមានអាការៈរលាក ឈឺចាប់ ឬ ក្ដៅខ្លួន។