Danazol

ជាទូទៅ ឱសថនេះប្រើនៅក្នុងការព្យាបាលជំងឺភ្នាសក្នុងស្បូន (Endometriosis) និង ជំងឺក្រពេញទឹកដោះ (Mastopathy)។

ថ្នាំលេប：

・ជំងឺភ្នាសក្នុងស្បូន (Endometriosis)：

មនុស្សពេញវ័យ：លេប1ថ្ងៃ200～400mg ដោយបែងចែកជា2ដងក្នុង1ថ្ងៃ។ ចាប់ផ្ដើមលេបពីចន្លោះថ្ងៃទី2～5នៃវដ្តរដូវ និង បន្តលេបរយៈពេលប្រហែល4ខែជាប់ៗគ្នា។ អាចបង្កើនកម្រិតប្រើប្រាស់ទៅតាមរោគសញ្ញា។

・ជំងឺក្រពេញទឹកដោះ (Mastopathy)：

មនុស្សពេញវ័យ：លេប1ថ្ងៃ200mg ដោយបែងចែកជា2ដងក្នុង1ថ្ងៃ។ ចាប់ផ្ដើមលេបពីចន្លោះថ្ងៃទី2～5នៃវដ្តរដូវ និង បន្តលេបរយៈពេលប្រហែល4～6ខែជាប់ៗគ្នា។

・អ្នកដែលធ្លាប់មានជំងឺកំណកឈាម(Thrombosis)។

・អ្នកដែលមានការថយចុះឬកង្វះសារធាតុដែលមានតួនាទីនៅក្នុងការគ្រប់គ្រងកំណកឈាមនៅក្នុងរាងកាយ(សារធាតុAntithrombin Ⅲ, Protein C, Protein S ជាដើម)។

・អ្នកដែលមានជំងឺថ្លើមឬបញ្ហាថ្លើមធ្ងន់ធ្ងរ។

・អ្នកដែលមានជំងឺបេះដូងឬជំងឺតម្រងនោមធ្ងន់ធ្ងរ។

・អ្នកដែលមានជំងឺប៉ូហ្វីរីន(Porphyria)។

・អ្នកដេលមានជំងឺមហារីកទាក់ទងនឹងអរម៉ូនបុរសអាន់ដ្រូជេន(Androgen)។

・អ្នកដែលកំពុងមានអាការៈធ្លាក់ឈាមនៅប្រដាប់ភេទខុសប្រក្រតីដែលមិនទាន់ដឹងអំពីមូលហេតុពិតប្រាកដ។

・ស្ត្រីមានផ្ទៃពោះ ស្ត្រីដែលអាចនឹងកំពុងមានផ្ទៃពោះ ឬ ស្ត្រីបំបៅដោះកូន។

ផលរំខានរួមមាន ឈឺក្បាល ភ្នែកមើលមិនសូវច្បាល់ឬបែងភាគ ភ្នែកនិងស្បែកប្រែពណ៌លឿង ក្អួតចង្អោរ សម្លេងស្អក មុនលើស្បែក ស្បែកឡើងប្រេង ឡើងកន្ទួលក្រហម ស្បែកងាយប្រតិកម្មទៅនឹងពន្លឺព្រះអាទិត្យ ហើម ចុកស្មា កើនទម្ងន់ ធ្លាក់ឈាម ដុះរោមច្រើន។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ហើម ឈឺនិងស្ពឹកជើង ដង្ហក់ ឈឺទ្រូង ឈឺក្បាល មើលមិនសូវច្បាស់ភ្លាមៗ អណ្ដាតរឹង (ជំងឺកំណកឈាម(Thrombosis))។

- អស់កម្លាំង បាត់បង់ចំណង់អាហារ ចង់ក្អួត ភ្នែកនិងស្បែកប្រែពណ៌លឿង (រលាកថ្លើម)

- បាត់បង់ចំណង់អាហារ កើនទម្ងន់ ហើមពោះ មានដុំនៅផ្នែកចុងដង្ហើម (មហារីកថ្លើម)

- ឈឺទ្រូង ពិបាកដកដង្ហើម បែកញើសទាំងត្រជាក់ (ជំងឺស្ទះសរសៃឈាមក្នុងបេះដូង)

- ក្ដៅខ្លួន ក្អកស្ងួត ពិបាកដកដង្ហើម (រលាកសួតប្រភេទInterstitial pneumonia)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថWarfarin - អាចធ្វើអោយហានិភ័យនៃការហូរឈាមកើនឡើង។

・ឱសថCarbamazepine - អាចធ្វើអោយសកម្មភាពនៃCarbamazepineកើនឡើង។

・ឱសថCiclosporin - អាចធ្វើអោយសកម្មភាពនៃCiclosporinកើនឡើង។

・ឱសថTacrolimus - អាចធ្វើអោយសកម្មភាពនៃTacrolimusកើនឡើង។

・ថ្នាំចាក់អាំងស៊ុយលីន - អាចធ្វើអោយកម្រិតជាតិស្ករក្នុងឈាមកើនឡើងខ្ពស់។

・ឱសថAlfacalcidol - អាចធ្វើអោយកម្រិតកាល់ស្យូមក្នុងឈាមកើនឡើង។

・ឱសថSimvastatin, ឱសថAtorvastatin - អាចធ្វើអោយកើតមានជំងឺទាក់ទងនឹងសាច់ដុំ ឬ ជំងឺរលាយសាច់ដុំ(Rhabdomyolysis)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ ព្រោះការប្រើឱសថនេះនៅពេលមានផ្ទៃពោះ អាចធ្វើអោយទារកភេទស្រីប្រែជាមានលក្ខណៈដូចភេទប្រុស។

・ស្ត្រីបំបៅដោះកូន មិនត្រូវប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខានធ្វើអោយកើតមានជំងឺកំណកឈាម(Thrombosis) ព្រោះវាអាចបណ្ដាលអោយមានគ្រោះថ្នាក់ធ្ងន់ធ្ងរដល់អ្នកជំងឺ។ រោគសញ្ញានៃជំងឺនេះ រួមមាន ឈឺនិងហើមនៅជើង អាការៈដង្ហក់ ឈឺទ្រូង ឈឺក្បាលខ្លាំង ស្ពឹកឬគ្មានកម្លាំងនៅដៃនិងជើង ពិបាកនិយាយ ភ្នែកមើលមិនច្បាស់។ល។

・មុននឹងចាប់ផ្ដើមប្រើប្រាស់ឱសថនេះ ស្ត្រីត្រូវពិនិត្យដើម្បីបញ្ជាក់ថាខ្លួនមិនកំពុងមានផ្ទៃពោះនោះទេ ម្យ៉ាងទៀត ត្រូវចាប់ផ្ដើមប្រើឱសថនេះនៅថ្ងៃទី2~ថ្ងៃទី5នៃការមករដូវ ដោយត្រូវប្រើវិធីពន្យារកំណើតក្រៅអំពីថ្នាំអរម៉ូន នៅក្នុងអំឡុងពេលប្រើប្រាស់ឱសថនេះ។ ការប្រើឱសថនេះនៅពេលមានផ្ទៃពោះ អាចធ្វើអោយទារកភេទស្រីប្រែជាមានលក្ខណៈដូចភេទប្រុស។

ឱសថនេះមានសកម្មភាពដូចខាងក្រោម ៖

- ទប់ស្កាត់ការបញ្ចេញអរម៉ូនភ្ញោចក្រពេញភេទ(Gonadotropin)ពីក្រពេញPituitary glandនៅក្នុងខួរក្បាល

- កម្ចាត់ជាលិកានៃភ្នាសក្នុងស្បូនដែលកកើតខុសប្រក្រតី ដោយទប់ស្កាត់ដំណើរការផលិតDNAនៃកោសិកាទាំងនោះ

- បង្អាក់សកម្មភាពនៃអង់ស៊ីមដែលមានតួនាទីនៅក្នុងការផលិតអរម៉ូនស្តេរ៉ូអ៊ីតនៅក្នុងក្រពេញអូវែរ។