D-chlorpheniramine maleate

ករណីថ្នាំលេប：

<ប្រភេទរយៈពេលសកម្មភាពធម្មតា>
ជាទូទៅ ឱសថនេះប្រើនៅក្នុងការព្យាបាលអាការៈកន្ទាលត្រអាក អាការៈហើមដោយសារចលនាសរសៃឈាម ជំងឺHay fever អាការៈរមាស់នៅក្នុងជំងឺស្បែកផ្សេងៗ ជំងឺរលាកច្រមុះលក្ខណៈប្រតិកម្ម ជំងឺរលាកច្រមុះទាក់ទងនឹងចលនាសរសៃឈាម(Vasomotor rhinitis) អាការៈកណ្ដាស់ ហូរសម្បោរ ក្អកនៅក្នុងជំងឺរលាកផ្លូវដង្ហើមផ្នែកខាងលើដូចជាផ្ដាសាយជាដើម។

<ប្រភេទរយៈពេលសកម្មភាពវែង(TR)>
ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖
- អាការៈកណ្ដាស់ ហូរសម្បោរ ក្អកនៅក្នុងជំងឺរលាកផ្លូវដង្ហើមផ្នែកខាងលើដូចជាផ្ដាសាយជាដើម ជំងឺរលាកច្រមុះលក្ខណៈប្រតិកម្ម ជំងឺរលាកច្រមុះទាក់ទងនឹងចលនាសរសៃឈាម(Vasomotor rhinitis) ជំងឺHay fever
- អាការៈកន្ទាលត្រអាក អាការៈរមាស់នៅក្នុងជំងឺស្បែកផ្សេងៗ ។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលអាការៈកន្ទាលត្រអាក ជំងឺHay fever អាការៈរមាស់នៅក្នុងជំងឺស្បែកផ្សេងៗ ជំងឺរលាកច្រមុះលក្ខណៈប្រតិកម្ម ជំងឺរលាកច្រមុះទាក់ទងនឹងចលនាសរសៃឈាម(Vasomotor rhinitis)។

ករណីថ្នាំលេប：

<ប្រភេទរយៈពេលសកម្មភាពធម្មតា>
មនុស្សពេញវ័យ：លេប1ដង2mg 1ថ្ងៃ1～4ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

<ប្រភេទរយៈពេលសកម្មភាពវែង(TR)>
មនុស្សពេញវ័យ：លេប1ដង6mg 1ថ្ងៃ2ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ：ប្រើ1ថ្ងៃ1ដង5～10mg ចាក់ក្រោមស្បែក ឬ ក្នុងសាច់ដុំ ឬចាក់តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថដែលស្រដៀងនឹងឱសថនេះ។

・អ្នកដែលមានជំងឺក្លូកូមប្រភេទបិទ(Angle-closure glaucoma)។

・អ្នកដែលមានជំងឺស្ទះនៅផ្លូវតម្រងនោមផ្នែកខាងក្រោម ដូចជា ជំងឺក្រពេញប្រូស្តាតរីកធំ។ល។

・ទារកកើតមិនគ្រប់ទម្ងន់ ឬ ទារកទើបកើត។

ផលរំខានរួមមាន ងងុយគេង ឡើងកន្ទួលក្រហម នោមញឹក ពិបាកនោម ឈឺក្បាល ស្រៀវ ឈឺក្បាល អារម្មណ៍ក្ដៅ ភ្នែកមើលឃើញបែងភាគ ស្ងួតក ក្រហាយទ្រូង ស្បែកងាយប្រតិកម្មទៅនឹងពន្លឺព្រះអាទិត្យ សម្ពាធឈាមធ្លាក់ចុះ ជីពចរដើរលឿន។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ងាយហូរឈាមតាមច្រមុះ តាមអញ្ចាញធ្មេញ ក្ដៅខ្លួន ឈឺបំពង់ក (ជំងឺខ្វះឈាមAplastic anemia ជំងឺAgranulocytosis)។

- សម្បុរខៀវស្វាយ ពិបាកដកដង្ហើម ពិបាកក្នុងទ្រូង (Shock)។

- សាច់ដុំកន្ត្រាក់ ពិបាកផ្ដោតអារម្មណ៍ មិនស្គាល់ទីកន្លែងឬពេលវេលា (ជំងឺកន្ត្រាក់សាច់ដុំ វង្វេងស្មារតី)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទប់ស្កាត់សកម្មភាពប្រព័ន្ធប្រសាទ(ថ្នាំប្រភេទBarbiturate, ថ្នាំស្ពឹក, ថ្នាំបំបាត់ឈឺចាប់លក្ខណៈស្ពឹក, ថ្នាំរំងាប់អារម្មណ៍ ថ្នាំងងុយគេង ជាដើម), គ្រឿងស្រវឹង - អាចធ្វើអោយសកម្មភាពនៃឱសថទាំងសងខាងកើនឡើង បង្កជាផលរំខានផ្សេងៗ។

・ឱសថដែលមានសកម្មភាពប្រឆាំងសារធាតុកូលីន(Anticholinergic effect) (ឱសថImipramine hydrochloride, ឱសថScopolamine butylbromide ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

・ឱសថទប់ស្កាត់សកម្មភាពអង់ស៊ីមMAO (Selegiline ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

・ឱសថDroxidopa, ឱសថNoradrenaline - អាចធ្វើអោយសម្ពាធឈាមកើនឡើងខ្ពស់ខុសប្រក្រតី។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ឱសថនេះអាចផ្ដល់ផលរំខានដូចជាងងុយគេង ដូច្នេះ គួរចៀសវាងការបើកបរឬការបញ្ជាម៉ាស៊ីនដែលមានគ្រោះថ្នាក់ ក្នុងអំឡុងពេលប្រើប្រាស់ឱសថនេះ។ ជាពិសេស គួរចៀសវាងពិសាគ្រឿងស្រវឹង។

ឱសថនេះមានប្រសិទ្ធិភាពជាចម្បងគឺបង្អាក់ដំណើរការនៃការភ្ជាប់សារធាតុហ៊ីស្តាមីន(Histamine)ទៅនឹងគ្រឿងទទួលរបស់វា(H1 receptor)។