Cyproheptadine hydrochloride hydrate

ជាទូទៅ ឱសថនេះប្រើនៅក្នុងការព្យាបាលអាការៈរមាស់នៅក្នុងជំងឺស្បែកផ្សេងៗ អាការៈកន្ទាលត្រអាក អាការៈហើមដោយសារចលនាសរសៃឈាម ជំងឺHay fever ជំងឺរលាកច្រមុះលក្ខណៈប្រតិកម្ម ជំងឺរលាកច្រមុះទាក់ទងនឹងចលនាសរសៃឈាម(Vasomotor rhinitis) អាការៈកណ្ដាស់ ហូរសម្បោរ ក្អកនៅក្នុងជំងឺរលាកផ្លូវដង្ហើមផ្នែកខាងលើដូចជាផ្ដាសាយជាដើម។

ថ្នាំលេប：

- មនុស្សពេញវ័យ：លេប1ដង 4mg(ថ្នាំទឹក0.04%ត្រូវនឹង10mL) 1ថ្ងៃ1～3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：កម្រិតប្រើប្រាស់ទៅតាមរូបមន្តAugsberger គឺ៖

+ អាយុ2～3ឆ្នាំ：ពិសាថ្នាំទឹក0.04%1ដង3mL 1ថ្ងៃ1～3ដង។

+ អាយុ4～6ឆ្នាំ：ពិសាថ្នាំទឹក0.04%1ដង4mL 1ថ្ងៃ1～3ដង។

+ អាយុ7～9ឆ្នាំ：ពិសាថ្នាំទឹក0.04%1ដង5mL 1ថ្ងៃ1～3ដង។

+ អាយុ10～12ឆ្នាំ：ពិសាថ្នាំទឹក0.04%1ដង6.5mL 1ថ្ងៃ1～3ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺក្លូកូមប្រភេទបិទ(Angle-closure glaucoma)។

・អ្នកដែលមានជំងឺដំបៅក្រពះលក្ខណៈក្រពះរួមតូច។

・អ្នកដែលមានអាការៈស្ទះនៅច្រកចេញពីក្រពះឬគល់ពោះវៀនតូច។

・អ្នកដែលមានជំងឺស្ទះនៅផ្លូវតម្រងនោមផ្នែកខាងក្រោម ដូចជា ជំងឺក្រពេញប្រូស្តាតរីកធំ។ល។

・អ្នកដែលកំពុងមានអាការៈហឹត។

・ទារកទើបកើត ឬ ទារកដែលកើតមិនគ្រប់ទម្ងន់។

・មនុស្សចាស់ជរាទន់ខ្សោយ។

ផលរំខានរួមមាន ងងុយគេង អស់កម្លាំង ស្ងួតក នោមញឹក។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកផ្ដោតអារម្មណ៍គិត មិនស្គាល់ទីកន្លែងឬពេលវេលា រវើរវាយឃើញរូបភាពឬលឺសម្លេងអ្វីដែលមិនមានពិត (វង្វេងស្មារតី)

- សាច់ដុំកន្ត្រាក់ឬប្រកាច់

- ក្ដៅខ្លួនខ្លាំង រងាញាក់ ឈឺបំពង់ក (ជំងឺAgranulocytosis)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទប់ស្កាត់សកម្មភាពប្រព័ន្ធប្រសាទ(ថ្នាំប្រភេទBarbiturate, ថ្នាំស្ពឹក, ថ្នាំបំបាត់ឈឺចាប់លក្ខណៈស្ពឹក, ថ្នាំរំងាប់អារម្មណ៍ ថ្នាំងងុយគេង ជាដើម), គ្រឿងស្រវឹង, ឱសថទប់ស្កាត់សកម្មភាពអង់ស៊ីមMAO (Selegiline ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

・ឱសថដែលមានសកម្មភាពប្រឆាំងសារធាតុអាសេទីលកូលីន(Anticholinergic effect) (ឱសថប្រភេទPhenothiazine, ឱសថImipramine hydrochloride, ឱសថScopolamine butylbromide ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

・ឱសថប្រភេទSSRI - អាចធ្វើអោយសកម្មភាពនៃឱសថទាំងនេះថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចផ្ដល់ផលរំខានដូចជាងងុយគេងឬអស់កម្លាំង ដូច្នេះ គួរចៀសវាងការបើកបរឬការបញ្ជាម៉ាស៊ីនដែលមានគ្រោះថ្នាក់ ក្នុងអំឡុងពេលប្រើប្រាស់ឱសថនេះ។ ជាពិសេស គួរចៀសវាងពិសាគ្រឿងស្រវឹង។

・ឱសថនេះក៏មានសកម្មភាពបំបាត់អាការៈចង់ក្អួតផងដែរ ដូច្នេះ វាអាចធ្វើអោយមិនដឹងអំពីជំងឺដែលជាមូលហេតុដើមនៃអាការៈចង់ក្អួតរបស់។ ដូចនេះ ត្រូវតាមដានស្ថានភាពរោគសញ្ញាអោយបានដិតដល់។

ឱសថនេះមានប្រសិទ្ធិភាពបង្អាក់ដំណើរការនៃការភ្ជាប់សារធាតុហ៊ីស្តាមីន(Histamine)ទៅនឹងគ្រឿងទទួលរបស់វា(H1 receptor) ព្រមទាំងមានប្រសិទ្ធិភាពបង្អាក់ដំណើរការនៃការភ្ជាប់សារធាតុសេរ៉ូតូនីន(Serotonin)ទៅនឹងគ្រឿងទទួលរបស់សារធាតុនេះផងដែរ។