Clindamycin Phosphate

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺរលាកបំពង់កនិងបំពង់សម្លេង ជំងឺរលាកក្រពេញអាមីដាល់ ជំងឺរលាកទងសួតស្រួចស្រាវ ជំងឺរលាកសួត ជំងឺឆ្លងមេរោគបណ្ដាលមកពីជំងឺផ្លូវដង្ហើមរ៉ាំរ៉ៃ ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកឆ្អឹងសងខាងច្រមុះ(Sinusitis) ជំងឺរលាកភ្នាសក្នុងនៃស្បែក(Cellulitis)នៅជុំវិញឆ្អឹងចង្កា ជំងឺរលាកចង្កា។

ឱសថនេះ មិនមានប្រសិទ្ធិភាពចំពោះជំងឺបង្កដោយមេរោគផ្សិតឬវីរុសនោះទេ។

ករណីថ្នាំលាប：

ជាទូទៅ ឱសថនេះប្រើនៅក្នុងការព្យាបាលមុនខ្ទុះលើស្បែក។

ករណីថ្នាំចាក់：

・ករណីព្យួរសេរ៉ូមតាមសរសៃវ៉ែន：

- មនុស្សពេញវ័យ：ប្រើ 1ថ្ងៃ 600～1200mg បែងចែកជា2～4ដងក្នុង1ថ្ងៃ ព្យួរសេរ៉ូមតាមសរសៃវ៉ែន។ ករណីពិបាកព្យាបាលឬរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ2400mg បែងចែកជា2～4ដងក្នុង1ថ្ងៃ។

- កុមារ：ប្រើ 1ថ្ងៃ 15～25mg/kg បែងចែកជា3～4ដងក្នុង1ថ្ងៃ ព្យួរសេរ៉ូមតាមសរសៃវ៉ែន។ ករណីពិបាកព្យាបាលឬរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ40mg/kg បែងចែកជា3～4ដងក្នុង1ថ្ងៃ។

ករណីព្យួរសេរ៉ូមតាមសរសៃវ៉ែន ត្រូវលាយឱសថនេះជាមួយសូលុយស្យុងគ្លុយកូស5% សេរ៉ូមប្រៃ ឬ សូលុយស្យុងអាស៊ីតអាមីនេ បរិមាណ100～250mLសម្រាប់ឱសថនេះ300～600mg និង ព្យួរសេរ៉ូមតាមសរសៃវ៉ែនដោយប្រើរយៈពេល30នាទី～1ម៉ោង។

・ករណីចាក់ក្នុងសាច់ដុំ：

មនុស្សពេញវ័យ：ប្រើ1ថ្ងៃ600～1200mg បែងចែកជា2～4ដងក្នុង1ថ្ងៃ។

ករណីថ្នាំលាបលើស្បែក(1%)：

ក្រោយលាងមុខ លាបនៅកន្លែងមានបញ្ហា 1ថ្ងៃ2ដង។

ករណីថ្នាំចាក់：

・អ្នកដែលធ្លាប់កើតមានរោគប្រតិកម្មជាមួយនឹងឱសថនេះឬឱសថប្រឆាំងបាក់តេរីប្រភេទLincomycinផ្សេងទៀត។

・អ្នកដែលកំពុងប្រើប្រាស់ឱសថErythromycin។

ករណីថ្នាំលាប：

・អ្នកដែលធ្លាប់កើតមានរោគប្រតិកម្មជាមួយនឹងឱសថនេះឬឱសថប្រឆាំងបាក់តេរីប្រភេទLincomycinផ្សេងទៀត។

ករណីថ្នាំចាក់：

ផលរំខានរួមមាន ឡើងកន្ទួលក្រហម រមាស់ ហើម ដំបៅក្នុងមាត់ រោគសញ្ញាCandidiasisនៅប្រដាប់ភេទឬក្នុងមាត់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ក្តៅមុខ កន្ទាលត្រអាក (រោគប្រតិកម្មធ្ងន់ធ្ងរ)

- ឈឺពោះ រាករូសមានឈាមឬទឹករំអិល ក្តៅខ្លួន (រលាកពោះវៀនធំធ្ងន់ធ្ងរ)

・ឡើងកន្ទួលក្រហម ក្តៅខ្លួន ហើមកូនកណ្តុរ (រោគប្រតិកម្មទៅនឹងឱសថ)

- ក្តៅខ្លួនខ្លាំង ស្បែកក្រហម ពងទឹក របកស្បែក ដំបៅក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)) ជាដើម)

- ឈឺបំពង់ក អស់កម្លាំង ក្តៅខ្លួនញាក់ (ជំងឺគ្រាប់ឈាមសថយចុះប្រភេទAgranulocytosis)

- អស់កម្លាំង បាត់បង់ចំណង់អាហារ ស្បែកនិងភ្នែកប្រែពណ៌លឿង (មុខងារថ្លើមមានបញ្ហា)

- បរិមាណទឹកនោមថយចុះ អស់កម្លាំង (បញ្ហាតម្រងនោមស្រួចស្រាវ)

- ក្ដៅខ្លួន ក្អក ពិបាកដកដង្ហើម (រលាកសួតប្រភេទInterstitial pneumonia បណ្ដុំរោគសញ្ញាPIE)។

ករណីថ្នាំលាប：

ផលរំខានរួមមាន រមាស់ ក្រហម ក្រហាយ តឹងស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺពោះ រាករូសមានឈាមឬទឹករំអិល ក្តៅខ្លួន (រលាកពោះវៀនធំធ្ងន់ធ្ងរ)

ករណីថ្នាំចាក់ និង ថ្នាំលាប：

・ឱសថErythromycin - អាចធ្វើអោយការប្រើប្រាស់ឱសថClindamycin មិនមានប្រសិទ្ធិភាព។ ដូច្នេះ ហាមប្រើរួមគ្នា ករណីថ្នាំចាក់។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបន្ធូរការកន្ត្រាក់នៃសាច់ដុំ(Suxamethonium, tubocurarineជាដើម) - សកម្មភាពនៃឱសថទាំងនេះកើនឡើង។

ករណីថ្នាំចាក់ និង ថ្នាំលាប：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលាប：

・ប្រសិនបើមិនឃើញមានប្រសិទ្ធិភាពក្រោយប្រើរយៈពេល4សប្ដាហ៍ហើយទេនោះ មិនគួរបន្តប្រើប្រាស់ឱសថនេះទៀតទេ។

ជាឱសថប្រឆាំងបាក់តេរីប្រភេទលីនកូម៉ៃស៊ីន(Lincomycin antibiotics) ដោយមានប្រសិទ្ធិភាពបង្អាក់សកម្មភាពបង្កើតប្រូតេអ៊ីនរបស់បាក់តេរី ធ្វើអោយបាក់តេរីមិនអាចរស់ឬកើនចំនួនបាន។