Chlormadinone acetate + Mestranol

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈហូរឈាមពីស្បូនដោយសារបញ្ហាមុខងារស្បូន (Functional uterine bleeding)

- អាការៈរាំងរដូវ

- បរិមាណឈាមរដូវមានលក្ខណៈខុសប្រក្រតី (តិចពេកឬច្រើនពេក)

- វដ្ដរដូវមានលក្ខណៈខុសប្រក្រតី (ការមករដូវមានលក្ខណៈយឺតពេកឬឆាប់ពេក)

- អាការៈឈឺចាប់ពេលមករដូវ

- ជំងឺគ្មានកូនដែលបណ្ដាលមកពីខ្សោយមុខងារក្រពេញអូវែរ

- ប្រើដើម្បីផ្លាស់ប្ដូរវដ្ដរដូវ។

ថ្នាំលេប：

ឱសថ1គ្រាប់មានផ្ទុក សារធាតុChlormadinone acetate 2mg និង សារធាតុMestranol 0.05mg។

・ករណីប្រើចំពោះអាការៈហូរឈាមពីស្បូនដោយសារបញ្ហាមុខងារស្បូន (Functional uterine bleeding) និង អាការៈរាំងរដូវ:

ជាទូទៅ លេប1ថ្ងៃ1～2គ្រាប់ រយៈពេល7～10ថ្ងៃជាប់ៗគ្នា។

・ករណីប្រើចំពោះ អាការៈបរិមាណឈាមរដូវមានលក្ខណៈខុសប្រក្រតី (តិចពេកឬច្រើនពេក) វដ្ដរដូវមានលក្ខណៈខុសប្រក្រតី (ការមករដូវមានលក្ខណៈយឺតពេកឬឆាប់ពេក) និង អាការៈឈឺចាប់ពេលមករដូវ:

ជាទូទៅ លេប1ថ្ងៃ1គ្រាប់ ចាប់ផ្ដើមពីថ្ងៃទី5នៃការមករដូវ ដោយលេបរយៈពេលប្រមាណ3សប្ដាហ៍ជាប់ៗគ្នា។

・ករណីប្រើចំពោះជំងឺគ្មានកូនដែលបណ្ដាលមកពីខ្សោយមុខងារក្រពេញអូវែរ:

ជាទូទៅ លេប1ថ្ងៃ1គ្រាប់ ចាប់ផ្ដើមពីថ្ងៃទី5នៃការមករដូវ ដោយលេបរយៈពេលប្រមាណ3សប្ដាហ៍ជាប់ៗគ្នា។ ស្ត្រីអាចរំពឹងថានឹងចាប់ផ្ដើមមានផ្ទៃពោះនៅវដ្ដរដូវបន្ទាប់។

・ករណីប្រើដើម្បីផ្លាស់ប្ដូរវដ្ដរដូវ:

- ដើម្បីពង្រួញវដ្ដរដូវមកឆាប់ជាងធម្មតា: ជាទូទៅ លេប1ថ្ងៃ1～2គ្រាប់ ចាប់ផ្ដើមពីថ្ងៃទី5នៃការមករដូវ ដោយលេបរយៈពេល5ថ្ងៃជាប់ៗគ្នា។

- ដើម្បីពន្យារវដ្ដរដូវអោយយឺតជាងធម្មតា: ជាទូទៅ លេប1ថ្ងៃ1គ្រាប់ ចាប់ផ្ដើមលេបពី3ថ្ងៃមុនថ្ងៃត្រូវមករដូវ រហូតដល់ថ្ងៃដែលចង់អោយមករដូវវិញ។

・អ្នកដែលកំពុងមានឬសង្ស័យថាមានជំងឺមហារីកដែលបណ្ដាលមកពីអរម៉ូនអេស្ត្រូជេន (ដូចជា ជំងឺមហារីកសុដន់ ជំងឺមហារីកភ្នាសក្នុងស្បូន(Endometrial cancer))។

・អ្នកដែលកំពុងឬធ្លាប់មានជំងឺរលាកសរសៃវ៉ែនដោយសារកំណកឈាម(Thrombophlebitis) ឬ ជំងឺស្ទះកំណកឈាមនៅសួត(Pulmonary embolism)។

・អ្នកដែលមានបញ្ហាថ្លើមកម្រិតធ្ងន់ធ្ងរ។

・ស្ត្រីមានផ្ទៃពោះ ឬ ស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងមានជំងឺលើសជាតិខ្លាញ់ក្នុងឈាម(Dyslipidemia)។