Carbazochrome sodium sulfonate hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈងាយហូរឈាមដែលអាចបណ្ដាលមកពីការចុះខ្សោយនៃកម្លាំងទប់របស់សរសៃឈាមឬការកើនឡើងនៃការជ្រាបឆ្លងកាត់សរសៃឈាម (ជំងឺស្នាមជាំស្វាយលើស្បែក(Purpura) ជាដើម)។

- អាការៈហូរឈាមពីស្បែកឬភ្នាស ហូរឈាមនៅបាតភ្នែក ហូរឈាមនៅក្នុងតម្រងនោម ហូរឈាមនៅក្នុងស្បូន ដែលបណ្ដាលមកពីការចុះខ្សោយនៃកម្លាំងទប់របស់សរសៃឈាម។

- អាការៈហូរឈាមខុសប្រក្រតីនៅក្នុងពេលនិងក្រោយពេលវះកាត់ដែលបណ្ដាលមកពីការចុះខ្សោយនៃកម្លាំងទប់របស់សរសៃឈាម។

ករណីថ្នាំលេប：

មនុស្សពេញវ័យ：លេប1ថ្ងៃ30～90mg (ថ្នាំម្សៅ10%ត្រូវនឹង0.3～0.9g) ដោយបែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ：ករណីចាក់ក្រោមស្បែកឬចាក់ក្នុងសាច់ដុំ ប្រើក្នុងកម្រិត1ដង 10mg ។ ករណីចាក់តាមសរសៃវ៉ែនឬព្យួរសេរ៉ូមតាមសរសៃវ៉ែន ប្រើក្នុងកម្រិត1ថ្ងៃ25～100mg។ ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ផលរំខានរួមមាន បាត់បង់ចំណង់អាហារ មិនស្រួលក្នុងក្រពះ ឡើងកន្ទួលក្រហម កន្ទាលត្រអាក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម សម្ពាធឈាមធ្លាក់ចុះ កន្ទាលត្រអាក (រោគប្រតិកម្មធ្ងន់ធ្ងរ)។(ករណីថ្នាំចាក់)

・នៅក្នុងអំឡុងពេលប្រើប្រាស់ឱសថនេះ ទឹកនោមអាចប្រែពណ៌ទៅជាពណ៌លឿងឬពណ៌ទឹកក្រូច។

សកម្មភាពនៃឱសថនេះនៅមិនទាន់មានទ្រឹស្ដីច្បាស់លាស់នៅឡើយទេ ប៉ុន្តែ ការស្រាវជ្រាវបានរកឃើញថាឱសថនេះមានប្រសិទ្ធិភាពពង្រឹងកម្លាំងទប់នៃសរសៃឈាមទប់ទល់នឹងសម្ពាធខាងក្នុងសរសៃឈាម ព្រមទាំងទប់ស្កាត់ការជ្រាបចេញនៃសារធាតុផ្សេងៗពីសរសៃឈាម។ ជាលទ្ធផល ឱសថនេះអាចកាត់បន្ថយរយៈពេលនៃការហូរឈាមនិងទប់ស្កាត់ការហូរឈាម ដោយមិនមានឥទ្ធិពលទៅលើដំណើរការនៃប្រព័ន្ធកំណកឈាមនោះទេ។