Calcium polystyrene sulfonate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការកែលម្អរោគសញ្ញានៃការកើនឡើងកម្រិតប៉ូតាស្យូមក្នុងឈាម(Hyperkalemia) ដែលកើតមាននៅក្នុងជំងឺខ្សោយតម្រងនោមស្រួចស្រាវឬរ៉ាំរ៉ៃ។

    • កម្រិតប្រើប្រាស់

      ថ្នាំម្សៅ：

      ・ករណីលេប：

      មនុស្សពេញវ័យ：ពិសារ1ថ្ងៃ 15～30g (ថ្នាំម្សៅ92.59%ត្រូវនឹង16.2～32.4g ឬ ថ្នាំទឹក20%ត្រូវនឹង75～150g) បែងចែកជា2～3ដងក្នុង1ថ្ងៃ។ ករណីថ្នាំម្សៅ ពិសារដោយលាយឱសថនេះក្នុងទឹក30～50mLសម្រាប់ការប្រើ1ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

      ・ករណីបញ្ចូលក្នុងពោះវៀន：

      មនុស្សពេញវ័យ：ប្រើ1ដង30g លាយក្នុងទឹកឬសូលុយស្យុងMethylcellulose2% បរិមាណ100mL រួចចាក់បញ្ចូលក្នុងពោះវៀន។ សូលុយស្យុងឱសថគួរមានកំដៅប្រហាក់ប្រហែលនឹងកំដៅក្នុងខ្លួន ហើយក្រោយបញ្ចូលក្នុងពោះវៀន ត្រូវរក្សាស្ថានភាពបែបនោះរយៈពេល30នាទី～1ម៉ោង។ ក៏អាចប្រើសេរ៉ូមគ្លុយកូស5%សម្រាប់ការលាយផងដែរ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលមានអាការៈស្ទះពោះវៀន។

    • ផលរំខាន

      ផលរំខានរួមមាន ទល់លាមក បាត់បង់ចំណង់អាហារ ចង់ក្អួត ឡើងកន្ទួលក្រហម ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ទល់លាមក ឈឺពោះ ក្អួតចង្អោរ បត់ជើងមានឈាម (ស្ទះពោះវៀន ដំបៅពោះវវៀនធំ ធ្លាយពោះវៀន)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រភេទDigitalis (Digoxin ជាដើម) - អាចធ្វើអោយកើតមានអាការៈពុលឱសថDigitalis។

      ・ឱសថបន្សាបជាតិអាស៊ីតឬឱសថបន្ទន់លាមកដែលមានផ្ទុកសារធាតុអាលុយមីញ៉ូម ម៉ាញ៉េស្យូម ឬ កាល់ស្យូម (Dried aluminium hydroxide gel, Magnesium hydroxide, Precipitated calcium carbonate ជាដើម) - អាចធ្វើអោយប្រសិទ្ធិភាពនៃCalcium polystyrene sulfonateថយចុះ។ ម្យ៉ាងទៀត អាចធ្វើអោយកើតមានរោគសញ្ញានៃការកើនឡើងជាតិបាសក្នុងរាងកាយ(Alkalosis)។

      ・ឱសថនៃអរម៉ូនក្រពេញទីរ៉ូអ៊ីត (Levothyroxine ជាដើម) - អាចធ្វើអោយប្រសិទ្ធិភាពនៃឱសថទាំងនេះថយចុះ។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • សកម្មភាពឱសថ

      នៅពេលចូលដល់ផ្នែកពោះវៀននៃរាងកាយតាមរយៈការលេបតាមមាត់ឬបញ្ចូលតាមទ្វារធំ ឱសថនឹងមិនទទួលការស្រូបចូលទៅក្នុងប្រព័ន្ធឈាមនោះទេ ប៉ុន្តែវានឹងស្ថិតនៅក្នុងពោះវៀន ជាពិសេសផ្នែកColonនៃពោះវៀនធំ ដោយអ៊ីយ៉ុងកាល់ស្យូមដែលមាននៅក្នុងឱសថនេះនឹងផ្លាស់ប្ដូរជាមួយនឹងអ៊ីយ៉ុងប៉ូតាស្យូមដែលមាននៅក្នុងពោះវៀន រួចបញ្ចេញអ៊ីយ៉ុងប៉ូតាស្យូមទាំងនោះទៅតាមលាមក។ ជាលទ្ធផល ការស្រូបប៉ូតាស្យូមពីក្រពះពោះវៀន ក៏ដូចជា កម្រិតប៉ូតាស្យូមក្នុងឈាម ក៏មានការថយចុះ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល