Calcium folinate = Leucovorin calcium

ករណីថ្នាំលេប：

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖
- កាត់បន្ថយអាការៈពុលឬផលរំខានដោយសារការប្រើប្រាស់ឱសថប្រភេទប្រឆាំងអាស៊ីតហ្វូលិក (Folic acid antagonist)
- បង្កើនប្រសិទ្ធិភាពប្រឆាំងមហារីកនៅពេលប្រើរួមជាមួយឱសថTegafurនិងឱសថUracil សម្រាប់ការព្យាបាលជំងឺមហារីកពោះវៀនធំដោយឱសថរួមនៃFolinate/Tegafur/Uracil។

ករណីថ្នាំចាក់：

ជាទូទៅ ឱសថនេះប្រើនៅក្នុងការកាត់បន្ថយអាការៈពុលឬផលរំខានដោយសារការប្រើប្រាស់ឱសថប្រភេទប្រឆាំងអាស៊ីតហ្វូលិក (Folic acid antagonist)។

ករណីថ្នាំលេប：

・ចំពោះផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateជាទូទៅ ឬ វិធីព្យាបាលCMF ឬ ការប្រើឱសថMethotrexateនៅក្នុងការព្យាបាលជំងឺរូម៉ាទីសសន្លាក់(Rheumatoid arthritis) ឬ វិធីព្យាបាលM-VAC：មនុស្សពេញវ័យ លេប1ដង10mg ចំនួន4ដង ដោយទុកគម្លាតរយៈពេល6ម៉ោង។ ករណីផលរំខានកើតឡើងដោយសារការប្រើឱសថMethotrexateហួសកម្រិត ត្រូវប្រើឱសថនេះក្នុងកម្រិតស្មើទៅនឹងកម្រិតឱសថMethotrexateដែលបានប្រើ។

・ចំពោះផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateនិងឱសថFluorouracilរួមគ្នា：ជាទូទៅ ចាប់ផ្ដើមលេបឱសថនេះនៅ24ម៉ោងក្រោយពេលប្រើឱសថMethotrexate ក្នុងកម្រិត1ដង15mg ចំនួន2～6ដង ដោយទុកគម្លាតរយៈពេល6ម៉ោង (លេបនៅក្រោយប្រើឱសថMethotrexate 24ម៉ោង 30ម៉ោង 36ម៉ោង 42ម៉ោង 48ម៉ោង 54ម៉ោង)។ ករណីជាផលរំខានធ្ងន់ធ្ងរបណ្ដាលមកពីឱសថMethotrexate ត្រូវបង្កើនកម្រិតប្រើប្រាស់នៃឱសថនេះនិងពន្យាររយៈពេលនៃការទុកគម្លាត។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ចំពោះការប្រើនៅក្នុងការបង្កើនប្រសិទ្ធិភាពប្រឆាំងមហារីកនៅពេលប្រើរួមជាមួយឱសថTegafurនិងឱសថUracil សម្រាប់ការព្យាបាលជំងឺមហារីកពោះវៀនធំដោយឱសថរួមនៃFolinate/Tegafur/Uracil：មនុស្សពេញវ័យ លេប1ថ្ងៃ75mg បែងចែកជា3ដងក្នុង1ថ្ងៃ (ទុកគម្លាតប្រហែល8ម៉ោង) ប្រើក្នុងពេលតែមួយជាមួយឱសថTegafurនិងឱសថUracil។ ជាទូទៅ ឱសថរួមនៃTegafurនិងUracil ត្រូវបានប្រើក្នុងកម្រិត1ថ្ងៃ300~600mg(ជាកម្រិតនៃTegafur ដែលកម្រិតស្តង់ដារគឺ300mg/m²) ដោយបែងចែកជា3ដងក្នុង1ថ្ងៃ និង ចៀសវាងពិសានៅអំឡុងពេល1ម៉ោងមុននិងក្រោយបរិភោគអាហារ។ ជាទូទៅ ការប្រើឱសថរួមនៃTegafurនិងUracil មានរយៈពេល28ថ្ងៃ រួចផ្អាកការប្រើឱសថរយៈពេល7ថ្ងៃ ដោយចាត់ទុកជា1វដ្ដ។ អនុវត្តបែបនេះតទៅ។

ករណីថ្នាំចាក់：

・ចំពោះផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateជាទូទៅ ឬ វិធីព្យាបាលCMF ឬ ការប្រើឱសថMethotrexateនៅក្នុងការព្យាបាលជំងឺរូម៉ាទីសសន្លាក់(Rheumatoid arthritis) ឬ វិធីព្យាបាលM-VAC：មនុស្សពេញវ័យ ប្រើ1ដង6～12mg ចំនួន4ដង ដោយទុកគម្លាតរយៈពេល6ម៉ោង ចាក់ក្នុងសាច់ដុំ។ ករណីផលរំខានកើតឡើងដោយសារការប្រើឱសថMethotrexateហួសកម្រិត ត្រូវប្រើឱសថនេះក្នុងកម្រិតស្មើទៅនឹងកម្រិតឱសថMethotrexateដែលបានប្រើ។

・ចំពោះវិធីព្យបាលដែលប្រើឱសថនេះរួមជាមួយឱសថMethotrexate ：ជាទូទៅ ចាប់ផ្ដើមប្រើឱសថនេះនៅ3ម៉ោងក្រោយពេលបញ្ចប់ការប្រើឱសថMethotrexate ក្នុងកម្រិត1ដង15mg ចំនួន9ដង ដោយទុកគម្លាតរយៈពេល3ម៉ោង និង ដោយចាក់តាមសរសៃវ៉ែន។ បន្ទាប់ពីនោះ ប្រើចំនួន8ដងទៀត ដោយទុកគម្លាតរយៈពេល6ម៉ោង និង ដោយចាក់តាមសរសៃវ៉ែនឬចាក់ក្នុងសាច់ដុំ។ ករណីជាផលរំខានធ្ងន់ធ្ងរបណ្ដាលមកពីឱសថMethotrexate ត្រូវបង្កើនកម្រិតប្រើប្រាស់នៃឱសថនេះនិងពន្យាររយៈពេលនៃការទុកគម្លាត។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ចំពោះផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateនិងឱសថFluorouracilរួមគ្នា：ជាទូទៅ ចាប់ផ្ដើមប្រើឱសថនេះនៅ24ម៉ោងក្រោយពេលប្រើឱសថMethotrexate ក្នុងកម្រិត1ដង15mg ចំនួន2～6ដង ដោយទុកគម្លាតរយៈពេល6ម៉ោង (ប្រើនៅក្រោយប្រើឱសថMethotrexate 24ម៉ោង 30ម៉ោង 36ម៉ោង 42ម៉ោង 48ម៉ោង 54ម៉ោង) ដោយចាក់តាមសរសៃវ៉ែនឬចាក់ក្នុងសាច់ដុំ។ ករណីជាផលរំខានធ្ងន់ធ្ងរបណ្ដាលមកពីឱសថMethotrexate ត្រូវបង្កើនកម្រិតប្រើប្រាស់នៃឱសថនេះនិងពន្យាររយៈពេលនៃការទុកគម្លាត។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេប：

- ករណីប្រើក្នុងកម្រិតទាប (ការព្យាបាលផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateជាទូទៅ ឬ វិធីព្យាបាលCMF ឬ ការប្រើឱសថMethotrexateនៅក្នុងការព្យាបាលជំងឺរូម៉ាទីសសន្លាក់(Rheumatoid arthritis) ឬ វិធីព្យាបាលM-VAC ឬ ការព្យាបាលដោយប្រើឱសថMethotrexateនិងឱសថFluorouracilរួមគ្នា):

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

- ករណីប្រើក្នុងកម្រិតខ្ពស់ (ការព្យាបាលដោយប្រើ Folinate/Tegafur/Uracil រួមគ្នា):

・អ្នកដែលកំពុងមានបញ្ហាមុខងារផលិតគ្រាប់ឈាមរបស់ខួរឆ្អឹងចុះខ្សោយកម្រិតធ្ងន់ធ្ងរ។

・អ្នកដែលកំពុងមានអាការៈរាករូស។

・អ្នកដែលកំពុងកើតមានជំងឺឆ្លងលក្ខណៈធ្ងន់ធ្ងរ។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះឬឱសថFluorouracil/Uracil។

・អ្នកដែលកំពុងប្រើប្រាស់ឱសថTegafur/Gimeracil/Oteracil ឬ ស្ថិតក្នុងអំឡុងពេល7ថ្ងៃបន្ទាប់ពីឈប់ប្រើឱសថTegafur/Gimeracil/Oteracil។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ករណីថ្នាំចាក់：

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

ករណីថ្នាំលេប：

- ករណីប្រើក្នុងកម្រិតទាប (ការព្យាបាលផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateជាទូទៅ ឬ វិធីព្យាបាលCMF ឬ ការប្រើឱសថMethotrexateនៅក្នុងការព្យាបាលជំងឺរូម៉ាទីសសន្លាក់(Rheumatoid arthritis) ឬ វិធីព្យាបាលM-VAC ឬ ការព្យាបាលដោយប្រើឱសថMethotrexateនិងឱសថFluorouracilរួមគ្នា):

ផលរំខានរួមមាន កន្ទួលក្រហមលើស្បែក ក្ដៅខ្លួន ក្រហម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទួលក្រហមលើស្បែក ពិបាកដកដង្ហើម សម្ពាធឈាមចុះទាប (ស្សុក(Shock) រោគប្រតិកម្មស្រដៀងអាណាហ្វីឡាក់ស៊ីស(Anaphylaxis))។

- ករណីប្រើក្នុងកម្រិតខ្ពស់ (ការព្យាបាលដោយប្រើ Folinate/Tegafur/Uracil រួមគ្នា):

ផលរំខានរួមមាន កន្ទួលក្រហមលើស្បែក រាករូស រលាកក្នុងមាត់(ពងបែកក្នុងមាត់) មិនឃ្លានអាហារ ក្អួតចង្អោរ ជីវ្ហាវិញាណខុសប្រក្រតី អស់កម្លាំង កន្ទួលក្រហមលើស្បែក រមាស់ស្បែក ឈឺពោះ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រោគសញ្ញាខ្វះឈាម(អស់កម្លាំងពេញខ្លួន បេះដូងលោតញាប់) ក្ដៅខ្លួន កន្ទួលក្រហមលើស្បែក ភ្នែកប្រែពណ៌លឿង (ប៉ះពាល់មុខងារផលិតគ្រាប់ឈាមរបស់ខួរឆ្អឹង ជំងឺស្លេកស្លាំងប្រភេទបែកគ្រាប់ឈាម(Hemolytic anemia) ជាដើម)

- អស់កម្លាំងពេញខ្លួន ភ្នែកនិងស្បែកប្រែពណ៌លឿង មិនឃ្លានអាហារ (បញ្ហាថ្លើមធ្ងន់ធ្ងរ)

- រាករូស ឈឺពោះខ្លាំងក្លា (រលាកពោះវៀនធ្ងន់ធ្ងរ)

- ក្អកស្ងួត ពិបាកដកដង្ហើម ក្ដៅខ្លួន (រលាកសួតប្រភេទInterstitial pneumonia)

- កន្ទួលក្រហមលើស្បែក ពិបាកដកដង្ហើម សម្ពាធឈាមចុះទាប (ស្សុក(Shock) រោគប្រតិកម្មស្រដៀងអាណាហ្វីឡាក់ស៊ីស(Anaphylaxis))។

ករណីថ្នាំចាក់：

ផលរំខានរួមមាន កន្ទួលក្រហមលើស្បែក ក្ដៅខ្លួន ក្រហម ឈឺសរសៃឈាម ឈឺសាច់ដុំ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទួលក្រហមលើស្បែក ពិបាកដកដង្ហើម សម្ពាធឈាមចុះទាប (ស្សុក(Shock) រោគប្រតិកម្មស្រដៀងអាណាហ្វីឡាក់ស៊ីស(Anaphylaxis))។

ករណីថ្នាំលេប：

- ករណីប្រើក្នុងកម្រិតទាប (ការព្យាបាលផលរំខាននៃឱសថMethotrexate ដែលកើតមាននៅក្នុងការព្យាបាលដោយប្រើឱសថMethotrexateជាទូទៅ ឬ វិធីព្យាបាលCMF ឬ ការប្រើឱសថMethotrexateនៅក្នុងការព្យាបាលជំងឺរូម៉ាទីសសន្លាក់(Rheumatoid arthritis) ឬ វិធីព្យាបាលM-VAC ឬ ការព្យាបាលដោយប្រើឱសថMethotrexateនិងឱសថFluorouracilរួមគ្នា):

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទទប់ស្កាត់មេតាបូលីសនៃអាស៊ីតហ្វូលិក (Sulfamethoxazole/Trimethoprim ជាដើម) - អាចធ្វើអោយសកម្មភាពនៃឱសថទាំងនេះថយចុះ។

- ករណីប្រើក្នុងកម្រិតខ្ពស់ (ការព្យាបាលដោយប្រើ Folinate/Tegafur/Uracil រួមគ្នា):

・ឱសថTegafur/Gimeracil/Oteracil (TS-1) - អាចបង្កជាផលរំខានធ្ងន់ធ្ងរទាក់ទងនឹងប្រព័ន្ធឈាមនិងប្រព័ន្ធរំលាយអាហារ ដូច្នេះ ហាមប្រើរួមគ្នា។ ម្យ៉ាងទៀត ក្នុងអំឡុងពេល7ថ្ងៃបន្ទាប់ពីឈប់ប្រើឱសថTegafur/Gimeracil/Oteracil ក៏មិនត្រូវប្រើឱសថនេះដែរ។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថPhenytoin, Warfarin - អាចធ្វើអោយសកម្មភាពឱសថទាំងនេះកើនឡើង បង្កជាផលរំខានផ្សេងៗ។

・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងនិងប្រព័ន្ធរំលាយអាហារកើនឡើង។

・ឱសថប្រភេទទប់ស្កាត់មេតាបូលីសនៃអាស៊ីតហ្វូលិក (Sulfamethoxazole/Trimethoprim ជាដើម) - អាចធ្វើអោយសកម្មភាពនៃឱសថទាំងនេះថយចុះ។

ករណីថ្នាំចាក់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទទប់ស្កាត់មេតាបូលីសនៃអាស៊ីតហ្វូលិក (Sulfamethoxazole/Trimethoprim ជាដើម) - អាចធ្វើអោយសកម្មភាពនៃឱសថទាំងនេះថយចុះ។

ករណីថ្នាំលេប：

- ករណីប្រើក្នុងកម្រិតខ្ពស់ (ការព្យាបាលដោយប្រើ Folinate/Tegafur/Uracil រួមគ្នា):

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលេប：

- ករណីប្រើក្នុងកម្រិតខ្ពស់ (ការព្យាបាលដោយប្រើ Folinate/Tegafur/Uracil រួមគ្នា):

・ឱសថនេះអាចបង្កើនសកម្មភាពនៃឱសថFluorouracil ប៉ុន្តែ វាអាចបង្កគ្រោះថ្នាក់ដល់ជីវិតអ្នកជំងឺ។ ដូច្នេះ ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

・ឱសថនេះអាចធ្វើអោយមានអាការៈរាករូសធ្ងន់ធ្ងរ ជាដើម ដែលអាចគ្រោះថ្នាក់ដល់អ្នកជំងឺ។ ដូច្នេះ ក្នុងអំឡុងពេលប្រើប្រាស់ឱសថនេះ ជាពិសេសនៅក្នុងរយៈពេលចាប់ផ្ដើមប្រើដំបូង អ្នកជំងឺត្រូវទទួលការពិនិត្យឈាម មុខងារថ្លើម មុខងារតម្រងនោម អោយបានទៀងទាត់។

・សកម្មភាពនៃឱសថនេះនៅក្នុងការកាត់បន្ថយអាការៈពុលឬផលរំខានដោយសារការប្រើប្រាស់ឱសថប្រភេទប្រឆាំងអាស៊ីតហ្វូលិក (Folic acid antagonist) ដូចជា ឱសថMethotrexate:

ឱសថMethotrexate មានសកម្មភាពរារាំងអង់ស៊ីមDihydrofolate reductase (DHFR)នៅក្នុងដំណើរការសំយោគអាស៊ីតនុយក្លេអ៊ិច(DNAឬRNA)។ ឱសថនេះមិនមានសកម្មភាពទៅលើអង់ស៊ីមដែលទទួលឥទ្ធិពលពីឱសថMethotrexateនោះទេ ប៉ុន្តែ វានឹងបំលែងទៅជាអាស៊ីតហ្វូហិក(Folic acid)ក្នុងទម្រង់សកម្ម (5,10-methylene tetrahydrofolate ជាដើម) ដើម្បីចាប់ផ្ដើមដំណើរការសំយោគអាស៊ីតនុយក្លេអ៊ិចឡើងវិញ។

・សកម្មភាពនៃឱសថនេះនៅក្នុងការបង្កើនប្រសិទ្ធិភាពនៃឱសថប្រឆាំងមហារីកTegafur/Uracil:

ឱសថTegafurនឹងបំលែងទៅជាFluorouracil ដើម្បីបង្ហាញប្រសិទ្ធភាពព្យាបាល។ Fluorouracil ធ្វើសកម្មភាពដោយបំលែងទៅជាសារធាតុសកម្មDeoxyuridine monophosphate(FdUMP) រួចភ្ជាប់ទៅនឹងអង់ស៊ីមThymidylate synthase (TS) ដើម្បីរារាំងសកម្មភាពនៃអង់ស៊ីមនេះ ធ្វើអោយរាំងស្ទះដល់ប្រតិកម្មសំយោគម៉ូលេគុលThymidylic acid សម្រាប់ដំណើរការផលិតDNAថ្មី។

ឱសថFolinateនឹងបំលែងទៅជាLevofolinate ដោយLevofolinateនឹងទទួលប្រតិកម្មរេដុកម្មនៅក្នុងកោសិកាក្លាយទៅជាសារធាតុ5,10-CH2-THF ហើយសារធាតុនេះនឹងភ្ជាប់ខ្លួនទៅនឹងFdUMPនិងTS បង្កើតបានជាសមាសធាតុរួមផ្សំដោយ3ម៉ូលេគុល ដើម្បីពន្យារពេលផ្ដាច់គ្នានៃFdUMPនិងTS ដូច្នេះ វាធ្វើអោយសកម្មភាពរារាំងអង់ស៊ីមTSដោយFdUMPអាចបន្តយូរជាងធម្មតា។