Buprenorphine hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ករណីថ្នាំចាក់：

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      ・អាការៈឈឺចាប់ ដែលកើតមាននៅក្នុងជំងឺមហារីកគ្រប់ប្រភេទ ជំងឺស្ទះសរសៃឈាមបេះដូង និង ក្រោយពេលវះកាត់។

      ・ប្រើជាជំនួយនៅក្នុងការអនុវត្តការសណ្ដំ។

      ករណីថ្នាំសុលតាមទ្វារធំ：

      ជាទូទៅ ឱសថនេះប្រើនៅក្នុងការព្យាបាលអាការៈឈឺចាប់ ដែលកើតមាននៅក្នុងជំងឺមហារីកគ្រប់ប្រភេទ និង ក្រោយពេលវះកាត់។

    • កម្រិតប្រើប្រាស់

      ករណីថ្នាំចាក់：

      ・ករណីប្រើនៅក្នុងការបំបាត់អាការៈឈឺចាប់ដែលកើតមាននៅក្នុងជំងឺមហារីកគ្រប់ប្រភេទ និង ក្រោយពេលវះកាត់：

      មនុស្សពេញវ័យ：ប្រើ1ដង0.2～0.3mg (4μg/kg～6μg/kg) ចាក់ក្នុងសាច់ដុំ។ ប៉ុន្តែ នៅលើកដំបូង គួរប្រើក្នុងកម្រិត0.2mg។ បន្ទាប់ពីនោះ អាចចាក់បន្ថែមទៀតដោយទុកគម្លាតរយៈពេលប្រហែល6～8ម៉ោងរវាងការប្រើម្ដងៗ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

      ・ករណីប្រើនៅក្នុងការបំបាត់អាការៈឈឺចាប់ដែលកើតមាននៅក្នុងជំងឺស្ទះសរសៃឈាមបេះដូង：

      មនុស្សពេញវ័យ：ប្រើ1ដង0.2mg ចាក់តាមសរសៃវ៉ែនយឺតៗ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

      ・ករណីប្រើជាជំនួយនៅក្នុងការអនុវត្តការសណ្ដំ：

      មនុស្សពេញវ័យ：ប្រើ1ដង0.2～0.4mg (4μg/kg～8μg/kg) ចាក់តាមសរសៃវ៉ែនយឺតៗ នៅក្នុងដំណាក់កាលចាប់ផ្ដើមការសណ្ដំ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា រយៈពេលវះកាត់ ឱសថដែលប្រើរួមគ្នា ជាដើម។

      ករណីថ្នាំសុលតាមទ្វារធំ：

      ・ករណីប្រើនៅក្នុងការបំបាត់អាការៈឈឺចាប់នៅក្រោយពេលវះកាត់：

      មនុស្សពេញវ័យ：ប្រើ1ដង0.4mg សុលតាមទ្វារធំទៅក្នុងចុងពោះវៀនធំ (Rectum)។ បន្ទាប់ពីនោះ អាចប្រើបន្ថែមទៀតដោយទុកគម្លាតរយៈពេលប្រហែល8～12ម៉ោងរវាងការប្រើម្ដងៗ។ ចំពោះអាការៈឈឺចាប់ខ្លាំងបន្ទាប់ពីការវះកាត់រួចភ្លាម ត្រូវប្រើឱសថនេះទម្រង់ជាថ្នាំចាក់ មុននឹងប្ដូរមកប្រើទម្រង់ជាថ្នាំសុលទៅតាមស្ថានភាពរបស់អ្នកជំងឺ។

      ・ករណីប្រើនៅក្នុងការបំបាត់អាការៈឈឺចាប់ដែលកើតមាននៅក្នុងជំងឺមហារីកគ្រប់ប្រភេទ：

      មនុស្សពេញវ័យ：ប្រើ1ដង 0.2mg ឬ 0.4mg សុលតាមទ្វារធំទៅក្នុងចុងពោះវៀនធំ (Rectum)។ បន្ទាប់ពីនោះ អាចប្រើបន្ថែមទៀតដោយទុកគម្លាតរយៈពេលប្រហែល8～12ម៉ោងរវាងការប្រើម្ដងៗ។ គួរចាប់ផ្ដើមប្រើពីកម្រិតទាបទៅ។

    • ហាមប្រើ

      ករណីថ្នាំចាក់：

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលមានមុខងារដំណកដង្ហើមឬមុខងារសួតចុះខ្សោយកម្រិតធ្ងន់ធ្ងរ។

      ・អ្នកដែលមានបញ្ហាថ្លើមកម្រិតធ្ងន់ធ្ងរ។

      ・អ្នកដែលមានរបួសនៅផ្នែកក្បាលឬមានជំងឺនៅខួរក្បាល និងស្ថិតក្នុងស្ថានភាពមិនសូវដឹងស្មារតី។

      ・អ្នកដែលមានសម្ពាធក្នុងក្បាលកើនឡើង។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ករណីថ្នាំសុលតាមទ្វារធំ：

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលមានមុខងារដំណកដង្ហើមឬមុខងារសួតចុះខ្សោយកម្រិតធ្ងន់ធ្ងរ។

      ・អ្នកដែលមានបញ្ហាថ្លើមកម្រិតធ្ងន់ធ្ងរ។

      ・អ្នកដែលមានរបួសនៅផ្នែកក្បាលឬមានជំងឺនៅខួរក្បាល និងស្ថិតក្នុងស្ថានភាពមិនសូវដឹងស្មារតី។

      ・អ្នកដែលមានសម្ពាធក្នុងក្បាលកើនឡើង។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・អ្នកដែលកំពុងមានអាការៈរលាកឬហូរឈាមនៅចុងពោះវៀនធំ ឬ កំពុងមានជំងឺឬសដូងបាត។

    • ផលរំខាន

      ចង់ក្អួត ក្អួតចង្អោរ ស្ងួតក បែកញើស ជាដើម ប៉ុន្តែ ផលប៉ះពាល់មុខងារដកដង្ហើមមានលក្ខណៈខ្សោយជាង Morphine hydrochloride។

    • ការប្រុងប្រយ័ត្នជាពិសេស

      ・មិនត្រូវប្រើរួមជាមួយឱសថ Morphine hydrochloride ព្រោះអាចធ្វើអោយប្រសិទ្ធិភាពថយចុះ។

    • សកម្មភាពឱសថ

      ទប់ស្កាត់ប្រព័ន្ធបញ្ជូនសញ្ញានៃអារម្មណ៍ឈឺចាប់នៅក្នុងប្រព័ន្ធប្រសាទកណ្ដាល

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល