Buformin hydrochloride

ជាទូទៅ ឱសថនេះប្រើនៅក្នុងការព្យាបាលជំងឺទឹកនោមផ្អែមប្រភេទមិនពឹងផ្អែកលើអាំងស៊ុយលីន (ក្នុងករណីដែលការព្យាបាលដោយឱសថស៊ុលហ្វូនីលយូរៀ (Sulfonylureas)មិនមានប្រសិទ្ធិភាពគ្រប់គ្រាន់ឬអ្នកជំងឺមិនអាចបន្តការប្រើឱសថដោយសារការកើតមានផលរំខានពីឱសថនេះប៉ុណ្ណោះ)។

ថ្នាំលេប：

ចាប់ផ្ដើមលេបពីកម្រិត1ថ្ងៃ100mg ដោយបែងចែកជា2～3ដងក្នុង1ថ្ងៃ ក្រោយបរិភោគអាហារ។ ត្រូវសង្កេតមើលប្រសិទ្ធិភាពនៃឱសថនេះនៅពេលកំណត់កម្រិតប្រើប្រាស់ជាប្រចាំ។ កម្រិតអតិបរមាប្រើក្នុង1ថ្ងៃគឺ150mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទBiguanideផ្សេងទៀត។

・អ្នកដែលងាយកើតមានបញ្ហានៃការកើនឡើងអាស៊ីតឡាក់តិច(Lactic Acid)នៅក្នុងឈាម ៖

(1) អ្នកដែលធ្លាប់កើតមានបញ្ហានេះពីមុនមក។

(2) អ្នកដែលមានបញ្ហាតម្រងនោម (រួមទាំងកម្រិតស្រាល)។

(3) អ្នកដែលកំពុងទទួលការលាងឈាមជាប្រចាំ។

(4) អ្នកដែលមានបញ្ហាថ្លើម។

(5) អ្នកដែលមានជំងឺធ្ងន់ធ្ងរទាក់ទងនឹងសរសៃឈាមបេះដូងឬមុខងារសួត (ជំងឺស្ទះសរសៃឈាមបេះដូង ជំងឺខ្សោយបេះដូង ជំងឺស្ទះសរសៃឈាមនៅក្នុងសួត ជាដើម) ឬ អ្នកដែលស្ថិតក្នុងស្ថានភាពដែលឈាមងាយខ្វះអុកស៊ីសែន។

(6) អ្នកដែលពិសារគ្រឿងស្រវឹងច្រើនហួសហេតុ។

(7) អ្នកដែលខ្សោះជាតិទឹក ឬ ងាយស្ថិតក្នុងស្ថានភាពខ្សោះជាតិទឹកដោយសារបញ្ហាក្រពះពោះវៀន ដូចជា រាករូស ក្អួតចង្អោរ ជាដើម។

(8) មនុស្សចាស់។

・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ធ្ងន់ធ្ងរ ឬ ស្ថិតក្នុងស្ថានភាពបាត់បង់ស្មារតីដោយសារជំងឺទឹកនោមផ្អែម ឬ អ្នកដែលមានជំងឺទឹកនោមផ្អែមប្រភេទទី1។

・អ្នកដែលកំពុងមានជំងឺឆ្លងធ្ងន់ធ្ងរ ឬ ស្ថិតនៅមុននិងក្រោយពេលវះកាត់ ឬ កំពុងមានរបួសធ្ងន់ធ្ងរ។

・អ្នកដែលស្ថិតក្នុងស្ថានភាពខ្វះសារធាតុចិញ្ចឹម បរិភោគមិនគ្រប់គ្រាន់ ទ្រុឌទ្រោម ឬ អ្នកដែលមានមុខងារក្រពេញPituitary glandឬក្រពញAdrenal glandចុះខ្សោយ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

រោគសញ្ញាអាស៊ីតឡាក់តិចក្នុងឈាមកើនឡើង(Lactic acidosis) បាត់បង់ចំណង់អាហារ ធ្ងន់ក្បាល ។ល។

・រោគសញ្ញានៃការកើនឡើងអាស៊ីតឡាក់តិចក្នុងឈាម(Lactic acidosis)ងាយកើតឡើងចំពោះអ្នកដែលមានជំងឺទាក់ទងនឹងប្រព័ន្ធរបត់ឈាម ឬ ជំងឺតម្រងនោម។ល។

បង្កើនសកម្មភាពនៃអាំងស៊ុយលីន និង កាត់បន្ថយការស្រូបជាតិស្ករ ដើម្បីទប់ស្កាត់ការកើនឡើងខ្ពស់នៃកម្រិតជាតិស្ករក្នុងឈាម។