Bicalutamide

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺមហារីកក្រពេញប្រូស្តាត។

    • កម្រិតប្រើប្រាស់

      ថ្នាំលេប：

      មនុស្សពេញវ័យ លេប1ថ្ងៃ1ដង 1ដង80mg។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・កុមារ។

      ・ស្ត្រី។

    • ផលរំខាន

      ផលរំខានរួមមាន ហើមដោះ ឈឺដោះ ក្ដៅក្នុងខ្លួន ចំណង់ផ្លូវភេទថយចុះ អសមត្ថភាពផ្លូវភេទ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - អស់កម្លាំងពេញខ្លួន មិនឃ្លានអាហារ ភ្នែកនិងស្បែកប្រែពណ៌លឿង (បញ្ហាថ្លើមធ្ងន់ធ្ងរ រលាកថ្លើម)

      - ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

      - អាការៈឈឺទ្រូងឬថប់ទ្រូងភ្លាមៗ ពិបាកដកដង្ហើម ហើម បែកញើស (មុខងារបេះដូងចុះខ្សោយ ជំងឺស្ទះសរសៃឈាមក្នុងបេះដូង)

      - ឈឺបំពង់ក ក្ដៅខ្លួន ហូរឈាមក្រោមស្បែកនៅតាមដៃជើងជាដើម (គ្រាប់ឈាមសថយចុះ ប្លាកែតថយចុះ)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថWarfarin - អាចធ្វើអោយសកម្មភាពប្រឆាំងកំណកឈាមរបស់Warfarinកើនឡើង។

      ・ឱសថTolbutamide - អាចធ្វើអោយសកម្មភាពនៃឱសថTolbutamideកើនឡើង។

      ・ឱសថDextromethorphan - អាចធ្វើអោយសកម្មភាពនៃឱសថDextromethorphanកើនឡើង។

      ・ឱសថដែលរងប្រតិកម្មខ្លាំងពីអង់ស៊ីមCYP3A4 (ឱសថCarbamazepine ឱសថCiclosporin ឱសថTriazolam ជាដើម) - អាចធ្វើអោយសកម្មភាពនៃឱសថទាំងនេះកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ឱសថនេះមិនប្រើចំពោះស្ត្រីទេ។

    • សកម្មភាពឱសថ

      ឱសថនេះនេះនឹងទៅរារាំងការភ្ជាប់នៃអរម៉ូនបុរសអង់ដ្រូជេន(Androgen)ទៅនឹងគ្រឿងទទួលអង់ដ្រូជេន(Androgen receptor)ដែលស្ថិតនៅលើជាលិកាមហារីកក្រពេញប្រូស្តាត។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល