Bezafibrate

ជាទូទៅ ឱសថនេះប្រើនៅក្នុងការព្យាបាលជំងឺលើសកម្រិតជាតិខ្លាញ់ក្នុងឈាម (រួមទាំងករណីតំណពូជ)។

ថ្នាំលេប：

មនុស្សពេញវ័យ：លេប1ថ្ងៃ 400mg បែងចែកជា2ដងក្នុង1ថ្ងៃ ក្រោយបរិភោគអាហារពេលព្រឹកនិងពេលល្ងាច។ ចំពោះអ្នកជំងឺជាមនុស្សចាស់ឬអ្នកដែលមានបញ្ហាតម្រងនោម ត្រូវបន្ថយកម្រិតប្រើប្រាស់។

・អ្នកដែលកំពុងទទួលការលាងឈាម (រួមទាំង ការលាងឈាមតាមភ្នាសពោះផងដែរ)។

・អ្នកដែលមានបញ្ហាតម្រងនោមធ្ងន់ធ្ងរ។

・អ្នកដែលមានកម្រិតក្រេអាទីនីនក្នុងឈាម(Serum creatinine, Scr) ចាប់ពី2.0mg/dLឡើងទៅ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលកំពុងប្រើប្រាស់ឱសថបញ្ចុះខ្លាញ់ក្នុងឈាមប្រភេទHMG-CoA reductase inhibitors - អាចធ្វើអោយប៉ះពាល់ដល់មុខងារតម្រងនោមនិងបង្កអោយកើតមានជំងឺរលាយសាច់ដុំ(Rhabdomyolysis)។

ក្រួសទឹកប្រមាត់ ឈឺពោះ រាករូស ចង់ក្អួត CPKកើនឡើង កន្ត្រាក់សាច់ដុំនៅផ្នែកចង្កេះនិងជើង អស់កម្លាំង ។ល។

・ដោយសារឱសថនេះធ្វើអោយងាយកើតមានក្រួសទឹកប្រមាត់ មិនគួរប្រើឱសថនេះចំពោះអ្នកជំងឺដែលធ្លាប់កើតមានជំងឺក្រួសទឹកប្រមាត់នោះទេ។ ម្យ៉ាងទៀត ឱសថនេះអាចនឹងបង្កើនសកម្មភាពនៃឱសថបញ្ចុះជាតិស្ករក្នុងឈាមឬឱសថប្រឆាំងកំណកឈាម(Warfarin ជាដើម) ដូច្នេះ ចាំបាច់ត្រូវប្រុងប្រយ័ត្នករណីប្រើឱសថទាំងនេះរួមគ្នា។

・គួរប្រើឱសថហ្វីប្រាតនៅក្រោយបរិភោគអាហារ ទើបការស្រូបសារធាតុឱសថប្រព្រឹត្តទៅបានល្អ។

・ឱសថនេះមានប្រសិទ្ធិភាពបញ្ចុះកម្រិតកូឡេស្តេរ៉ូល(15～20%)។ ជាពិសេស ឱសថនេះក៏មានប្រសិទ្ធិភាពបញ្ចុះកម្រិតទ្រីគ្លីសេរីត(Triglycerides) (5～15%) ផងដែរ។ ដូច្នេះ ឱសថទាំងនេះជាជម្រើសទីមួយនៅក្នុងការព្យាបាលជំងឺលើសកម្រិតទ្រីគ្លីសេរីត(Triglycerides)ក្នុងឈាម។

ទប់ស្កាត់ដំណើរការផលិតកូឡេស្តេរ៉ូលនិងទ្រីគ្លីសេរីតនៅក្នុងថ្លើម។ ម្យ៉ាងទៀត ឱសថនេះក៏មានប្រសិទ្ធិភាពភ្ញោចសកម្មភាពនៃអង់ស៊ីមLPL(Lipoprotein lipase)ដែលមានតួនាទីបំបែកសារធាតុទ្រីគ្លីសេរីត ធ្វើអោយកម្រិតទ្រីគ្លីសេរីតថយចុះ។

ក្រៅពីនេះ ឱសថនេះមានក៏មានសកម្មភាពខ្លាំងក្លានៅក្នុងការបង្កើនកម្រិតកូឡេស្តេរ៉ូលល្អ(HDL)។