Basiliximab

ជាទូទៅ ឱសថនេះប្រើនៅក្នុងការព្យាបាលប្រតិកម្មបដិសេធ(Transplant rejection)លក្ខណៈស្រួចស្រាវដែលកើតឡើងនៅក្រោយការវះកាត់ផ្លាស់ប្ដូរសរីរាង្គតម្រងនោម។

ថ្នាំចាក់：

・មនុស្សពេញវ័យ ប្រើក្នុងកម្រិតសរុប40mg ដោយបែងចែកជា2ដង(ម្ដង20mg) ចាក់បញ្ចូលតាមសរសៃវ៉ែន។ ការចាក់លើកដំបូងគឺប្រើនៅក្នុងអំឡុងពេល2ម៉ោងមុននឹងធ្វើការវះកាត់ផ្លាស់ប្ដូរសរីរាង្គ ហើយការចាក់លើកទីពីរគឺប្រើនៅ4ថ្ងៃក្រោយការវះកាត់។ ប្រើឱសថនេះដោយលាយនៅក្នុងទឹកសម្រាប់លាយថ្នាំចាក់បរិមាណ5mLសម្រាប់ឱសថ20mg។

・កុមារ ប្រើក្នុងកម្រិតសរុប20mg ដោយបែងចែកជា2ដង(ម្ដង10mg) ចាក់បញ្ចូលតាមសរសៃវ៉ែន។ ការចាក់លើកដំបូងគឺប្រើនៅក្នុងអំឡុងពេល2ម៉ោងមុននឹងធ្វើការវះកាត់ផ្លាស់ប្ដូរសរីរាង្គ ហើយការចាក់លើកទីពីរគឺប្រើនៅ4ថ្ងៃក្រោយការវះកាត់។ ប្រើឱសថនេះដោយលាយនៅក្នុងទឹកសម្រាប់លាយថ្នាំចាក់បរិមាណ2.5mLសម្រាប់ឱសថ10mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・មិនត្រូវទទួលការចាក់វ៉ាក់សាំងរស់(Live vaccine)ក្នុងអំឡុងពេលប្រើប្រាស់ឱសថនេះទេ។

ផលរំខានរួមមាន ការឆ្លងវីរុសសាយតូមេហ្កាឡូ រលាកច្រមុះនិងបំពង់ក ឈឺក្បាល ក្អក ហូរសម្បោរ មានស្លេស្ម រាករូស រមាស់ស្បែក កន្ទួលក្រហមលើស្បែក ក្ដៅខ្លួន រងាញាក់ ឈឺទ្រូង សម្ពាធឈាមកើនឡើង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទួលក្រហមលើស្បែក ពិបាកដកដង្ហើម សម្ពាធឈាមចុះទាប (រោគប្រតិកម្មលក្ខណៈស្រួចស្រាវ)

- ក្ដៅខ្លួន រោគសញ្ញាស្រដៀងនឹងផ្ដាសាយ រួយខ្លួន (ជំងឺឆ្លង)

- ស្មារតីធ្វេសប្រហែសឬសម្រេចចិត្តធ្លាក់ចុះ ស្ពឹកដៃជើង បាត់បង់ស្មារតី (Progressive multifocal leukoencephalopathy, PML)

- បរិមាណទឹកនោមថយចុះ ហើម (ជំងឺតម្រងនោមBK virus nephropathy)។

・វ៉ាក់សាំងរស់ (Live vaccine) - អាចធ្វើអោយកើតមានជំងឺដែលត្រូវបង្ការនោះនៅពេលអ្នកជំងឺស្ថិតក្នុងស្ថានភាពប្រព័ន្ធភាពស៊ាំកំពុងធ្លាក់ចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・វ៉ាក់សាំងអសកម្ម (Inactivated vaccine) - អាចធ្វើអោយប្រសិទ្ធិភាពវ៉ាក់សាំងថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។

・ស្ត្រីបំបៅដោះកូន គួរប្រើប្រាស់ឱសថនេះក្នុងករណីចាំបាច់ប៉ុណ្ណោះ។

・ក្នុងអំឡុងពេលប្រើប្រាស់ឱសថនេះ ប្រព័ន្ធភាពស៊ាំមានការធ្លាក់ចុះ ធ្វើអោយអ្នកជំងឺងាយនឹងឆ្លងមេរោគ ដូច្នេះ អ្នកជំងឺគួរអនុវត្តការលាងដៃ ការខ្ពុរមាត់ ការដុសធ្មេញ ជាដើម ដើម្បីរក្សាអនាម័យអោយបានខ្ជាប់ខ្ជួន។

・ត្រូវប្រុងប្រយ័ត្ននៅពេលអ្នកជំងឺត្រូវទទួលការចាក់វ៉ាក់សាំង។

ឱសថនេះមានប្រសិទ្ធិភាពបង្អាក់សកម្មភាពភ្ជាប់នៃកោសិកាT (T Cells) ទៅនឹងគ្រឿងទទួលIL-2 (IL-2 receptor) ធ្វើអោយរារាំងដល់ដំណើរការកើនចំនួននិងបញ្ចេញសកម្មភាពរបស់កោសិកាT ដើម្បីទប់ស្កាត់ប្រតិកម្មបដិសេធដែលកើតឡើងលក្ខណៈស្រួចស្រាវនៅក្រោយការវះកាត់ផ្លាស់ប្ដូរតម្រងនោម។