B1 + B2 + B6 + B12

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បំពេញតម្រូវការវីតាមីនបេ1(Octotiamine ឬ Fursultiamine) បេ2(Riboflavin) បេ6(Pyridoxine hydrochloride ឬ Pyridoxal phosphate hydrate) និង បេ12(Cyanocobalamin ឬ Hydroxocobalamin acetate) នៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន។ល។

- ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនទាំងនេះនៅក្នុងរាងកាយ រួមមាន ៖ អាការៈឈឺតាមសរសៃប្រសាទ ឈឺសាច់ដុំនិងសន្លាក់ អាការៈរលាកនិងស្ពឹកនៅតាមសរសៃប្រសាទអវៈយវៈ។

ថ្នាំលេប：

・ករណីក្នុងឱសថ1គ្រាប់រួមមាន：Octotiamine 25mg, Riboflavin 2.5mg, Pyridoxine hydrochloride 40mg និង Cyanocobalamin 0.25mg។

មនុស្សពេញវ័យ：លេប1ថ្ងៃ 1～3គ្រាប់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីក្នុងឱសថ1គ្រាប់រួមមាន：Fursultiamine 25mg, Riboflavin 2.5mg, Pyridoxal phosphate hydrate 15mg និង Hydroxocobalamin 125μg។

មនុស្សពេញវ័យ：លេប1ថ្ងៃ 1～4គ្រាប់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ផលរំខានរួមមាន ហើមពោះ ទល់លាមក ចង់ក្អួត រាករូស វិលមុខ។ល។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថLevodopa - អាចធ្វើអោយសកម្មភាពនៃLevodopaថយចុះ។

・ក្នុងអំឡុងពេលប្រើប្រាស់ឱសថនេះ ទឹកនោមអាចបែ្រទៅជាពណ៌លឿង។ ពណ៌នេះបណ្ដាលមកពីសារធាតុវីតាមីនបេ2ដែលត្រូវបញ្ចេញចោលទៅវិញ ដូច្នេះ មិនមែនជាបញ្ហាត្រូវបារម្ភនោះទេ។

ឱសថនេះ រួមមាន វីតាមីនបេ1(Octotiamine ឬ Fursultiamine) បេ2(Riboflavin) បេ6(Pyridoxine hydrochloride ឬ Pyridoxal phosphate hydrate) និង បេ12(Cyanocobalamin ឬ Hydroxocobalamin acetate) ដែលមានតួនាទីជាកូអង់ស៊ីម(Coenzyme)ចូលរួមនៅក្នុងប្រតិកម្មផ្សេងៗនៃរាងកាយ ជាពិសេសប្រតិកម្មទាក់ទងនឹងមុខងារនៃប្រព័ន្ធសរសៃប្រសាទ។