Atropine sulfate hydrate

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- រោគសញ្ញានៃការបញ្ចេញជាតិអាស៊ីតក្នុងក្រពះឬចលនាក្រពះពោះវៀនកើនឡើង ដែលកើតមាននៅក្នុងជំងឺដំបៅក្រពះឬដំបៅគល់ពោះវៀនតូច(Duodenal ulcer)។

- អាការៈឈឺចាប់បណ្ដាលមកពីការកន្ត្រាក់នៃក្រពះពោះវៀន។

- អាការៈទល់លាមកលក្ខណៈពោះវៀនកន្ត្រាក់។

- អាការៈឈឺចាប់នៅតាមបំពង់ទឹកប្រមាត់ឬបំពង់នោម។

- អាការៈពុលថ្នាំសម្លាប់សត្វល្អិតប្រភេទOrganophosphorus pesticidesឬឱសថដែលមានសកម្មភាពភ្ញោចប្រព័ន្ធសរសៃប្រសាទប៉ារ៉ាស៊ីមប៉ាសេទិច(Parasympathetic nervous system)។

- អាការៈជីពចរខ្សោយឬបញ្ហានៃការបញ្ជូនសញ្ញារវាងថតលើក្រោមនៃបេះដូង ដែលទាក់ទងនឹងសរសៃប្រសាទVagus ឬទាក់ទងនឹងមូលហេតុផ្សេងទៀត។

- អាការៈនោមយប់ (Nocturnal enuresis)។

- បណ្ដុំរោគសញ្ញាប៉ាឃីនសុនដែលមិនមែនកើតឡើងដោយសារការប្រើប្រាស់ឱសថ(Non-drug-induced Parkinsonism)។

- ប្រើនៅមុនពេលអនុវត្តការសណ្ដំ។

ករណីថ្នាំដាក់ភ្នែក：

ជាទូទៅ ឱសថនេះប្រើនៅក្នុងការពង្រីកកូនក្រមុំភ្នែកសម្រាប់ធ្វើរោគវិនិច្ឆ័យឬព្យាបាលជំងឺភ្នែកមួយចំនួន។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈនៃការបញ្ចេញជាតិអាស៊ីតក្នុងក្រពះឬចលនាក្រពះពោះវៀនកើនឡើង ដែលកើតមាននៅក្នុងជំងឺដំបៅក្រពះឬដំបៅគល់ពោះវៀនតូច(Duodenal ulcer)។

- អាការៈឈឺចាប់បណ្ដាលមកពីការកន្ត្រាក់នៃក្រពះពោះវៀន។

- អាការៈទល់លាមកលក្ខណៈពោះវៀនកន្ត្រាក់។

- អាការៈឈឺចាប់នៅតាមបំពង់ទឹកប្រមាត់ឬបំពង់នោម។

- អាការៈពុលថ្នាំសម្លាប់សត្វល្អិតប្រភេទOrganophosphorus pesticidesឬឱសថដែលមានសកម្មភាពភ្ញោចប្រព័ន្ធសរសៃប្រសាទប៉ារ៉ស៊ីមប៉ាសេទិច (Parasympathetic nervous system)។

- អាការៈជីពចរខ្សោយឬបញ្ហានៃការបញ្ជូនសញ្ញារវាងថតលើក្រោមនៃបេះដូង ដែលទាក់ទងនឹងសរសៃប្រសាទVagus ឬទាក់ទងនឹងមូលហេតុផ្សេងទៀត

- ប្រើនៅមុនពេលអនុវត្តការសណ្ដំ ឬ មុនECT។

ករណីថ្នាំលេប：

មនុស្សពេញវ័យ：លេប1ថ្ងៃ 1.5mg ដោយបែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ចំពោះបណ្ដុំរោគសញ្ញាប៉ាឃីនសុនដែលមិនមែនកើតឡើងដោយសារការប្រើប្រាស់ឱសថ(Non-drug-induced Parkinsonism) ប្រើដោយលេប1ថ្ងៃ0.5～1mg ដោយបែងចែកជា3ដងក្នុង1ថ្ងៃ និង អាចបង្កើនកម្រិតប្រើប្រាស់បន្តិចម្ដងៗ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំដាក់ភ្នែក：

・ថ្នាំបន្តក់ភ្នែក (01%)：បន្តក់ក្នុងភ្នែក1ថ្ងៃ1～3ដង 1ដង1～2តំណក់។

・ក្រមួនដាក់ភ្នែក (1%)：ប្រើ1ថ្ងៃ1～3ដង លាបនៅផ្នេកConjunctival sacនៃភ្នែក ក្នុងបរិមាណសមស្រប។

ករណីថ្នាំចាក់：

មនុស្សពេញវ័យ：ជាទូទៅ ប្រើ1ដង0.5mg ចាក់ក្រោមស្បែកឬក្នុងសាច់ដុំ។ ក្នុងករណីខ្លះ ក៏អាចប្រើដោយចាក់តាមសរសៃវ៉ែនបានផងដែរ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ចំពោះអាការៈពុលថ្នាំសម្លាប់សត្វល្អិតប្រភេទOrganophosphorus pesticides ត្រូវកំណត់កម្រិតប្រើប្រាស់ទៅតាមរោគសញ្ញាដូចខាងក្រោម៖

+ រោគសញ្ញាកម្រិតស្រាល：ប្រើ0.5～1mg ចាក់ក្រោមស្បែក ឬ លេបក្នុងកម្រិត0.5～1mg។

+ រោគសញ្ញាកម្រិតមធ្យម：ប្រើ1～2mg ចាក់ក្រោមស្បែក ឬ ក្នុងសាច់ដុំ ឬ ចាក់តាមសរសៃវ៉ែន។ ប្រសិនបើចាំបាច់ អាចប្រើក្នុងកម្រិតដដែលនៅរៀងរាល់20～30នាទីបន្ទាប់ពីនោះ។

+ រោគសញ្ញាកម្រិតធ្ងន់ធ្ងរ：នៅលើកដំបូង ប្រើ2～4mg ចាក់តាមសរសៃវ៉ែន។ បន្ទាប់ពីនោះ ទៅតាមរោគសញ្ញា អាចបន្តចាក់ម្ដងហើយម្ដងទៀតរហូតដល់កម្រិតឆ្អែតនៃឱសថនេះ។

・ចំពោះការប្រើនៅមុនECT： មនុស្សពេញវ័យ ប្រើ1ដង0.5mg ចាក់ក្រោមស្បែកឬក្នុងសាច់ដុំឬតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេប：

・អ្នកដែលមានជំងឺក្លូកូម(Glaucoma)។

・អ្នកដែលមានបញ្ហាក្នុងការបញ្ចេញទឹកនោមដោយសារជំងឺរីកក្រពេញប្រូស្តាត។

・អ្នកដែលមានជំងឺស្ទះពោះវៀនលក្ខណៈស្ពឹក(Paralytic ileus)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំដាក់ភ្នែក：

・អ្នកដែលមានជំងឺក្លូកូម(Glaucoma) ឬ មានកត្តាមូលហេតុធ្វើអោយសម្ពាធភ្នែកកើនឡើង។

ករណីថ្នាំចាក់：

・អ្នកដែលមានជំងឺក្លូកូម(Glaucoma)។

・អ្នកដែលមានបញ្ហាក្នុងការបញ្ចេញទឹកនោមដោយសារជំងឺរីកក្រពេញប្រូស្តាត។

・អ្នកដែលមានជំងឺស្ទះពោះវៀនលក្ខណៈស្ពឹក(Paralytic ileus)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំលេប：

ផលរំខានរួមមាន ភ្នែកមើលមិនសូវច្បាស់ ឡើងកន្ទួលក្រហម រមាស់ស្បែក ស្ងួតក ចង់ក្អួត ក្អួត ទល់លាមក ឈឺក្បាល ធ្ងន់ក្បាល វិលមុខ ពិបាកនោម ។ល។

ករណីថ្នាំដាក់ភ្នែក：

ផលរំខានរួមមាន រលាកភ្នែក សម្ពាធភ្នែកកើនឡើង សម្ពាធឈាមកើនឡើង រវើរវាយ ចង់ក្អួត ក្អួត ស្ងួតក ទល់លាមក ឈឺក្បាល ក្ដៅខ្លួន មុខក្រហម។ល។

ករណីថ្នាំចាក់：

ផលរំខានរួមមាន កូនក្រមុំរីក ពិបាកមើល ជំងឺក្លូកូម(Glaucoma) ស្ងួតក ចង់ក្អួត ក្អួត ពិបាកលេបអាហារ ទល់លាមក ពិបាកនោម ឈឺក្បាល ធ្ងន់ក្បាល បេះដូងលោតញាប់ ពិបាកដកដង្ហើម ពិបាកចងចាំ ឡើងកន្ទួលក្រហម មុខក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ជីពចរដើរញាប់ ក្រហមពេញខ្លួន បែកញើស ហើមមុខ (អាការៈស្រដៀងនឹងរោគប្រតិកម្មធ្ងន់ធ្ងរ)។

ករណីថ្នាំលេប：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសព្យាបាលជំងឺបាក់ទឹកចិត្តប្រភេទTricyclic antidepressants(Amitriptyline, Imipramine ជាដើម), ឱសថប្រភេទPhenothiazines(Chlorpromazine, Fluphenazine ជាដើម), ឱសថប្រឆាំងសារធាតុហ៊ីស្តាមីន(Antihistamines), ឱសថIsoniazid, ឱសថប្រភេទទប់ស្កាត់អង់ស៊ីមMAO(Safrazine) - អាចធ្វើអោយសកម្មភាពប្រឆាំងអាសេទីលកូលីនកើនឡើង បង្កជាផលរំខានផ្សេងៗ។

・ឱសថប្រភេទDigitalis (Digoxin, Digitoxin ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

ករណីថ្នាំដាក់ភ្នែក：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសព្យាបាលជំងឺបាក់ទឹកចិត្តប្រភេទTricyclic antidepressants(Amitriptyline, Imipramine ជាដើម), ឱសថប្រភេទPhenothiazines(Chlorpromazine, Fluphenazine ជាដើម), ឱសថប្រឆាំងសារធាតុហ៊ីស្តាមីន(Antihistamines) - អាចធ្វើអោយសកម្មភាពនៃឱសថAtropine sulfate hydrateកើនឡើង។

ករណីថ្នាំចាក់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសព្យាបាលជំងឺបាក់ទឹកចិត្តប្រភេទTricyclic antidepressants(Amitriptyline, Imipramine ជាដើម), ឱសថប្រភេទPhenothiazines(Chlorpromazine, Fluphenazine ជាដើម), ឱសថប្រឆាំងសារធាតុហ៊ីស្តាមីន(Antihistamines), ឱសថIsoniazid, ឱសថប្រភេទទប់ស្កាត់អង់ស៊ីមMAO(Safrazine) - អាចធ្វើអោយសកម្មភាពប្រឆាំងអាសេទីលកូលីនកើនឡើង បង្កជាផលរំខានផ្សេងៗ។

・ឱសថប្រភេទDigitalis (Digoxin, Digitoxin ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

・ឱសថPralidoxime methiodide(PAM) - អាចពន្យារពេលនៃការបង្ហាញប្រសិទ្ធិភាពនៃឱសថAtropine sulfate hydrateនៅពេលលាយឱសថទាំងនេះជាមួយគ្នា។

ករណីថ្នាំលេប និង ថ្នាំចាក់：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ និង ស្ត្រីបំបៅដោះកូន មិនគួរប្រើប្រាស់ឱសថនេះ ព្រោះអាចធ្វើអោយមានបញ្ហាដល់ចង្វាក់បេះដូងរបស់ទារក។ ម្យ៉ាងទៀត ឱសថនេះអាចធ្វើអោយការបញ្ចេញទឹកដោះមានលក្ខណៈថយចុះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ភ្នែកមើលមិនសូវច្បាស់ ស្រវាំងភ្នែក ចាំងភ្នែកខ្លាំង វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ការចាក់តាមសាច់ដុំអាចមានឥទ្ធិពលទៅលើតម្លៃCPK ដូច្នេះមិនអនុវត្តការវាស់តម្លៃCPKនោះទេ

ឱសថនេះមានសកម្មភាពភ្ជាប់ទៅនឹងគ្រឿងទទួលមូស្កាលីននៃសារធាតុអាសេទីលកូលីន(Muscarinic acetylcholine receptors, mAchR) ដើម្បីទប់ស្កាត់ការភ្ជាប់និងភ្ញោចនៃសារធាតុអាសេទីលកូលីនទៅនឹងគ្រឿងទទួលរបស់វា។