Artemether + Lumefantrine

ជាទូទៅ ឱសថនេះប្រើនៅក្នុងការព្យាបាលឬបង្ការជំងឺគ្រុនចាញ់។

ឱសថនេះមានប្រសិទ្ធិភាពកម្ចាត់ប៉ារ៉ាស៊ីតដែលកំពុងជ្រៀតចូលក្នុងគ្រាប់ឈាមក្រហមរបស់អ្នកជំងឺ ប៉ុន្តែ មិនមានប្រសិទ្ធិភាពកម្ចាត់ប៉ារ៉ាស៊ីតដែលស្ថិតនៅជាទម្រង់Hypnozoite(ដំណាក់កាលសម្ងំ)នោះទេ។

ថ្នាំលេប：

ក្នុងឱសថនេះ1គ្រាប់ រួមមាន៖ Artemether 20mg និង Lumefantrine 120mg។

កំណត់កម្រិតប្រើប្រាស់ឱសថនេះទៅតាមទម្ងន់របស់អ្នកជំងឺ ក្នុងចន្លោះ 1～4គ្រាប់/ដងសម្រាប់ការលេបលើកដំបូង និង នៅ8ម៉ោងក្រោយការលេបលើកដំបូង។ បន្ទាប់ពីនោះ លេប1ថ្ងៃ2ដង រយៈពេល2ថ្ងៃ (សរុបលេប6ដង)។ លេបឱសថនេះក្រោយបរិភោគអាហាររួចភ្លាម។

កម្រិតនៃការប្រើប្រាស់ឱសថនេះក្នុង1 ដង ត្រូវកំណត់ទៅតាមទម្ងន់របស់អ្នកជំងឺ ដូចខាងក្រោម៖

+ ទម្ងន់5kg～ក្រោម15kg：20mg/120mg (Artemether/Lumefantrine) (1គ្រាប់)។

+ ទម្ងន់15kg～ក្រោម25kg：40mg/240mg (Artemether/Lumefantrine) (2គ្រាប់)។

+ ទម្ងន់25kg～ក្រោម35kg：60mg/360mg (Artemether/Lumefantrine) (3គ្រាប់)។

+ ទម្ងន់35kgឡើងទៅ：80mg/480mg (Artemether/Lumefantrine) (4គ្រាប់)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះក្រោម14សប្ដាហ៍ឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើប្រាស់ឱសថRifampicin, Refabutin, Carbamazepine, Phenobarbital, Phenytoin, Fosphenytoin, អាហារបំប៉នដែលមានសារធាតុSt.Johnʼs wort)។

ផលរំខានរួមមាន វិលមុខ បាត់បង់ចំណង់អាហារ ក្អួតចង្អោរ អាការៈខ្វះឈាម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ចង្វាក់បេះដូងលោតញាប់ បាត់បង់ស្មារតី (QTនៃចង្វាក់បេះដូងអូសបន្លាយវែង)។

- អស់កម្លាំង ស្មារតីដឹងខ្លួនធ្លាក់ចុះ ពិបាកដកដង្ហើម (រោគប្រតិកម្មធ្ងន់ធ្ងរ)។

・ឱសថRifampicin, Refabutin, Carbamazepine, Phenobarbital, Phenytoin, Fosphenytoin, អាហារបំប៉នដែលមានសារធាតុSt.Johnʼs wort) - អាចធ្វើអោយប្រសិទ្ធិភាពប្រឆាំងជំងឺគ្រុញចាញ់ថយចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលធ្វើអោយQTនៃចង្វាក់បេះដូងអូសបន្លាយវែង (Quinine, Disopyramide, Procainamide, Quinidine, Amiodarone, Sotalol, Pimozide, Chlorpromazine, Haloperidol, Amitriptyline, Imipramine, Erythromycin, Clarithromycin, Moxifloxacin, Fluconazole, Itraconazole ជាដើម) - អាចធ្វើអោយQTនៃចង្វាក់បេះដូងតែអូសបន្លាយវែង។

・ឱសថMefloquine - អាចធ្វើអោយកំហាប់ក្នុងឈាមនៃLumefantrinធ្លាក់ចុះ។

・ឱសថEtravirine, Modafinil, Efavirenz, Bosentan - អាចធ្វើអោយកំហាប់ក្នុងឈាមនៃArtemetherនិងLumefantrineធ្លាក់ចុះ នាំអោយប្រសិទ្ធិភាពប្រឆាំងជំងឺគ្រុនចាញ់ថយចុះ។

・ឱសថAmprenavir, Fosamprenavir - អាចធ្វើអោយកំហាប់ក្នុងឈាមនៃឱសថទាំងនេះធ្លាក់ចុះ។

・ឱសថLopinavir/Ritonavir - អាចធ្វើអោយកំហាប់ក្នុងឈាមនៃArtemetherធ្លាក់ចុះ និង កំហាប់ក្នុងឈាមនៃLumefantrineកើនឡើង។

・ឱសថពន្យារកំណើត - អាចធ្វើអោយប្រសិទ្ធិភាពឱសថពន្យារកំណើតថយចុះ។ ករណីប្រើរួមគ្នា គួរប្រើវិធីពន្យារកំណើតផ្សេងបន្ថែមទៀត។

・ក្រូចថ្លុង - សារធាតុនៅក្នុងក្រូចថ្លុងអាចធ្វើអោយកំហាប់ក្នុងឈាមនៃArtemetherនិងLumefantrineកើនឡើង ដូច្នេះគួរចៀសវាងពិសាក្រូចថ្លុងក្នុងអំឡុងពេលប្រើឱសថនេះ។

・ស្ត្រីមានផ្ទៃពោះក្រោម14សប្ដាហ៍ឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។ ស្ត្រីមានផ្ទៃពោះចាប់ពី14សប្ដាហ៍ឡើងទៅ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・កម្រិតប្រើប្រាស់ឱសថនេះ ប្រែប្រួលទៅតាមទម្ងន់របស់អ្នកជំងឺ។

・សម្រាប់អ្នកជំងឺជាស្ត្រី មុននឹងចាប់ផ្ដើមប្រើប្រាស់ឱសថនេះ គួរធ្វើការពិនិត្យបញ្ជាក់ថាមិនកំពុងមានផ្ទៃពោះនោះទេ។ ម្យ៉ាងទៀត សូមធ្វើការពន្យារកំណើតក្នុងអំឡុងពេលប្រើនិងក្រោយពេលប្រើឱសថនេះរហូតដល់ពេលមករដូវម្ដងទៀត។

・សារធាតុនៅក្នុងក្រូចថ្លុងអាចធ្វើអោយកំហាប់ក្នុងឈាមនៃឱសថនេះកើនឡើងបង្កជាផលរំខានផ្សេងៗ ដូច្នេះ គួរចៀសវាងពិសាក្រូចថ្លុងក្នុងអំឡុងពេលប្រើឱសថនេះ។

ជាឱសថប្រឆាំងជំងឺគ្រុនចាញ់ ដែលផ្សំឡើងដោយសារធាតុឱសថចំនួន2 ដែលសកម្មភាពនៃសារធាតុទាំងពីរនេះ នៅមិនទាន់មានទ្រឹស្ដីច្បាស់លាស់នៅឡើយទេ ប៉ុន្តែ មានការស្រាវជ្រាវមួយចំនួនបានបង្ហាញដូចខាងក្រោម：

- Artemether：មានប្រសិទ្ធិភាពបង្អាក់សកម្មភាពរបស់មីតូកុងទ្រីនិងគ្រឿងចម្លងអ៊ីយ៉ុងកាល់ស្យូម(Calcium pump) ព្រមទាំងបង្កើតរ៉ាឌីកាល់សេរី(Free radicals)ប្រឆាំងកោសិការបស់ប៉ារ៉ាស៊ីតបង្កជំងឺគ្រុនចាញ់។

- Lumefantrine：មានប្រសិទ្ធិភាពបង្អាក់សកម្មភាពបំលែងម៉ូលេគុលហែមនៃគ្រាប់ឈាមក្រហមដែលមានប៉ារ៉ាស៊ីតស្ថិតនៅក្នុងនោះ ធ្វើអោយកម្រិតនៃម៉ូលេគុលហែមកើនឡើងនិងមានឥទ្ធិពលកម្ចាត់ប៉ារ៉ាស៊ីតបង្កជំងឺគ្រុនចាញ់។