Anhydrous ethanol

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ការប្រុងប្រយ័ត្នជាពិសេស

    • ប្រសិទ្ធិភាពព្យាបាល

      ករណីថ្នាំចាក់：

      ជាទូទៅ ឱសថនេះប្រើនៅក្នុងការព្យាបាលជំងឹមហារីកកោសិកាថ្លើមដោយវិធីចាក់បញ្ចូលអេតាណុលតាមស្បែក។

      ករណីថ្នាំលាបលើស្បែក：

      ជាទូទៅ ឱសថនេះប្រើនៅក្នុងការសម្លាប់មេរោគនៅម្រាមដៃ ស្បែក ស្បែកដែលត្រូវទទួលការវះកាត់ និង ឧបករណ៍បរិក្ខារពេទ្យ។

    • កម្រិតប្រើប្រាស់

      ករណីថ្នាំចាក់：

      កំណត់បរិមាណសរុបដែលត្រូវចាក់ទៅតាមផ្ទៃក្រឡានៃជាលិកាមហារីក ពីប្រភពមហារីកនីមួយៗ។ បរិមាណត្រូវប្រើក្នុង1ថ្ងៃជាអតិបរមាគឺ 10mL។ ករណីបរិមាណសរុបត្រូវចាក់មានកម្រិតលើសពីបរិមាណអតិបរមាក្នុង1ថ្ងៃ ត្រូវបែងចែកការចាក់ជាប៉ុន្មានថ្ងៃ ដោយជាទូទៅ គេអនុវត្ត2ដងក្នុង1សប្ដាហ៍។

      បរិមាណសរុបដែលត្រូវចាក់ = 4/3π x (r＋0.5)3mL ដោយ(r＋0.5): ពាក់កណ្ដាលនៃអង្កត់ផ្ចិតអតិបរមានៃជាលិកាមហារីក + តំបន់សុវត្ថិភាពគិតជាcm។

      ករណីថ្នាំលាបលើស្បែក：

      ប្រើឱសថនេះដោយពង្រាវជាមួយនឹងទឹកចម្រោះ(Purified water) ដើម្បីបានកំហាប់76.9～81.4vol% មុននឹងប្រើនៅលើកន្លែងដែលត្រូវសម្លាប់មេរោគ។

    • ហាមប្រើ

      ករណីថ្នាំចាក់：

      ・អ្នកដែលធ្លាប់មានរោគប្រតិកម្មជាមួយនឹងសារសារធាតុអេតាណុល។

      ជាគោលការណ៍ អ្នកជំងឺដូចខាងក្រោមមិនត្រូវប្រើប្រាស់ឱសថនេះទេ។ ករណីចាំបាច់ត្រូវប្រើ ត្រូវតាមដានស្ថានភាពជំងឺនិងផលរំខានឱសថអោយបានដិតដល់។

      ・អ្នកដែលមានបញ្ហាថ្លើមធ្ងន់ធ្ងរ ដូចជា កម្រិតBilirubinសរុបចាប់ពី3 mg/dLឡើងទៅឬមានរោគសញ្ញាទាចទឹកពិបាកគ្រប់គ្រងជាដើម។

      ・អ្នកដែលងាយកើតមានអាការៈហូរឈាមធ្ងន់ធ្ងរ។

      ករណីថ្នាំលាបលើស្បែក：

      ・ស្បែកដែលមានរបួសដាច់រហែកឬភ្នាសសើម។

    • ការប្រុងប្រយ័ត្នជាពិសេស

      ករណីថ្នាំចាក់：

      ・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយវិធីចាក់បញ្ចូលអេតាណុលតាមស្បែក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល